 |
ພາບປະກອນ.
ກອງປະຊຸມດັ່ງກ່າວຈັດຂື້ນໂດຍ ການປະສານງານກັນລະຫວ່າງ ກອງບັນຊາການທະຫານຊາຍແດນ ກັບ ຄະນະກຳມະການປະຊາຊົນ ແຂວງ ກອນຕຸມ ໃນລະຫວ່າງວັນທີ່ 2 ຫາ 3 ພະຈິກທີ່ຈະມາຮອດນີ້, ຄາດຄະເນວ່າ ນີ້ແມ່ນການເຄື່ອນໄຫວການທູດດ້ານຊາຍແດນ ທີ່ສຳຄັນອັນໜຶ່ງ ທີ່ປະກອບສ່ວນເຂົ້າໃນການເພີ່ມທະວີ ສາຍພົວພັນມິດຕະພາບ ສາມັກຄີ, ຮັດແໜ້ນ, ເຊື່ອໝັ້ນ, ຮ່ວມມື ແລະ ຮ່ວມກັນພັດທະນາ ລະຫວ່າງ ສາມປະເທດ ກໍ່ຄື 4 ແຂວງ ກອນຕຸມ(ສສ ຫວຽດນາມ), ລັດຕະນະຄີຣີ(ກຳປະເຈຍ) ອັດຕະປື ແລະ ເຊກອງ (ລາວ).
ນີ້ແມ່ນການເຄື່ອນໄຫວທີ່ສຳຄັນ ເພື່ອຄຳນັບຮັບຕ້ອນວັນຄົບຮອບ 60 ປີ ວັນມູນເຊື້ອທະຫານຊາຍແດນ (3-3-1959 - 3-3-2019) ແລະ 30 ປີ ວັນທະຫານຊາຍແດນປະຊາຊົນທົ່ວປະເທດ(3-3-1989 - 3-3-2019).
ໃນຂອບເຂດຂອງກອງປະຊຸມດັ່ງກ່າວນີ້ຈະມີບັນດາກິດຈະກຳເປັນຕົ້ນແມ່ນການ ກວດພະຍາດ, ປິ່ນປົວພະຍາດ ແລະ ແຈກຢ່າປິ່ນປົວໂດຍບໍ່ເສຍຄ່າ ໃຫ້ແກ່ປະຊາຊົນລຽບຕາມຊາຍແດນຂອງສອງປະເທດ. ໃນນັ້ນ, ກອງປະຊຸມພົບປຶກສາຫາລືມິດຕະພາບ ຈະມອບບູລິມະສິດໃຫ້ແກ່ການອອກຄຳເຫັນແລກປ່ຽນ ຂອງຕ່າງໜ້າ ບັນດາກອງກຳລັງປ້ອງກັນຊາຍແດນ ຂອງ ສາມຊາດ ແລະ ການນຳທ້ອງຖິ່ນ ຂອງ ສີ່ແຂວງທີ່ມີຊາຍແດນຮ່ວມກັນ ກ່ຽວກັບ ຄວາມຕັດສິນໃຈໃນການປົກປັກຮັກສາຊາຍແດນລວມ ໃຫ້ມີສັນຕິພາບ, ມິດຕະພາບ ແລະ ຮ່ວມກັນພັດທະນາ.
ກອງປະຊຸມນີ້ຈະຈັດຂື້ນຢູ່ທີ່ ສະໂມສອນ ຫງ໋ອກລິງ ແຂວງ ກອນຕຸມ ແລະ ໄດ້ຮັບການຖ່າຍສົດຜ່ານໂທລະພາບ.
（ຫັດທະບູນ）
