ຕັດສິນໃຈສ້າງລັດຖະບານເອເລັກໂຕນິກ

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ. (ພາບ:baodauthau.vn)

ທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເນັ້ນໜັກວ່າຕ້ອງສ້າງລັດຖະບານເອເລັກໂຕນິກ ມຸ່ງໄປເຖິງລັດຖະບານດີຈີຕອນ, ພື້ນຖານເສດຖະກິດດີຈີຕອນ. ພ້ອມທັງ ສະເໜີບັນດາຜູ້ແທນສຸມໃສ່ປຶກສາຫາລືກ່ຽວກັບສະພາບການຜັນຂະຫຍາຍການກໍ່ສ້າງລັດຖະບານເອເລັກໂຕນິກ, ໂດຍສະເພາະແມ່ນບັນດາຄວາມຫຍຸ້ງຍາກ, ຂໍ້ຕິດຄັດ. ການແບ່ງໜ້າທີ່ລະອຽດ ແລະ ຈັດຕັ້ງກົງຈັກຂອງບັນດາກະຊວງ, ຂະແໜງການ, ຜ່ານນັ້ນຖອດຖອນບົດຮຽນ, ວິທີສ້າງ ແລະ ນໍາໃຊ້ທີ່ສະດວກຈາກບັນດາທ້ອງຖິ່ນ, ກະຊວງ, ຂະແໜງການ.

ທ່ານນາຍົກລັດຖະມົນຕີ ຫງວຽນຊວນຟຸກ ກໍເຈາະຈີ້ມໃຫ້ບັນດາຜູ້ແທນປຶກສາຫາລືກ່ຽວກັບບັນດາມາດຕະການຮັບປະກັນຄວາມເປັນເອກະພາບກ່ຽວກັບວິທີສ້າງ ແລະ ນໍາໃຊ້, ເຊື່ອມຕໍ່ຢ່າງຄົບຊຸດຈາກສູນກາງລົງຮອດທ້ອງຖິ່ນ; ຮັບປະກັນຄວາມສະຫງົບປອດໄພ ໃນວິວັດການຜັນຂະຫຍາຍລັດຖະບານເອເລັກໂຕນິກຢ່າງເດັດຂາດ, ຖ້າຫາກເຫັນວ່າຍັງບໍ່ມີຄວາມປອດໄພ ແມ່ນບໍ່ຄວນເຄື່ອນໄຫວລັດຖະບານເອເລັກໂຕນິກເທື່ອ.

（ໄຊພອນ）