ໃນໂອກາດການເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 34 ຢູ່ນະຄອນຫຼວງບາງກອກ ປະເທດໄທ, ໃນຕອນບ່າຍວັນທີ 23 ມິຖຸນາ, ທ່ານນາຍົກລັດຖະມົນຕີ ຫງວຽ໋ນ ຊົນ ຟຸກ ພ້ອມພັນລະຍາ ໄດ້ໄປຢ້ຽມຢາມ ແລະ ໂອ້ລົມກັບພະນັກງານ, ປະຊາຄົມຊາວຫວຽດນາມໃນປະເທດໄທ.

ທ່ານນາຍົກລັດຖະມົນຕີ ຫງວຽ໋ນ ຊົນ ຟຸກ ຢືນຢັນວ່າ, ການພົວພັນຄູ່ຮ່ວມມືຍຸດທະສາດ ລະຫວ່າງ ຫວຽດນາມ - ໄທ ສືບຕໍ່ໄດ້ຮັບການເສີມຂະຫຍາຍໃນຫຼາຍຂົງເຂດ, ທັງສອງຝ່າຍກຳລັງກະກຽມຢ່າງຕັ້ງຫນ້າໃນການຈັດຕັ້ງປະຊຸມ ເຈົ້າໜ້າທີ່ພາຍໃນຂອງສອງປະເທດ ເຊິ່ງຈະຈັດຂື້ນໃນທ້າຍປີ 2019.

ທ່ານນາຍົກລັດຖະມົນຕີ ຫງວຽນຊວັນຟຸກ ພົບປະກັບຊຸມຊົນຊາວຫວຽດນາມໃນປະເທດໄທ. (ພາບ: VOV)

ທ່ານນາຍົກລັດຖະມົນຕີຮຽກຮ້ອງມາຍັງຊຸມຊົນຊາວຫວຽດນາມ ຢູ່ ຕ່າງປະເທດປົກປັກຮັກສາ ຮີດຄອງປະເພນີ, ວັດທະນະທໍາ ຂອງຫວຽດນາມ, ສິ່ງທີ່ສະແດງ ການປາກເວົ້າ, ຕົວໜັງສື, , ອາຫານ, ເຄື່ອງນຸ່ງຫົ່ມ, ຮີດຄອງປະເພນີ; ສ້າງເງື່ອນໄຂໃຫ້ຊາວຫນຸ່ມໃນຊຸມຊົນຊາວຫວຽດນາມ ຢູ່ ຕ່າງປະເທດເຂົ້າສຶກສາຮ່ຳຮຽນ, ກາຍເປັນນັກຄົ້ນຄວ້າ, ນັກວິທະຍາສາດ, ສ້າງຊາວໜຸ່ມເຍົາວະຊົນຍຸກໃຫມ່, ສັງຄົມທີ່ພັດທະນາ.

ນອກຈາກນັ້ນ, ທ່ານນາຍົກລັດຖະມົນຕີ ກໍ່ຫວັງວ່າ ປະຊາຊົນຄົນຫວຽດກ່ຽວ ທີ່ຢູ່ຕ່າງປະເທດ ຈະເປັນຂົວທີ່ສໍາຄັນເພື່ອສ້າງຄວາມເຂັ້ມແຂງທາງດ້ານການພົວພັນ ລະຫວ່າງ ຫວຽດນາມແລະ ປະເທດໄທ ໃນຫລາຍຂົງເຂດເຊິ່ງປະກອບສ່ວນໃນການສົ່ງເສີມການພົບປະແລກປ່ຽນປະຊາຊົນ ແລະ ພັດທະນາການທ່ອງທ່ຽວ ລະຫວ່າງ ສອງປະເທດ ແລະ ສົ່ງເສີມ ການຄ້າສອງຝ່າຍ ລະຫວ່າງ ຫວຽດນາມ ແລະ ໄທ ບັນລຸໄດ້ເປົ້າຫມາຍ 20 ຕື້ໂດລາສະຫະລັດ ໃນປີ 2020.

（ຄຳຮຸ່ງ）