ຫ້ອງວ່າການ ລັດຖະບານ ຊຸກຍູ້ການຮ່ວມມື ຫວຽດນາມ-ລາວ

ທ່ານເອກອັກຄະລັດຖະທູດ ຫງວ໋ຽນ ບ໋າ ຢຸ໋ງ ຢືນຢັນວ່າ: ສະຖານທູດຫວຽດນາມ ປະຈຳ ສປປ ລາວ ໄດ້ລຸກຂື້ນສະເໜີຄຳເຫັນຕໍ່ ທ່ານ ມາຍ ຕ໋ຽນ ຢຸ໋ງ, ລັດຖະມົນຕີ ຫົວໜ້າຫ້ອງວ່າການລັດຖະບານ ກ່ຽວກັບສະພາບການຮ່ວມມືລະຫວ່າງສອງປະເທດ ວັນທີ 20 ກໍລະກົດ.

ທີ່ກອງປະຊຸມ, ທ່ານ ມາຍ ຕ໋ຽນ ຢຸ໋ງ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກ ໄດ້ຮັບຟັງ ທ່ານ ຫງວ໋ຽນ ບ໋າ ຢຸ໋ງ ເອກອັກຄະລັດຖະທູດຫວຽດນາມ ປະຈຳ ສປປ ລາວ, ໄດ້ສະຫຼຸບລາຍງານສະພາບການທາງດ້ານການເມືອງ, ເສດຖະກິດ ແລະ ສັງຄົມຂອງປະເທດລາວ. ທ່ານເອກອັກຄະລັດຖະທູດ ຫງວ໋ຽນ ບ໋າ ຢຸ໋ງ ຢືນຢັນວ່າ: ສະຖານທູດຫວຽດນາມ ປະຈຳ ສປປ ລາວ ຍັງຄົງຈັດຕັ້ງປະຕິບັດໄດ້ເປັນຢ່າງດີ ໃນຖານະອົງການຕາງຫນ້າ ຂອງປະເທດຫວຽດນາມ ປະຈຳ ສປປ ລາວ; ທ່ານໄດ້ເນັ້ນຫນັກເຖິງບົດບາດໃນການເສນາທິການ, ສະຫຼຸບສັງລວມ ແລະ ການປະເມີນສະຖານະການ ຢູ່ທ້ອງຖິ່ນ ແລະ ການຈັດຕັ້ງປະຕິບັດຫນ້າທີ່ ຂອງການປະສານງານ ກັບ ອໍານາດການປົກຄອງຂອງ ປະເທດລາວ, ຊຸກຍູ້ສົ່ງເສີມໂຄງການ-ການຮ່ວມມື ທີ່ສໍາຄັນ ລະຫວ່າງສອງປະເທດ, ໂດຍສະເພາະແມ່ນການຍູ້ແຮງຄວາມຄືບໜ້າໃນການຈັດຕັ້ງປະຕິບັດໂຄງການຕາມແຜນການ.

ໃນນາມຕ່າງໜ້າຄະນະຜູ້ແທນຂອງຫ້ອງວ່າການສຳນັກງານນາຍົກຫວຽດນາມ, ທ່ານ ມາຍ ຕ໋ຽນ ຢຸ໋ງ, ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກ, ໄດ້ແຈ້ງໃຫ້ຮູ້ກ່ຽວກັບ ສະພາບຂອງການພັດທະນ ເສດຖະກິດ ແລະ ສັງຄົມ ຂອງປະເທດຫວຽດນາມ ແລະ ສະພາບການຂອງພາກພື້ນ ແລະ ໃນໂລກ. ທ່ານລັດຖະມົນຕີ ມາຍ ຕ໋ຽນ ຢຸ໋ງ ໄດ້ກ່າວວ່າ: ໃນໄລຍະເວລາ ທີ່ເຮັດວຽກ ຢູ່ ສປປ ລາວ, ຄະນະຜູ້ແທນໄດ້ຮັບການຕ້ອນຮັບຈາກ ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ຢ່າງເປັນກັນເອງ, ອົບອຸ່ນ ແລະ ໄມຕີຈິດ ແລະ ໄດ້ມີການພົບປະເຈລະຈາກັນຢ່າງເປັນທາງການ ກັບ ຄະນະຜູ້ແທນ ຫ້ອງວ່າການ ສໍານັກງານນາຍົກ ແຫ່ງ ສປປ ລາວ ໂດຍ ທ່ານ ເພັດ ພົມພິພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກ ແຫ່ງ ສປປ ລາວ ເປັນປະທານ.

ປະຈຸບັນການຮ່ວມມື ລະຫວ່າງ ຫ້ອງວ່າການລັດຖະບານ ຫວຽດນາມ ແລະ ຫ້ອງວ່າການສຳນັກນາຍົກລັດຖະມົນຕີ ແຫ່ງ ສປປ ລາວ ນັບມື້ນັບໄດ້ຮັບການເສີມຂະຫຍາຍອອກຢ່າງກ້ວາງຂວາງ ແລະ ເປັນຈິງ, ໂດຍສຸມໃສ່ບັນຫາການຮ່ວມມື ເພື່ອເຮັດໃຫ້ຫ້ອງວ່າການ ທັງສອງ ສາມາດເຮັດຫນ້າທີ່ບົດບາດເປັນເສນາທິການ ໃຫ້ແກ່ ນາຍົກລັດຖະມົນຕີ ແລະ ລັດຖະບານໃນການຄຸ້ມຄອງບໍລິຫານເສດຖະກິດ ຂອງປະເທດ ກໍ່ຄືການເພີ່ມທະວີການຮ່ວມມື ລະຫວ່າງສອງປະເທດ ໃຫ້ຫຼາຍຂື້ນ.

ທ່ານລັດຖະມົນຕີ ມາຍ ຕ໋ຽນ ຢຸ໋ງ ຢືນຢັນວ່າ: ບັນດາການນຳສະເໜີ, ຄຳເຫັນ ຂອງ ສະຖານທູດຫວຽດນາມ ປະຈຳ ສປປ ລາວ ກ່ຽວກັບບາງບັນຫາ ທີ່ຈະຕ້ອງໄດ້ຮັບການແກ້ໄຂ ໃນການຈັດຕັ້ງປະຕິບັດຜັນຂະຫຍາຍ ບັນດາສັນຍາ ລະຫວ່າງ ການນໍາຂອງສອງປະເທດ, ປະຕິບັດໂຄງການ ຫວຽດນາມ ຊ່ວຍເຫຼືອ ປະເທດລາວ ຈະໄດ້ຮັບການຄົ້ນຄວ້າ ໂດຍໄວ ຈາກຫ້ອງວ່າການລັດຖະບານຫວຽດນາມ, ການປະສານສົມທົບ ກັບ ອໍານາດການປົກຄອງຂອງສອງປະເທດ ແລະ ນຳສະເຫນີຂື້ນໄປຍັງ ການນໍາຂັ້ນສູງ ຊອກຫາວິທີແກ້ໄຂໃນການຮ່ວມມື ເພື່ອການພັດທະນາ ຂອງທັງສອງ ປະເທດ, ເພື່ອປະໂຫຍດຂອງປະຊາຊົນຫວຽດນາມ-ລາວ.

（​ຫັດ​ທະ​ບູນ）