ການເຈລະຈາທົ່ວໂລກ CSIS 2019 ໄດ້ດຶງດູດການເຂົ້າຮ່ວມຂອງຜູ້ແທນປະມານ 600 ຄົນ ທີ່ມາຈາກບັນດາສະຖາບັນຄົ້ນຄ້ວາລະດັບພາກພື້ນ, ມະຫາວິທະຍາໄລ ແລະ ກຸ່ມເສດຖະກິດ. ຄະນະຜູ້ແທນຫວຽດນາມ ໂດຍທ່ານນາງເອກອັກຄະລັດຖະທູດ ຫງວຽນງວຽດງາ, ທີ່ປຶກສາຂັ້ນສູງ ສະຖາບັນການຕ່າງປະເທດ, ຮອງປະທານຄະນະກໍາມະການແຫ່ງຊາດ ຫວຽດນາມ ກ່ຽວກັບການຮ່ວມມືເສດຖະກິດ ປາຊີຟິກ (VNCPEC) ນໍາໜ້າ.
 |
ຄະນະຜູ້ແທນຫວຽດນາມ ໂດຍທ່ານນາງເອກອັກຄະລັດຖະທູດ ຫງວຽນງວຽດງາ ເປັນຫົວໜ້າ (ພາບ: TTXVN)
ດ້ວຍຫົວຂໍ້ວ່າ “ໝູນໃຊ້ບັນດາເຕັກໂນໂລຢີທີ່ກ້າວໜ້າ ເພື່ອກໍານົດທິດໂຄງສ້າງຂອງປະເທດ, ພາກພື້ນ ແລະ ທົ່ວໂລກ”, ການສົນທະນາທົ່ວໂລກ CSIS 2019 ລວມມີ 3 ວາລະປະຊຸມຄົບຄະນະ ແລະ ຫຼາຍວາລະປຶກສາຫາລືລົງເລິກສະເພາະຂະແໜງ, ໂດຍສຸມໃສ່ 4 ຫົວຂໍ້ຕົ້ນຕໍຄື: ສະພາບການໜູນໃຊ້ເຕັກໂນໂລຢີ; ຜົນກະທົບຂອງເຕັກໂນໂລຢີຕໍ່ການເພີ່ມສະມັດຕະພາບການອອກແຮງງານ ແລະ ແກ້ໄຂບັນດາບັນຫາເສດຖະກິດ-ສັງຄົມ; ວິທີສໍາຜັດແບບໃໝ່ສໍາລັບນະໂຍບາຍເສດຖະກິດ ແລະ ການບໍລິຫານ; ຊຸກຍູ້ການຮ່ວມມື ແລະ ເຊື່ອມໂຍງເສດຖະກິດເຂົ້າກັບພາກພື້ນ ເພື່ອແນໃສ່ສ້າງບັນດານະໂຍບາຍພັດທະນາເຕັກໂນໂລຢີໃນອະນາຄົດ. ຈຸດພົ້ນເດັ່ນຂອງກອງປະຊຸມປີນີ້ ແມ່ນການປະກົດຕົວຂອງ Sophia - ຫຸ່ນຍົນທໍາອິດໃນປະຫວັດສາດ ທີ່ໄດ້ຮັບສິດພົນລະເມືອງເໝືອນດັ່ງມະນຸດເຮົາ ດ້ວຍຖານະເປັນໜຶ່ງໃນບັນດານັກປະຖະກະຖາຫຼັກແຫຼ່ງຂອງກອງປະຊຸມ.
ນອກຈາກນັ້ນ, ຜ່ານການໂອ້ລົມສົນທະນານີ້, ຄະນະຜູ້ແທນໄດ້ແລກປ່ຽນກັບ PECC ກໍ່ຄືບັນດາປະເທດສະມາຊິກ ເພື່ອກະກຽມໃຫ້ປີ 2020 ເມື່ອຫວຽດນາມຮັບໜ້າທີ່ ເປັນປະທານຂອງປະທານອາຊຽນ ແລະ ສະມາຊິກບໍ່ປະຈຳ ຂອງສະພາຄວາມໝັ້ນຄົງສະຫະປະຊາຊາດ.
 |
ນອກຈາກການເຈລະຈາ ແລ້ວ, ຄະນະຜູ້ແທນໄດ້ພົບປະ, ພົວພັນ ແລະ ປຶກສາຫາລືກ່ຽວກັບຫຼາຍບັນຫາສະເພາະກັບບັນດາຫົວ ໜ່ວຍ ຂອງກະຊວງການຕ່າງປະເທດ, ສູນຄົ້ນຄ້ວາ ແລະ ອົງການທີ່ມີໜ້າທີ່ ອິນໂດເນເຊຍ ເພື່ອເພີ່ມທະວີການພົວພັນຄູ່ຮ່ວມມືຍຸດທະສາດ. ໃນສະພາບການທີ່ສອງປະເທດໄດ້ຈັດຫຼາຍກິດຈະກຳ ເພື່ອສະເຫຼີມສະຫຼອງ 60 ປີແຫ່ງວັນການຢ້ຽມຢາມ ຂອງປະທານໂຮ່ຈີມິນ ແລະ ທ່ານປະທານາທິບໍດີ Sukarno ໃນປີ 2019 ແລະ ໄປເຖິງວັນຄົບຮອບ 65 ປີແຫ່ງການສ້າງຕັ້ງສາຍພົວພັນທາງການທູດລະຫວ່າງ ຫວຽດນາມ ແລະ ອິນໂດເນເຊຍ ໃນປີ 2020.
（ຄຳຮຸ່ງ）
