ຫວຽດນາມ-ລາວ ຮ່ວມມືພັດທະນາການຄ້າຊາຍແດນ

ພິທີເຊັນບົດບັນທຶກຊ່ວຍຈຳ ຂອງກອງປະຊຸມ ຮ່ວມມືພັດທະນາການຄ້າຊາຍແດນ ຫວຽດນາມ-ລາວ ຄັ້ງທີ XI.

ເຂົ້າຮ່ວມໃນກອງປະຊຸມຄັ້ງນີ້ປະກອບມີ: ສະຫາຍ ເຈີ່ນກ໋ວກ ແຂັງ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ; ສະຫາຍ ບຸນມີ ມະນີວົງ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ລາວ ແລະ ບັນດາຫົວໜ່ວຍທຸລະກິດທີ່ເຄື່ອນໄຫວໃນຂະແໜງການຄ້າ, ບໍລິການຂອງທັງສອງປະເທດ ຫວຽດນາມ-ລາວ. ຝ່າຍແຂວງກວ້າງບິ່ງ ປະກອບມີ: ສະຫາຍ ຫງວ໋ຽນຊົນ ກວາງ, ຄະນະກຳມະການປະຈຳແຂວງ, ຮອງປະທານຄະນະປະຈຳ ສະພາປະຊາຊົນແຂວງ ແລະ ຕ່າງໜ້າການນຳບັນດາຂະແໜງການ, ຫ້ອງການ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ຈາກກອງປະຊຸມ ຮ່ວມມືພັດທະນາການຄ້າຊາຍແດນ ຫວຽດນາມ-ລາວ ຄັ້ງທີ X ຈັດຂື້ນຢູ່ແຂວງ ອັດຕະປື, ລາວ ເດືອນ ກັນຍາ 2016 ມາຮອດປະຈຸບັນ, ສາຍພົວພັນມິດຕະພາບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ລາວ ນັບມື້ນັບໄດ້ຮັບການປັບປຸງ, ເປີດກວ້າງ, ກ້າວໄປສູ່ຄວາມເປັນຈິງ ແລະ ສືບຕໍ່ໄດ້ຮັບຜົນສຳເລັດຢ່າງແທ້ຈິງ.

ອີງຕາມສະຖິຕິຂອງ ກົມໃຫຍ່ພາສີ ຫວຽດນາມ, ຍອດລວມຜລິດຕະພັນນຳເຂົ້າ-ສົ່ງອອກ ລະຫວ່າງ ຫວຽດນາມ-ລາວ ປີ 2016 ບັນລຸໄດ້ເຖິງ 823,5 ລ້ານ USD, ຫຼຸດລົງ 26,5% ຖ້າທຽບໃສ່ປີ 2015; ປີ 2017 ດຸ່ນການຄ້າຂອງສອງປະເທດບັນລຸໄດ້ 935,8 ລ້ານ USD, ເພີ່ມຂື້ນ 13,6% ທຽບໃສ່ປີ 2016; 8 ເດືອນຕົ້ນປີ 2018 ບັນລຸໄດ້ 655,8 ລ້ານ USD, ເພີ່ມຂື້ນ 12,9% ທຽບໃສ່ໄລຍະດຽວກັນຂອງປີ 2017.

ທີ່ກອງປະຊຸມ ບັນດາຜູ້ແທນຂອງກະຊວງ, ຂະແໜງການ ແລະ ທ້ອງຖິ່ນ ສອງປະເທດຫວຽດນາມ ແລະ ລາວ ໄດ້ມີຄຳຄິດຄຳເຫັນປືກສາຫາລືເພື່ອຮ່ວມກັນແກ້ໄຂຂອດຄົງຄ້າງ, ຫຍຸ້ງຍາກໃນການເຄື່ອນໄຫວຮ່ວມມືພັດທະນາການຄ້າຊາຍແດນ.

ສະຫາຍ ຫງວ໋ຽນຊົນ ກວາງ, ຮອງປະທານ ຜູ້ປະຈຳການ ສະພາປະຊາຊົນ ແຂວງ ກວ້າງບິ່ງ ມອບຂອງທີ່ລະນຶກໃຫ້ແກ່ ສະຫາຍ ບຸນມີ ມະນີວົງ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າລາວ.

ກ່າວຄຳເຫັນທີ່ກອງປະຊຸມ, ສະຫາຍ ຫງວ໋ຽນຊົນ ກວາງ, ຮອງປະທານ ຜູ້ປະຈຳການ ສະພາປະຊາຊົນ ແຂວງ ກວ້າງບິ່ງ ໄດ້ແນະນຳໂດຍຫຍໍ້ກ່ຽວກັບ ທ່າແຮງພັດທະນາ ເສດຖະກິດ-ສັງຄົມຂອງແຂວງ, ພິເສດແມ່ນບັນດາຂໍ້ໄດ້ປຽບໃນການພັດທະນາການຄ້າຂອງທ້ອງຖິ່ນ.

