ຄະນະພະນັກງານການນຳຂັ້ນແຂວງ ຫົວພັນ ເຂົ້າຢ້ຽມຢາມ ແລະ ອວຍພອນບຸນປີໃໝ່ຫວຽດ ແຂວງເຊີນລາ

ຄະນະພະນັກງານການນຳຂັ້ນແຂວງ, ອຳນາດການປົກຄອງແຂວງຫົວພັນ ເຂົ້້າຢ້ຽມຢາມ ແລະ ອວຍພອນປີໃໝ່ ຢູ່ ແຂວງເຊີນລາ.

ທີ່ການຕ້ອນຮັບ ສະຫາຍ ຫງວ໋ຽນ ຮຶວດົງ ໄດ້ລາຍງານຕໍ່ກັບຄະນະການນຳຂັ້ນແຂວງ ແລະ ອຳນາດການປົກຄອງແຂວງ ຫົວພັນ ບັນດາຜົນສຳເລັດກໍ່ຄືໝາກຜົນຂອງການພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບສຸກ ແລະ ວຽກງານການຕ່າງປະເທດຂອງແຂວງເຊີນລາ ໃນໄລຍະຜ່ານມາ.

ຕ່າງໜ້າຄະນະພະນັກງານຂັ້ນແຂວງຫົວພັນ, ສະຫາຍ ແພງ ກັນຍະພິມ ໄດ້ກ່າວຄຳຂອບໃຈຕໍ່ການຕ້ອນຮັບອັນອົບອຸ່ນ, ເຕັມໄປດ້ວຍມິດຕະພາບ ຂອງແຂວງເຊີນລາ ມອບໃຫ້ຄະນະ ແລະ ຂອບໃຈຕໍ່ການຊ່ວຍເຫຼືອຂອງແຂວງເຊີນລາ ໃຫ້ກັບແຂວງຫົວພັນໃນໄລຍະທີ່ຜ່ານມາ. ສະຫາຍຫວັງເປັນຢ່າງຍິ່ງວ່າໃນຕໍ່ໜ້າ, ແຂວງເຊີນລາ ແລະ ແຂວງຫົວພັນ ຈະເພີ່ມທະວີການຮ່ວມມືຂື້ນຕື່ມໃນທຸກໆຂົງເຂດ; ຮັດແໜ້ນຂື້ນຕື່ມຄວາມສາມັກຄີ ລະຫ່ວາງ ຫວຽດນາມ-ລາວ, ເຊີນລາ ແລະ ແຂວງຫົວພັນ. ໂອກາດກຽມຕ້ອນຮັບບຸນປີໃໝ່ຫວຽດ 2019, ສະຫາຍ ແພງ ກັນຍະພິມ ຕ່າງໜ້າການນຳຂັ້ນແຂວງ ໄດ້ອວຍພອນໃຫ້ພັກ, ອຳນາດການປົກຄອງ ແລະ ປະຊາຊົນບັນດາເຜົ່າຂອງແຂວງເຊີນລາ ສືບຕໍ່ຍາດໄດ້ຜົນສຳເລັດກໍ່ຄືໄຊຊະນະອັນຍິ່ງໃຫຍ່ໃນປີ 2019. ໂອກາດນີ້ ສະຫາຍ ແພງ ກັນຍະພິມ ໄດ້ມອບໜັງສືອວຍພອນປີໃໝ່ຫວຽດ ຂອງສະຫາຍ ເລຂາພັກແຂວງເຈົ້າແຂວງໆ ຫົວພັນ ເຖິງ ພັກ, ອຳນາດການປົກຄອງ ແລະ ປະຊາຊົນບັນດາເຜົ່າຂອງແຂວງເຊີນລາ.

ກອງປະຊຸມສະຫຼຸບ ສົກຮຽນ 2018-2019 ຢູ່ແຂວງເຊີນລາ.

ໃນການມາຢ້ຽມຢາມຄັ້ງນີ້, ສະຫາຍ ແພງ ກັນຍະພິມ ແລະ ຄະນະພະນັກງານການນຳຂັ້ນແຂວງ ໄດ້ໄປຢ້ຽມຢາມ ໂຮງຮຽນ ຊັ້ນສູງ ເຊີນລາ ເຂົ້າຮ່ວມກອງປະຊຸມສະຫຼຸບ ຊຸດ ບຳລຸງສ້າງພາສາຫວຽດ ໃຫ້ແກ່ພະນັກງານ ຂອງບັນດາແຂວງພາກເໜືອຂອງລາວ ສົກຮຽນປີ 2018-2019, ເຊິ່ງມີນັກຮຽນ ຈຳນວນ 134 ຄົນ(ຍິງ 22, ຊາຍ 112). ສຳເລັດຊຸດຝືກອົບຮົມ, ນັກຝຶກອົບຮົມ 100ວ ສາມາດເຮັດສຳເລັດຊຸດຝຶກອົບຮົມ ແລະ ໄດ້ຮັບໃບປະກາດພາສາຫວຽດ. ນີ້ແມ່ນປີທີ 18, ກຳມະການປະຊາຊົນແຂວງ ເຊີນລາ ມອບຮັບໃຫ້ໂຮງຮຽນຊັ້ນສູງເຊີນລາ ກໍ່ສ້າງພາສາຫວຽດ ແລະ ຊັບພະຍາກອນມະນຸດ ໃຫ້ແກ່ບັນດາແຂວງພາກເໜືອຂອງລາວ.

（ຫັດ​ທະ​ບູນ）