ນາຍົກລັດຖະມົນຕີ ຫວຽດນາມ ຕ້ອນຮັບ ການນຳ ຂອງກຳປູເຈຍ ແລະ ລາວ ມາຮ່ວມງານໄຫວ້ອາໄລ ອາດີດປະທານປະເທດ ເລ ດຶກ ແອັງ

ທ່ານນາຍົກລັດຖະມົນຕີ Samdech Techo Hun Sen ໄດ້ສະແດງຄວາມໂສກເສົ້າເປັນຢ່າງຍິ່ງ ແລະ ໄດ້ແບ່ງປັນຄວາມທຸກໂສກຢ່າງເລິກເຊິ່ງ ເມື່ອໄດ້ຮັບຂ່າວວ່າ ອາດີດປະທານປະເທດ ເລ ດຶກ ແອັງ ໄດ້ເຖິງແກ່ກຳແລ້ວ.

ທ່ານນາຍົກລັດຖະມົນຕີ Samdech Techo Hun Sen ຍັງໄດ້ເນັ້ນໜັກວ່າ: ອາດີດປະທານປະເທດ, ພົນເອກ ເລ ດຶກ ແອັງ ແມ່ນໝູ່ເພື່ອນທີ່ໄກ້ສິດ, ແມ່ນສະຫາຍທີ່ໄດ້ປະກອບສ່ວນເຂົ້າໃນພາລະກິດປົດປ່ອຍປະຊາຊົນກຳປູເຈຍ ອອກຈາກລະບອບການຂ້າລ້າງເຜົ່າພັນຂອງ ຂະເໝນແດງ ໃນປີ 1979.

ອີກເທື່ອໜຶ່ງ, ທ່ານນາຍົກລັດຖະມົນຕີ Samdech Techo Hun Sen ໄດ້ສະແດງຄວາມຂອບໃຈ ພັກ, ລັດຖະບານ ຫວຽດນາມ ແລະ ສະຫາຍ ເລ ດຶກ ແອັງ ທີ່ໄດ້ຊ່ວຍເຫຼືອຊູ້ໜູນປະເທດ ກຳປູເຈຍ, ຊ່ວຍກຳປູເຈຍໃນການກໍ່ສ້າງກອງກຳລັງທະຫານໃນທັງ ສາມກອງທັບຄື: ທະຫານເຮືອ, ທະຫານບົກ ແລະ ທະຫານອາກາດ.

ທ່ານນາຍົກລັດຖະມົນຕີ ຫງວ໋ຽນ ຊົນ ຟຸກ ຕ້ອນຮັບຄະນະຜູ້ແທນຂັ້ນສູງຂອງກຳປູເຈຍ ນຳໂດຍ ທ່ານນາຍົກລັດຖະມົນຕີ Samdech Techo Hun Sen.

ປະທານສູນກາງແນວລາວສ້າງຊາດລາວ ທ່ານ ໄຊສົມພອນ ພົມວິຫານ ໄດ້ນຳຄຳແບ່ງປັນຄວາມທຸກໂສກຢ່າງສຸດຊຶ້ງ, ຄວາມເສຍໃຈຢ່າງຫາແນວປຽບບໍ່ໄດ້ຂອງພັກ, ລັດ, ສະພາແຫ່ງຊາດ, ລັດຖະບານ ແລະ ແນວລາວສ້າງຊາດ ມາຍັງພັກ, ລັດ, ສະພາແຫ່ງຊາດ, ລັດຖະບານ ແລະ ແນວໂຮມຊາດຫວຽດນາມ ໃນການສູນເສຍ ອາດີດປະທານປະເທດ ພົນເອກ ເລ ດຶກ ແອັງ ໃນຄັ້ງນີ້.

ສະຫາຍ ໄຊສົມພອນ ພົມວິຫານ ຕີລາຄາສູງການປະກອບສ່ວນອັນລຳ້ຄ່າຂອງສະຫາຍ ເລ ດຶກ ແອັງ ໃນພາລະກິດປະຕິວັດຂອງພັກ ແລະ ປະຊາຊົນຫວຽດນາມ ກໍ່ຄືໃນການສ້າງສາ, ປັບປຸງ ແລະ ພັດທະນາ ສາຍພົວພັນອັນເກົ່າແກ່ຍາວນານ, ຄວາມສາມັກຄີພິດເສດ ແລະ ຮ່ວມມືຮອບດ້ານ ຫວຽດນາມ-ລາວ.

ທ່ານນາຍົກລັດຖະມົນຕີ ຫງວ໋ຽນ ຊົນ ຟຸກ ຕ້ອນຮັບຄະນະຜູ້ແທນຂັ້ນສູງຂອງລາວ ນຳໂດຍ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດລາວ.

ຕ່າງໜ້າພັກ, ລັດ, ລັດຖະບານ ແລະ ປະຊາຊົນຫວຽດນາມ, ນາຍົກລັດຖະມົນຕີ ຫງວ໋ຽນ ຊົນ ຟຸກ ໄດ້ສະແດງຄວາມຂອບອົກຂອບໃຈຢ່າງສຸດຊຶ້ງຕໍ່ພັກ, ລັດ, ສະພາແຫ່ງຊາດ, ລັດຖະບານ ແລະ ປະຊາຊົນກຳປູເຈຍ ແລະ ລາວ ໄດ້ມາຮ່ວມແບ່ງປັນຄວາມທຸກໂສກ ໃນການສູນເສຍ ອາດີດປະທານປະເທດ ພົນເອກ ເລ ດຶກ ແອັງ ທີ່ຈາກໂລກນີ້ໄປຢ່າງບໍ່ມີວັນຫວນກັບ, ພິເສດແມ່ນໄດ້ສົ່ງຄະນະຜູ້ແທນຂັ້ນສູງມາຮ່ວມງານສົບແຫ່ງຊາດ, ນີ້ສະແດງເຖິງສາຍພົວພັນບ້ານໄກ້ເຮືອນຄຽງອ້າຍນ້ອງອັນໄກສິດຕິດແທດ, ຮ່ວມສຸກຮ່ວມທຸກ.

ໂອກາດນີ້, ທ່ານນາຍົກລັດຖະມົນຕີ ຫງວ໋ຽນ ຊົນ ຟຸກ ໄດ້ເນັ້ນໜັກວ່າ ຫວຽດນາມ ເຫັນສຳຄັນຕໍ່ກັບສາຍພົວພັນບ້ານໄກ້ເຮືອນຄຽງ ແລະ ຮ່ວມມືຮອບດ້ານ ລະຫວ່າງ ຫວຽດນາມ ແລະ ກຳປູເຈຍ, ມູນເຊື້ອສາຍພົວພັນ, ສາມັກຄີພິເສດ ແລະ ຮ່ວມມືຮອບດ້ານຫວຽດນາມ-ລາວ; ເປັນເອກກະພາບຮ່ວມມືຮັດແໜ້ນເພື່ອນຳເອົາສາຍພົວພັນ ຫວຽດນາມ-ກຳປູເຈຍ, ຫວຽດນາມ-ລາວ ສືບຕໍ່ພັດທະນາຢ່າງເລິກເຊິ່ງ ແລະ ກວ້າງຂວາງ.

（ຫັດ​ທະ​ບູນ）