 |
ກອງປະຊຸມປຶກສາຫາລື ກ່ຽວກັບ ການແກ້ໄຂບັນຫາ ການອົບພະຍົບ ແລະ ແຕ່ງດອງໂດຍບໍ່ໄດ້ຮັບອະນຸຍາດ ຂອງປະຊາຊົນລຽບຕາມແນວຊາຍແດນ ຫວຽດນາມ-ລາວ.
ທີ່ກອງປະຊຸມປືກສາຫາລື ຮອງປະທານ ຄະນະກຳມະການປະຊາຊົນ ແຂວງ ກ້ວາງຈິ ທ່ານ ຮ່າສີ ດົ່ງ ສະເໜີ ຄະນະກຳມະການການຕ່າງປະເທດສະພາແຫ່ງຊາດ ໃຫ້ມີຄຳເຫັນ ປຶກສາຫາລື ກະຊວງການເງິນ ພິຈາລະນາ ແລະ ນຳສະເໜີລັດຖະບານ ງົບປະມານໃນການສະໜັບສະໜູນ ແຂວງ ໃນການຈັດຕັ້ງປະຕິບັດ ສົນທິສັນຍາ ໃນອານາຄົດ ແລະ ສ້າງພື້ນຖານໂຄງລ່າງ ໃຫ້ແກ່ພໍ່ແມ່ປະຊາຊົນ ພາຍຫຼັງ ຮັບສັນຊາດ ມີເງື່ອນໄຂໃນການພັດທະນາເສດຖະກິດ ຊີວິດການເປັນຢູ່່ມີຄວາມໝັ້ນຄົງ.
ພ້ອມກັນນັ້ນ ສະເໜີບັນດາອົງການສູນກາງ ລາວ ພິຈາລະນາຊີ້ນຳ ສອງແຂວງ ສາລະວັນ ແລະ ແຂວງສະຫວັນນະເຂດ ຮີບເຮັ່ງໃນການເຮັດສຳເລັດບັນດາເອກກະສານທີ່ກ່ຽວຂ້ອງ ນຳສະເໜີຫົວໜ້າຄະນະຜູ້ແທນຊາຍແດນລາວ ພິຈາລະນາ ອະນຸມັດລາຍຊື່ຂອງປະຊາຊົນຫວຽດນາມ ທີ່ອົບພະຍົບ ແລະ ແຕ່ງດອງໂດຍບໍ່ໄດ້ຮັບອະນຸຍາດ ລຽບຕາມແນວຊາຍແດນ ຂອງ ສາມ ແຂວງ ໄດ້ຮັບການປະກອບເອກກະສານຮັບສັນຊາດລາວ.
 |
ກອງປະຊຸມປຶກສາຫາລື ກ່ຽວກັບ ການແກ້ໄຂບັນຫາ ການອົບພະຍົບ ແລະ ແຕ່ງດອງໂດຍບໍ່ໄດ້ຮັບອະນຸຍາດ ຂອງປະຊາຊົນລຽບຕາມແນວຊາຍແດນ ຫວຽດນາມ-ລາວ.
ກ່າວຄຳເຫັນທີ່ກອງປະຊຸມຄັ້ງນີ້ ຮອງຫົວໜ້າຄະນະກຳມະການ ການຕ່າງປະເທດສະພາແຫ່ງຊາດ ລາວ ທ່ານ ແຄນທອງ ມວນທະສິງ ໄດ້ໃຫ້ຮູ້ວ່າ: ຝ່າຍລາວ ໄດ້ຕັ້ງໜ້າປັບປຸງໃຫ້ສົມບູນ ບັນດາເອກກະສານກໍ່ຄືຂັ້ນຕອນ ສະເໜີສູນກາງ ພິຈາລະນາ ອະນຸມັດ ລາຍຊື່ບັນດາຄົນຫວຽດນາມ ອົບພະຍົບ ແລະ ແຕ່ງດອງບໍ່ໄດ້ຮັບອະນຸຍາດ ຢູ່ລາວແລ້ ວ ເພື່ອເຮັດໃຫ້ວຽກງານດັ່ງກ່າວປະສົບຜົນສຳເລັດໄວທີ່ສຸດ. ແຜນການແມ່ນໃຫ້ສຳເລັດກອ່ນປີ 2019.
ທີ່ກອງປະຊຸມຄັ້ງນີ້ ຮອງຫົວໜ້າຄະນະກຳມະການ ການຕ່າງປະເທດ ສະພາແຫ່ງຊາດ ຫວຽດນາມ ຫງວຽ໋ນແມັ້ງ ຕ໋ຽນ ຕີລາຄາສູງບັນດາໝາກຜົນຂອງການເຮັດວຽກ ຂອງແຂວງກວ້າງຈິ ໃນການຈັດຕັ້ງປະຕິບັດ ສົນທິສັນຍາ ຂັ້ນລັດຖະບານ ລະຫ່ວາງ ສອງຊາດ ຫວຽດນາມ-ລາວ ທີ່ຜ່ານມາ. ພ້ອມກັນນັ້ນ ສະເໜີໃຫ້ຍັນ ອົງການທີ່ກ່ຽວຂ້ອງຂັ້ນແຂວງ ສືບຕໍ່ວຽກງານໂຄສະນາອົບຮົມ ໃຫ້ແກ່ປະຊາຊົນ ຫວຽດນາມ ແລະ ລາວ ອົບພະຍົບແບບບໍ່ຖືກຕ້ອງ ລຽບຕາມແນວຊາຍແດນ ຮັບຮູ້ເຖິງແນວທາງນະໂຍບາຍ ລະບຽບກົດໝາຍຂອງສອງຊາດ ຫວຽດນາມ-ລາວ.
（ຫັດທະບູນ）