ພ້ອມກັນນັ້ນທ່ານຍັງໄດ້ຍົກໃຫ້ເຫັນບັນດາໝາກຜົນທີ່ໄດ້ຮັບໃນການເຄື່ອນໄຫວການຄ້າຊາຍແດນຂອງແຂວງໃນຊຸມປີທີ່ຜ່ານມາ. ສະຫາຍຍັງເວົ້າຕື່ມອີກວ່າ ກອງປະຊຸມຄັ້ງນີ້ ແມ່ນໂອກາດດີໃຫ້ແກ່ການເຄື່ອນໄຫວການຄ້າຊາຍແດນຂອງທັງສອງປະເທດເວົ້າລວມ ແລະ ແຂວງກວ້າງບິ່ງ ກັບບັນດາປະເທດເພື່ອນມິດໄກ້ຄຽງເວົ້າສະເພາະ ມີການພົວພັນນັບມື້ນັບຮັດແໜ້ນ ແລະ ພັດທະນາກວ່າເກົ່າ.

ຕ່າງໜ້າຄະນະ ແລະ ບຸກຄົນໄດ້ຮັບ ໃບຍ້ອງຍໍຈາກ ກະຊວງອຸດສາຫະກຳ ແລະ ການຄ້າ ລາວ.

ກ່າວຄຳເຫັນທີ່ກອງປະຊຸມ ສະຫາຍ ບຸນມີ ມະນີວົງ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າລາວ ໄດ້ເວົ້າວ່າ: ເພື່ອເຮັດໃຫ້ການເຄື່ອນໄຫວຮ່ວມມືພັດທະນາການຄ້າຊາຍແດນ ຫວຽດ-ລາວ ສືບຕໍ່ພັນທະນາ, ຕ້ອງໄດ້ຈັດຕັ້ງປະຕິບັດເນື້ອໃນດັ່ງຕໍ່ໄປນີ້: ທັງສອງປະເທດ ຫວຽດ-ລາວ ຕ້ອງໄດ້ປັບປຸງບາງນະໂຍບາຍ, ແຜນງານ ໃຫ້ສອດຄ່ງອກັບວຽກງານການພັດທະນາການຄ້າຊາຍແດນ; ສືບຕໍ່ລົງທືນ, ພັດທະນາພື້ນຖານໂຄງລ່າງຊາຍແດນ; ປ່ຽນແປງຮູບແບບກອງປະຊຸມ, ເພີ່ມໄລຍະເວລາຂອງການວາງສະແດງສິນຄ້າໃຫ້ຍາວຂື້ນ ແລະ ປະກາດແຈ້ງການໃຫ້ກວ້າງຂວາງ ໄປສູ່ພໍ່ແມ່ປະຊາຊົນຮັບຮູ້ເພື່ອເຂົ້າຮ່ວມຢ້ຽມຊົມ ແລະ ຊອກຮູ້.

ທ້າຍກອງປະຊຸມ ສະຫາຍ ເຈີ່ນກ໋ວກ ແຂັງ, ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ຫວຽດນາມ ຕີລາຄາສູງຄວາມກົງໄປກົງມາຂອງບັນດາຜູ້ແທນ ທີ່ກອງປະຊຸມ ທີ່ໄດ້ປະກອບຄຳຄິດຄຳເຫັນ ແລະ ມາດຕາການແກ້ໄຂຂໍ້ຄົງຄ້າງ, ຫຍຸ້ງຍາກ, ຍັງເຮັດບໍ່ໄດ້ໃນການເຄື່ອນໄຫວການຄ້າຊາຍແດນ ຫວຽດນາມ-ລາວ ປະຈຸບັນ.

ສະຫາຍ ຮອງລັດຖະມົນຕີ ກະຊວງ ອຸດສາຫະກຳ ແລະ ການຄ້າ ຫວຽດນາມ ມີຄວາມມຸ້ງມາດປາດຖະໜາ ທັງສອງປະເທດສືບຕໍ່ເພີ່ມທະວີການປະສານສົມທົບຢ່າງແໜ້ນແຟ້ນ, ພິເສດແມ່ນລະຫວ່າງ ບັນດາ ກະຊວງ, ຂະແໜງການ, ທ້ອງຖິ່ນ, ສ້າງນະໂຍບາຍ, ແຜນງານທີ່ສອດຄ່ອງ ເພື່ອພັດທະນາການເຄື່ອນໄຫວ ການຄ້າຊາຍແດນ ຫວຽດ-ລາວ. ກະຊວງອຸດສາຫະກຳ ແລະ ການຄ້າ ຫວຽດນາມ ຈະສັງລວມ, ລາຍງານລັດຖະບານຫວຽດນາມ ບັນດາການນຳສະເໜີ, ປະກອບຄຳຄິດຄຳເຫັນ ທີ່ກອງປະຊຸມ ເພື່ອສ້າງທິດທາງຜັນຂະຫຍາຍ ແລະ ຈັດຕັ້ງປະຕິບັດ...

（ຫັດ​ທະ​ບູນ）