 |
ພາບປະກອບ
ນັບແຕ່ເດືອນ ມັງກອນ-ເດືອນກໍລະກົດປີນີ້ ຈີນ ສາມາດດຶງດູດ ທຶນຈາກຕ່າງປະເທດ ລວມທັງໝົດ 533.140 ລ້ານຢວນ ຫລື 78.800 ລ້ານໂດລາ ສະຫະລັດ, ເພີ່ມຂື້ນ 7,3% ເມື່ອທຽບໃສ່ໄລຍະດຽວກັນ ຂອງປີກາຍ ໂດຍສະເພາະ ພາກຕາເວັນຕົກ ຊຶ່ງມີການຄ້າເສລີ ດຶງດູດ ທຶນຕ່າງປະເທດ ເພີ່ມຂື້ນ ຢ່າງວ່ອງໄວ ເປັນຕົ້ນ ອຸດສາຫະກຳ ການຜະລິດ ໄຮເທດ ແລະ ອຸດສາຫະກຳ ການບໍລິການ ໄຮເທດ ໄດ້ໃຊ້ທຶນຕ່າງ ປະເທດ ເພີ່ມຂື້ນຢ່າງຕໍ່ເນື່ອງ. ໃນນີ້ ສະຫະພາບ ເອີຣົບ ໄດ້ລົງທຶນໃນຈີນ ເພີ່ມຂື້ນ 18,3%, ເຢຍລະມັນ72,4%, ສ.ເກົາຫລີ ແລະ ຍີ່ປຸ່ນ ເພີ່ມຂື້ນ 69,7% ແລະ 12,6% ຕາມລຳດັບ.
ໃນໄລຍະ6 ເດືອນຕົ້ນປີນີ້ ຍອດການຄ້າ ບໍລິການຂອງຈີນ ບັນລຸ ມູນຄ່າ 2.612.460 ຢວນ,ເພີ່ມຂື້ນ 2,6% ເມື່ອທຽບໃສ່ ໄລຍະດຽວກັນ ຂອງປີກາຍນີ້. ການຄ້າບໍລິການ ມີອັດຕາສ່ວນ ເພີ່ມຂື້ນ ທາງດ້ານການຄ້າ ຕ່າງປະເທດ ກວມເອົາ 15,1% ເປັນຕົວເລກສູງກວ່າ ອັດຕາສ່ວນ ທັງໝົດຂອງປີກາຍ 0,5% ຫລຸດການ ຂາດດຸນການຄ້າ ດ້ານການບໍລິການ ໃຫ້ໜ້ອຍລົງ, ການສົ່ງອອກບໍລິການ ມີອັດຕາຈະເລີນເຕີບໂຕ ໄວກວ່າ ການນຳເຂົ້າ ການບໍລິການ.
ໃນໄລຍະ 3 ປີຜ່ານມາ, ຈີນມີອັດຕາສ່ວນ ໃນການລົງທຶນ ກວມເອົາ ປະມານ 1 ໃນ 4 ຂອງປະລິມານ ການລົງທຶນ ທັງໝົດໃນໂລກ. ການລົງທຶນ ຂອງກຸ່ມທຸລະກິດ ເງິນຮ່ວມລົງທຶນ(venture capital investment) ຈະເລີນເຕີບໂຕວ່ອງໄວທີ່ສຸດ ຈັດເປັນ ອັນດັບ 2 ຂອງໂລກ ຖັດຈາກ ສ.ອາເມລິກາ. ເມື່ອເດືອນພືດສະພາຜ່ານມາ, ກອງທຶນການຮ່ວມລົງທຶນ(venture capital fund) ຂອງຈີນ ມີການຈົດທະບຽນ ທັງໝົດ 7.055 ລາຍ, ດ້ວຍມູນຄ່າ 1.101 ພັນຕື້ຢວນ.ນອກຈາກນັ້ນ, ສະມາຄົມບໍລິຫານຊັບສິນ ຍັງໃຫ້ຄວາມເຫັນວ່າ ການລົງທຶນ ຂອງກຸ່ມທຸລະກິດ ເງິນຮ່ວມລົງທຶນ ຊ່ວຍເຮັດໃຫ້ ການເຊື່ອມຈອດ ລະຫວ່າງການເງິນກັບເຕັກໂນໂລຊີ ແລະ ການມຸ່ງໄປສູ່ການປ່ຽນແປງ ທາງເສດຖະກິດຂອງຈີນ.
（ໄຊພອນ）
