ໃນນາມລັດຖະບານຫວຽດນາມ ແລະສະຖານທູດຫວຽດນາມ ປະຈໍາ ລາວ, ທ່ານເອກອັກຄະລັດຖະທູດ ຫງວຽນບ໊າຮຸ່ງ ໄດ້ມອບຊໍ່ດອກໄມ້ພ້ອມກັບຄໍາອວຍພອນທີ່ດີງາມເຖິງທ່ານ ສະເຫຼີມໄຊ ກົມມະສິດ ເນື່ອງໃນໂອກາດບຸນປີໃໝ່ປະຈໍາຊາດລາວ.
 |
ທ່ານເອກອັກຄະລັດຖະທູດ ຫງວຽນບ໊າຮຸ່ງ ມອບຊໍ່ດອກໄມ້ອວຍພອນບຸນປີໃໝ່ໃຫ້ທ່ານ ສະເຫຼີມໄຊ ກົມມະສິດ. (ພາບ: ສໍານັກຂ່າວສານຫວຽດນາມ)
ທ່ານເອກອັກຄະລັດຖະທູດ ຫງວຽນບ໊າຮຸ່ງ ສະແດງຄວາມປິຕິຊົມຊື່ນເມື່ອເຫັນວ່າສາຍພົວພັນແບບພິເສດ ຫວຽດນາມ-ລາວ ນັບມື້ນັບບັນລຸໄດ້ໝາກຜົນຢ່າງແທດຈິງ, ພິເສດແມ່ນເລື່ອງສອງຝ່າຍຈັດການພົບປະ ແລະການຢ້ຽມຢາມລະຫວ່າງການນໍາສອງປະເທດ ເປັນປະຈໍາເພື່ອແນໃສ່ແກ້ໄຂບັນດາຂໍ້ຕິດຂັດ ແລະຂໍ້ຄົງຄ້າງໃນການຮ່ວມມືລະຫວ່າງສອງປະເທດ.
ຕາມທ່ານ ສະເຫຼີມໄຊ ກົມມະສິດ ແລ້ວ, ສປປ ລາວ ຍາມໃດກໍ່ຖືບຸນປີໃໝ່ປະຈໍາຊາດຂອງຫວຽດນາມ ແມ່ນບຸນປີໃໝ່ຂອງຕົນ ແລະກົງກັນຂ້າມ, ຫວຽດນາມ ກໍ່ຖືບຸນປີໃໝ່ປະຈໍາຊາດຂອງລາວ ແມ່ນບຸນປີໃໝ່ຂອງຫວຽດນາມ, ເລື່ອງຢ້ຽມຢາມຖາມຂ່າວສຸຂະພາບ ແລະສະຫງວນຄໍາອວຍພອນອັນດີງາມໃຫ້ກັນເນື່ອງໃນໂອກາດບຸນປີໃໝ່ແມ່ນສັນຍາລັກອັນດີງາມໃນສາຍພົວພັນແບບພິເສດ ລາວ-ຫວຽດນາມ.（ແຫຼ່ງຂໍ້ມູນ： ທູຈາງ/ກປ.ອອນໄລ）
