ການນຳ ແຫ່ງ ສປປ ລາວ ໄດ້ສົ່ງໂທລະເລກ ສະແດງຄວາມເສຍໃຈ ຕໍ່ການມໍລະນະກຳຂອງ ອາດີດ ເລຂາທິການໃຫຍ່ ໂດ໋ເມື່ອຍ.
ເມື່ອໄດ້ຮັບຊາບຂ່າວອັນເສົ້າສະຫຼົດໃຈ ວ່າ ທ່ານອາດີດ ເລຂາທິການໃຫຍ່ ໂດ໋ເມື່ອຍ ເຖິງແກ່ກຳ ໃນວັນທີ 2 ຕຸລາ, ຄະນະບໍລິຫານງານ ພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ ແຫ່ງ ສປປ ລາວ ແລະ ຄະນະກຳມະການສູນກາງ ແນວລາວສ້າງຊາດ ໄດ້ສົ່ງໂທລະເລກ ສະແດງຄວາມເສຍໃຈ ເຖິງ ຄະນະບໍລິຫານງານ ສູນກາງພັກ ຄອມມູນິດຫວຽດນາມ, ສະພາແຫ່ງຊາດ, ລັດຖະບານ ສສ ຫວຽດນາມ , ຄະນະແນວໂຮມຊາດຫວຽດນາມ ແບ່ງປັນຄວາມທຸກໂສກຢ່າງສຸດຊື້ງ.
 |
ອາດີດເລຂາທິການໃຫຍ່ ໂດ໋ເມື່ອຍ ມອບຮູບພາບປະທານ ໂຮ່ຈີ໋ມິງ ໃຫ້ແກ່ ສປປ ລາວ ວັນທີ 17 ມີນາ 1996 ຢູ່ນະຄອນຫຼວງ ວຽງຈັນ.
ໃນໂທລະເລກ ການນຳ ແຫ່ງ ສປປ ລາວ ສະແດງຄວາມເສຍໃຈຢ່າງອັນປຽບບໍ່ໄດ້ ຕໍ່ການຈາກໄປຂອງ ສະຫາຍ ໂດ໋ເມື່ອຍ, ອາດີດ ຄະນະກຳມະການ ກົມການເມືອງສູນກາງພັກຫວຽດນາມ, ສະໄໝທີ III, IV, V, VI, VII, VIII; ອາດີດ ກຳມະການກົມການເມືອງ ພັກຫວຽດນາມ ສະໄໝ V, VI, VII, VIII, ອາດີດເລຂາທິການໃຫຍ່ ຄະນະບໍລິຫານງານ ສູນກາງພັກ ຄອມມູນິດຫວຽດນາມ ສະໄໝທີ VII, VIII.
"ໃນນາມ ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ສະ ພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສູນກາງແນວລາວສ້າງຊາດ, ພວກຂ້າພະເຈົ້າ ຂໍສະແດງຄວາມເສົ້າສະຫລົດໃຈ ຢ່າງສຸດຊຶ້ງຕໍ່ການຈາກໄປຂອງ ສະຫາຍ ໂດ໊ ເມື່ອຍ, ອາດີດກຳມະການສູນກາງພັກກອມມູນິດຫວຽດນາມ ສະໄໝທີ III, IV, V, VI, VII, VIII; ອາດີດກຳມະການກົມການເມືອງສູນກາງພັກກອມມູນິດວຫວຽດນາມ ສະໄໝທີ V, VI, VII, VIII; ອາດີດເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ VII, VIII.
ພວກຂ້າພະເຈົ້າ ຕີລາຄາສູງຕໍ່ຜົນງານ ແລະ ການປະກອບສ່ວນອັນໃຫຍ່ຫລວງຂອງ ສະຫາຍ ໂດ໊ ເມື່ອຍ ຕະຫລອດໄລຍະເວລາ 80 ກວ່າປີ ແຫ່ງການເຄື່ອນໄຫວປະຕິວັດ ຂອງສະຫາຍ ໃນພາລະກິດຕໍ່ສູ້ ເພື່ອຄວາມເປັນເອກະລາດແຫ່ງຊາດ ຂອງປະຊາຊົນຫວຽດນາມ ໃນເມື່ອກ່ອນ ກໍຄື ພາລະ ກິດສ້າງສາພັດທະນາ ແລະ ປົກປັກຮັກສາ ປະເທດຊາດ ຂອງ ສສ ຫວຽດນາມ.
ສະຫາຍ ໂດ້ ເມື່ອຍ ໄດ້ມີການປະກອບສ່ວນອັນໃຫຍ່ຫລວງ ເຂົ້າໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນ ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ ແລະ ຫວຽດນາມ ຕະຫຼອດມາ.
ການຈາກໄປຂອງ ສະຫາຍ ໂດ໊ ເມື່ອຍ ບໍ່ພຽງແຕ່ເປັນການສູນເສຍອັນໃຫຍ່ຫລວງ ຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ ເຊິ່ງໄດ້ສູນເສຍຜູ້ນຳທີ່ເຄົາລົບຮັກ, ນັກປະຕິວັດຜູ້ກ້າແກ່ນຂອງຕົນ ແຕ່ຍັງເປັນການສູນເສຍ ເພື່ອນມິດສະຫາຍທີ່ສະໜິດສະໜົມ ແລະ ໃກ້ຊິດທີ່ສຸດຂອງພັກ, ລັດ ແລະ ປະຊາຊົນລາວ ພວກຂ້າພະເຈົ້າອີກດ້ວຍ.
ໃນເວລາອັນໂສກເສົ້າເສຍດາຍນີ້, ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ສະພາແຫ່ງຊາດ, ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສູນກາງແນວລາວສ້າງຊາດ ຂໍແບ່ງເບົາຄວາມທຸກໂສກ, ຄວາມເສົ້າສະຫລົດໃຈຢ່າງສຸດຊຶ້ງ ມາຍັງ ຄະນະບໍລະຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ລັດຖະບານ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ສູນກາງ ແນວໂຮມປະເທດຊາດ ຫວຽດນາມ, ພ້ອມດ້ວຍປະຊາຊົນຫວຽດນາມ ອ້າຍນ້ອງ ກໍຄື ຄອບຄົວ, ຍາດພີ່ນ້ອງຂອງ ສະຫາຍ ໂດ໊ ເມື່ອຍ ມານະໂອກາດນີ້ດ້ວຍ".
（ຫັດທະບູນ）
