 |
ພິທີວາງສີລາລຶກກໍ່ສ້າງເຮືອນໃຫ້ປະຊາຊົນລາວທີ່ປະສົບກັບຄວາມຫຍຸ້ງຍາກຢູ່ເຂດຊາຍແດນ. ພາບ: qdnd.vn.
ເນື່ອງໃນໂອກາດນີ້, ຜູ້ຕາງໜ້າກອງບັນຊາການທະຫານແຂວງເທື່ອທຽນເຫວ້ ແລະ ສະພາກາແດງແຂວງ ໄດ້ມອບຂອງຂວັນ 60 ພູດ ໃຫ້ແກ່ບັນດາຄອບຄົວຫຍຸ້ງຍາກຢູ່ທ້ອງຖິ່ນດ້ວຍມູນຄ່າ 500.000 ດົ່ງ/ພູດ. ເຮືອນ 2 ຫຼັງ ໄດ້ກໍ່ສ້າງໃຫ້ແກ່ບັນດາຄອບຄົວທີ່ປະສົບກັບຄວາມຫຍຸ້ງຍາກເປັນພິເສດດ້ວຍຈໍານວນເງິນໜູນຊ່ວຍແມ່ນ 30 ລ້ານດົ່ງຕໍ່ຫຼັງ.
ທ່ານພັນເອກ ຟ້າມຕຸ່ງເລິມ, ຮອງຫົວໜ້າການເມືອງກອງບັນຊາການທະຫານຊາຍແດນແຂວງເທື່ອທຽນເຫວ້ ໃຫ້ຮູ້ວ່າ, ການເຄື່ອນໄຫວມອບເຮືອນ ແລະ ມອບຂອງຂວັນໃຫ້ແກ່ປະຊາຊົນລາວ ທີ່ປະສົບກັບຄວາມຫຍຸ້ງຍາກແມ່ນເພື່ອແນໃສ່ຊ່ວຍເຫຼືອປະຊາຊົນຢູ່ເຂດຊາຍແດນຂອງປະເທດລາວ, ປັບປຸງການດໍາລົງຊີວິດທາງດ້ານວັດຖຸ ແລະ ຈິດໃຈໃຫ້ດີຂຶ້ນເທື່ອລະກ້າວ, ປະກອບສ່ວນໃນການປັບປຸງ, ເພີ່ມທະວີສາຍພົວພັນສາມັກຄີມິດຕະພາບອັນເປັນມູນເຊື້ອທີ່ມີມາແຕ່ດົນນານ ແລະ ຍືນຍົງລະຫວ່າງສອງຊາດ; ເພີ່ມພູນຄູນສ້າງສາຍພົວພັນສາມັກຄີຢ່າງແໜ້ນແຟ້ນລະຫວ່າງບັນດາກົມກອງໃນການປະຕິບັດໜ້າທີ່ຄຸ້ມຄອງ ແລະ ປົກປັກຮັກສາຊາຍແດນ.
（ໄຊພອນ）
