 |
ທ່ານ ຫງວຽນທ້ຽນເຍີນ, ກຳມະການກົມການເມືອງ, ເລຂາຄະນະພັກນະຄອນໂຮ່ຈີມິນ ໄດ້ມີການໂອ້ລົມສົນທະນາຢ່າງສະໜິດສະໜົມ ກັບຊາວຫວຽດນາມຢູ່ຕ່າງປະເທດ, ທີ່ການພົບປະລະຫວ່າງການນຳນະຄອນ, ນັກປັນຍາຊົນ ແລະ ນັກທຸລະກິດຢູ່ຕ່າງປະເທດ ດ້ວຍຫົວຂໍ້ “ວິທີແກ້ໄຂກໍ່ສ້າງນະຄອນໂຮ່ຈີມິນກາຍເປັນນະຄອນທີ່ມີຫົວຄິດປະດິດສ້າງແລະ ສູນການເງິນພາກພື້ນ”, ເດືອນເມສາ 2019. (ພາບ: sggp.org.vn)
ການພົບປະໃນຄັ້ງນີ້ໄດ້ສະແດງໃຫ້ເຫັນຄວາມຮັກແພງ, ຄວາມເຄົາລົບນັບຖື ແລະ ຄວາມເປັນຫ່ວງເປັນໃຍຂອງການນໍານະຄອນໂຮ່ຈີມິນ ຕໍ່ຊາວຫວຽດນາມອາໄສຢູ່ຕ່າງປະເທດທີ່ດຳລົງຊີວິດ ແລະ ເຮັດວຽກຢູ່ນະຄອນໂຮ່ຈີມິນ, ແລະ ຊາວຫວຽດນາມຢູ່ຕ່າງປະເທດສ່ວນຫຼາຍທີ່ອາໄສຢູ່ຕ່າງປະເທດມາຢ້ຽມຢາມບ້ານເກີດເມືອງນອນ, ເພື່ອສະເຫຼີມສະຫຼອງບຸນປີໃໝ່ປະຈໍາຊາດ. ເນື່ອງໃນໂອກາດນີ້, ນະຄອນໂຮ່ຈີມິນ ໄດ້ຍ້ອງຍໍຊົມເຊີຍບັນດາໝູ່ຄະນະ ແລະ ບຸກຄົນ ຊາວຫວຽດນາມຢູ່ຕ່າງປະເທດທີ່ໄດ້ມີການປະກອບສ່ວນຢ່າງຕັ້ງໜ້າຕໍ່ການພັດທະນາລວມຂອງນະຄອນໂຮ່ຈີມິນ ແລະ ທົ່ວປະເທດ.
ເຂົ້າຮ່ວມງານສະເຫຼີມສະຫຼອງ ຕ້ອນຮັບປີໃໝ່ສາກົນ 2020, ຄາດວ່າຈະມີຜູ້ເຂົ້າຮ່ວມປະມານ 900 ຄົນ ທີ່ມາຈາກ 25 ປະເທດ ແລະ ເຂດແຄວ້ນໃນທົ່ວໂລກ ເຊັ່ນ: ອັງກິດ, ອາເມລິກາ, ອົດສະຕາລີ, ການາດາ, ຝຣັ່ງ, ເຢຍລະມັນ, ແບນຊິກ, ຣັດເຊຍ, ສະວິດເຊີແລນ, ເນເທີແລນ, ໂປໂລຍ, ນິວຊີແລນ, ສະໂລວາເກຍ, ຍີ່ປຸ່ນ, ເກົາຫຼີໃຕ້….
ໃນຂອບເຂດການສະເຫຼີມສະຫຼອງຕ້ອນຮັບປີໃໝ່ສາກົນ 2020 ຍັງມີບັນດາກິດຈະກຳທີ່ເປັນໜ້າສົນໃຈເຊັ່ນ: ການວາງສະແດງບັນດາກິດຈະກຳຕ່າງໆ, ຜົນງານທີ່ພົ້ນເດັ່ນໃນຂົງເຂດເສດຖະກິດ - ສັງຄົມ; ການມີສ່ວນຮ່ວມຂອງຊາວຫວຽດນາມອາໃສຢູ່ຕ່າງປະເທດໃນການພັດທະນານະຄອນ; ມ່ວນຊື່ນກັບລາຍການສິລະປະດ້ວຍການເຂົ້າຮ່ວມຂອງນັກສິລະປິນພາຍໃນ ແລະ ຕ່າງປະເທດທີ່ມີຊື່ສຽງຫຼາຍຄົນ; ອາຫານພື້ນເມືອງຫວຽດນາມ…
ນີ້ແມ່ນໂອກາດເພື່ອໃຫ້ບັນດານັກປັນຍາຊົນ ແລະ ນັກທຸລະກິດ ຫວຽດນາມຢູ່ຕ່າງປະເທດໃຫ້ ຄຳແນະນຳ, ຂໍ້ສະເໜີ ຕ່າງໆທີ່ກ່ຽວຂ້ອງເຖິງບັນດາບັນຫາທີ່ໄດ້ການນໍາຂອງນະຄອນໂຮ່ຈີມິນ ເອົາໃຈໃສ່ເຊັ່ນວິທີແກ້ໄຂເພື່ອຊຸກຍູ້ການພັດທະນາເສດຖະກິດ, ຍົກສູງຄຸນນະພາບແຫຼ່ງຊັບພະຍາກອນມະນຸດ, ການຮັກສາສຸຂະພາບ… ດ້ວຍເຫດນັ້ນ, ເພື່ອສືບຕໍ່ໃຫ້ກໍາລັງໃຈ, ສົ່ງເສີມບັນດາແຫຼ່ງກຳລັງຂອງຊາວຫວຽດນາມຢູ່ຕ່າງປະເທດໃນການສ້າງສາ ແລະ ພັດທະນານະຄອນໂຮ່ຈີມິນ.
ຕາມຄະນະກຳມະການຊາວຫວຽດນາມຢູ່ຕ່າງປະເທດຢູ່ນະຄອນໂຮ່ຈີມິນ, ໃນປີ 2019, ມີຊາວຫວຽດນາມຢູ່ຕ່າງປະເທດກວ່າ 425.500 ຄົນ ເຂົ້າມາຜ່ານດ່ານຊາຍແດນ ເຕີນເຊີນເຍິດ, ເພີ່ມຂື້ນ 1.500 ເທື່ອຄົນເມື່ອທຽບໃສ່ປີ 2018, ໃນປີ 2019, ຈຳນວນເງິນຂອງຊາວຫວຽດນາມຢູ່ຕ່າງປະເທດໂອນເຂົ້ານະຄອນໂຮ່ຈີມິນບັນລຸ 5,3 ຕື້ໂດລາສະຫະລັດ.
（ໄຊພອນ）
