ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການ ພົບປະກັບຊາວຫວຽດນາມຢູ່ຕ່າງປະເທດເຂົ້າຮ່ວມ ລາຍການລະດູບານໃໝ່ບ້ານເກີດເມືອງນອນ 2020.
ທ່ານນາຍົກລັດຖະມົນຕີຢືນຢັນວ່າພັກແລະລັດຍາມໃດກໍ່ເອົາໃຈໃສ່ເຖິງຊາວຫວຽດນາມຢູ່ຕ່າງປະເທດ. ທ່ານນາຍົກລັດຖະມົນຕີຮຽກຮ້ອງໃຫ້ແນວລາວສ້າງຊາດຫວຽດນາມ ແລະ ບັນດາທ້ອງຖິ່ນສ້າງເງື່ອນໄຂສະດວກເພື່ອຕ້ອນຮັບຊາວຫວຽດນາມຢູ່ຕ່າງປະເທດກັບເມືອປະເທດເພື່ອຕ້ອນຮັບບຸນປີໃໝ່ປະຈຳຊາດປີຊວດ 2020.
ປີ 2020 ມີຄວາມໝາຍສໍາຄັນພິເສດ, ເຊິ່ງແມ່ນປີສຸດທ້າຍທີ່ປະຕິບັດແຜນການພັດທະນາເສດຖະກິດ-ສັງຄົມໄລຍະ 2016-2020, ປີແຫ່ງກອງປະຊຸມໃຫຍ່ອົງຄະນະພັກທຸກຂັ້ນ, ກ້າວໄປເຖິງກອງປະຊຸມໃຫຍ່ທົ່ວປະເທດຄັ້ງທີ XIII ຂອງພັກ; ສະເຫຼີມສະຫຼອງ 90 ປີແຫ່ງວັນສ້າງຕັ້ງພັກກອມມູນິດຫວຽດນາມ ແລະສ້າງຕັ້ງແນວໂຮມປະເທດຊາດຫວຽດນາມ, 45 ປີແຫ່ງວັນທ້ອນໂຮມປະເທດຊາດເປັນເອກະພາບ...
ທ່ານນາຍົກລັດຖະມົນຕີ ຫງວຽນຊວນຟຸກ
ຕອນຄ່ຳວັນທີ 18 ມັງກອນ, ທີ່ຮ່າໂນ້ຍ, ຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດໄດ້ຈັດຕັ້ງລາຍການລະດູບານໃໝ່ບ້ານເກີດເມືອງນອນ 2020. ເຂົ້າຮ່ວມລາຍການມີທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີ່ງມິງ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເຈິ່ນແທງເໝິນ, ທ່ານນາງຮອງປະທານປະເທດ ຫວຽດນາມ ດັ້ງທິງອັກທິ້ງ ພ້ອມດ້ວຍພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ 1500 ຄົນທີ່ມາຈາກເກືອບ 30 ປະເທດ, ເຂດແຄ້ວນໃນໂລກກັບເມືອປະເທດເພື່ອຕ້ອນຮັບບຸນປີໃໝ່ປະຈຳຊາດປີຊວດ 2020.
ກ່າວຄຳເຫັນທີ່ລາຍການ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ຢືນຢັນວ່າ: ແຜນນະໂຍບາຍສະເໝີຕົ້ນສະເໝີປາຍຂອງພັກ, ລັດແມ່ນຖືປະຊາຄົມຊາວ ຫວຽດນາມ ອາໄສຢູ່ຕ່າງປະເທດແມ່ນເລືອດເນື້ອ, ເປັນພາກສ່ວນທີ່ບໍ່ສາມາດຕັດແຍກອອກຈາກຊາດ ຫວຽດນາມ ໄດ້ ແລະ ແມ່ນກຳລັງສຳຄັນຂອງປະເທດຊາດ ຫວຽດນາມ. ກະຊວງການຕ່າງປະເທດ, ຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ ຈະສືບຕໍ່ຮ່ວມເດີນທາງ, ຮຽງບ່າຮຽງໄຫຼ່ພ້ອມກັບພໍ່ແມ່ປະຊາຊົນໃນທົ່ວໂລກ ແນໃສ່ປະກອບສ່ວນ ແລະ ປະຕິບັດບັນດາເປົ້າໝາຍພັດທະນາຂອງປະເທດຊາດຢ່າງມີໄຊ ປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ຍົກສູງທີ່ຕັ້ງບົດບາດຂອງ ຫວຽດນາມ ບົນເວທີສາກົນ.
(ໄຊພອນ)