ບຸນ​ເຕັດ​ແຫ່ງ​ການ​ເຕົ້າ​ໂຮມ

ທ່ານນາຍົກລັດຖະມົນຕີ ໄດ້ມອບເຮືອນ 100 ຫຼັງ ໃຫ້ແກ່ຄົນທຸກຍາກແຂວງ ຫວີງລອງ. (ພາບ: VGP)

ວັນທີ 14 ມັງກອນ, ຢູ່ເທດສະບານ ຫວູງລຽມ (ເມືອງ ຫວູງລຽມ, ແຂວງຫວິງລອງ), ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມລາຍການ “ບຸນເຕັດແຫ່ງການເຕົ້າໂຮມ”, “ບຸນເຕັດເພື່ອຄົນທຸກຍາກ ແລະ ຜູ້ປະສົບເຄາະຮ້າຍຈາກ ທາດພິດສີສົ້ມ ” ບຸນເຕັດປີຊວດ 2020.

ກ່າວຄຳເຫັນຢູ່ທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຮຽກຮ້ອງໃຫ້ ທາງແຂວງ ຫວີງລອງ, ສະຫະພັນໃຫຍ່ແຮງງານ ຫວຽດນາມ ສະຫງວນແຫຼ່ງກຳລັງເພື່ອສ້າງບັນດານະໂຍບາຍໃຫ້ແກ່ກຳມະກອນ, ແຮງງານ ຢູ່ ເຂດອຸດສາຫະກຳ, ໂຮງງານໃຫຍ່, ເຈົ້າຂອງວິສາຫະກິດຕ້ອງເອົາໃຈໃສ່ກ່ວາອີກເຖິງຊີວິດດ້ານວັດຖຸ ແລະ ຈິດໃຈຂອງ ແຮງງານ, ແຫຼ່ງກຳລັງເພື່ອພັດທະນາວິສາຫະກິດ, ເນື່ອງໃນໂອກາດນີ້, ທ່ານນາຍົກລັດຖະມົນຕີ ໄດ້ມອບເຮືອນ 100 ຫຼັງ ໃຫ້ແກ່ຄົນທຸກຍາກແຂວງ ຫວີງລອງ.

ທ່ານຮອງນາຍົກລັດຖະມົນຕີ ຟ້າມບີ່ງມິງ ມອບຂອງຂວັນບຸນເຕັດໃຫ້ບັນດາຄອບຄົວນະໂຍບາຍ, ຄອບຄົວທຸກຍາກ (ພາບ: VGP)

ຕອນບ່າຍວັນທີ 13 ມັງກອນ, ທີ່ນະຄອນ ຫາຍເຢືອງ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບີ່ງມິງ ໄດ້ເຂົ້າຮ່ວມລາຍການມອບຂອງຂວັນບຸນເຕັດໃຫ້ແກ່ບັນດາຄອບຄົວນະໂຍບາຍ, ຄອບຄົວທຸກຍາກ, ຜູ້ປະສົບເຄາະຮ້າຍຈາກທາດພິດສີສົ້ມ, ກຳມະກອນ, ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກເນື່ອງໃນໂອກາດບຸນເຕັດປີຊວດ 2020. ກ່າວຄຳເຫັນທີ່ລາຍການ, ທ່ານຮອງນາຍົກລັດຖະມົນຕີ ຟ້າມບີ່ງມິງ ເນັ້ນໜັກວ່າ: ພັກ, ລັດຍາມໃດກໍ່ມີຄວາມເອົາໃຈໃສ່ເຖິງບັນດາຄອບຄົວທີ່ມີຄຸນງາມຄວາມດີ, ຄອບຄົວທຸກຍາກ, ຊາວຜູ້ອອກແຮງງານດ້ວຍແຜນນະໂຍບາຍ “ບໍ່ໃຫ້ຜູ້ໃດຖືກປະໄວ້ຢູ່ທາງຫລັງ”.

ທ່ານຮອງປະທານສະພາແຫ່ງຊາດ ຟຸ່ງກວ໊ກຫຽນ ຢ້ຽມຢາມ, ອວຍພອນບຸດເຕັດນັກຮົບຢູ່ຄ້າຍປ້ອງກັນຊາຍແດນ ຮົວບຸມ (ພາບ: TTXVN)

ຕອນບ່າຍວັນທີ 13 ມັງກອນ, ຄະນະປະຕິບັດງານຂອງສະພາແຫ່່ງຊາດຫວຽດນາມ ໂດຍທ່ານ ຟຸ່ງກວ໊ກຫຽນ ຮອງປະທານສະພາແຫ່ງຊາດຫວຽດນາມ ເປັນຫົວໜ້າຄະນະ ໄດ້ໄປຢ້ຽມຢາມ ແລະ ອວຍພອນບຸນເຕັດພໍ່ແມ່ພີ່ນ້ອງບັນດາເຜົ່າຢູ່ເມືອງ ນໍ້າຍຸ່ນ, ແຂວງລາຍເຈົາ ຂອງຫວຽດນາມ. ຢູ່ຕາແສງຊາຍແດນ ຮົວບຸມ, ທ່ານຮອງປະທານສະພາແຫ່ງຊາດ ຟຸ່ງກວ໊ກຫຽນ ສະເໜີໃຫ້ອໍານາດການປົກຄອງທ້ອງຖິ່ນເອົາໃຈໃສ່, ສໍາຫຼວດກວດຄືນບັນດາຄອບຄົວປະສົບກັບຄວາມຫຍຸ້ງຍາກ ເພື່ອມີແຜນການຊ່ວຍເຫຼືອຢ່າງທັນການ, ຮັບປະກັນໃຫ້ທຸກໆຄອບຄົວລ້ວນແຕ່ໄດ້ຕ້ອນຮັບບຸນເຕັດດ້ວຍຄວາມຜາສຸກ. ຫຼັງຈາກນັ້ນ, ທ່ານຮອງປະທານສະພາແຫ່ງຊາດຫວຽດນາມ ຟຸ່ງກວ໊ກຫຽນ ກໍໄດ້ໄປຢ້ຽມຢາມ, ອວຍພອນບຸດເຕັດອໍານາດການປົກຄອງ, ປະຊາຊົນຕາແສງ ຮົວບຸມ ແລະ ບັນດາພະນັກງານ, ນັກຮົບຢູ່ຄ້າຍປ້ອງກັນຊາຍແດນ ຮົວບຸມ.

（ໄຊພອນ）