 |
ອາສາສະໝັກຍີ່ປຸ່ນ ກຽມປະຕິບັດໜ້າທີ່ຢູ່ ສປປ ລາວ
ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ກ່າວວ່າ: ອາສາສະໝັກ 9 ຄົນ ຈະລົງເຄື່ອນໄຫວປະຈຳຢູ່ນະຄອນຫຼວງວຽງຈັນ 3 ຄົນ ແຂວງວຽງຈັນ 2 ຄົນ ແຂວງຫຼວງພະບາງ 2 ຄົນ ແຂວງຈຳປາສັກ 1 ຄົນ ແລະ ແຂວງຊຽງຂວາງ 1 ຄົນ ປັດຈຸບັນມີອາສາສະໝັກຈາກປະເທດຍີ່ປຸ່ນທີ່ກຳລັງເຮັດວຽກຄຽງບ່າຄຽງໄຫຼ່ກັບຄູ່ຮ່ວມງານລາວທົ່ວປະເທດ 41 ຄົນ ເຊິ່ງກຸ່ມອາສາສະໝັກດັ່ງກ່າວ ຈະສືບຕໍ່ຊ່ວຍເຫຼືອເສີມຂະຫຍາຍມິດຕະພາບ ແລະ ຄວາມເຂົ້າໃຈ ລະຫວ່າງສອງປະເທດ ຜ່ານການຖ່າຍທອດວິຊາຄວາມຮູ້ ຄວາມສາມາດ ແລະ ແລກປ່ຽນປະສົບການເຊິ່ງກັນ ແລະ ກັນ ທັງເປັນການເສີມສ້າງສາຍພົວພັນມິດຕະພາບ ແລະ ການຮ່ວມມືທີ່ນັບມື້ແໜ້ນແຟ້ນຍິ່ງໆຂຶ້ນ ລະຫວ່າງສອງຊາດ ລາວ- ຍີ່ປຸ່ນ. ນັບແຕ່ປີ 1965 ອາສາສະໝັກ JICA ມີຫຼາຍກວ່າ 1.000 ຄົນ ໄດ້ຖືກສົ່ງມາປະຕິບັດໜ້າທີ່ຢູ່ທົ່ວປະເທດລາວ ໃນຂະແໜງການຕ່າງໆ ເຊັ່ນ: ສາທາລະນະສຸກ ສຶກສາ ກະສິກຳ ວິສະວະກຳ ກີລາ ແລະ ການພັດທະນາຊຸມຊົນ.
（ແຫຼ່ງຂໍ້ມູນ： vientianemai.net）
