ຖ໋າຍຫງວຽນ ມີຫົວຄິດປະດິດສ້າງໃນວຽກງານມິດຕະພາບ

ບັນຍາກາດກອງປະຊຸມ

ໃນຕອນບ່າຍຂອງວັນທີ 9 ເມສາ, ທີ່ແຂວງທາຍງວຽນ, ຄະນະຜູ້ແທນຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ ນໍາໂດຍ ທ່ານນາງ ຫງວຽນເຟືອງງາ ປະທານສະຫະພັນ ໄດ້ມີການເຮັດວຽກກັບ ທ່ານ ຫວູໂຮ່ງບັກ, ຮອງເລຂາພັກແຂວງ, ປະທານຄະນະກໍາມະການປະຊາຊົນແຂວງທາຍງວຽນ ແລະ ຄະນະປະຈໍາສະຫະພັນບັນດາອົງການຈັດຕັ້ງມິດຕະພາບແຂວງທາຍງວຽນເພື່ອແນະນໍາ, ສະໜັບສະໜູນໃຫ້ແກ່ສະຫະພັນແຂວງທາຍງວຽນ.

ໃນຊຸມປີຜ່ານມາວຽກງານເຄື່ອນໄຫວຂອງສະຫະພັນແຂວງທາຍງວຽນ ແລະ ບັນດາອົງການຈັດຕັ້ງສະມາຊິກໄດ້ປະຕິບັດຢ່າງມີປະສິດຕິຜົນ, ບັນລຸຜົນສໍາເລັດຫຼາຍຢ່າງໃນທິດທາງທີ່ດີ. ໃນນັ້ນ, ໄດ້ຖືສໍາຄັນການປ່ຽນແປງຮູບແບບການເຄື່ອນໄຫວ, ປະກອບສ່ວນໃນການເຮັດໃຫ້ປະເທດເພື່ອນມິດ ແລະ ຄູ່ຮ່ວມໄດ້ເຂົ້າໃຈຢ່າງຖືກຕ້ອງກ່ຽວກັບສະຖານະການຢູ່ຫວຽດນາມ, ເປົ້າຫມາຍ ແລະ ລັກສະນະຂອງລະບອບ, ນະໂຍບາຍ, ແນວທາງ ຂອງພັກ ແລະ ລັດ.

ບັນດາໂຄງການຂົນຂວາຍການຊ່ວຍເຫຼືອຈາກຕ່າງປະເທດທີ່ບໍ່ຂຶ້ນກັບລັດຖະບານໄດ້ປະກອບສ່ວນເຂົ້າໃນການຫຼຸດຜ່ອນຄວາມທຸກຍາກ, ການພັດທະນາເສດຖະກິດ - ສັງຄົມ ທ້ອງຖິ່ນ. ບັນດາກິດຈະກໍາການຮ່ວມມືດ້ານເສດຖະກິດ, ການຄ້າ, ການລົງທຶນ, ການທ່ອງທ່ຽວ, ວັດທະນະທໍາ, ການສຶກສາ, ວິທະຍາສາດເຕັກໂນໂລຢີ ໄດ້ຮັບການເປີດກວ້າງ. ວຽກງານເຄື່ອນໄຫວການພົວພັນທາງການທູດຂອງປະຊາຊົນໄດ້ຮັບປະສິດທິຜົນ ແລະ ຮັກສາຄວາມເປັນເອກະພາບຂອງບັນດາອົງການຈັດຕັ້ງໃນວຽກງານການພົວພັນຕ່າງປະເທດ.

ທ່ານນາງ ຫງວຽນເຟືອງງາ ກ່າວຄໍາເຫັນທີ່ກອງປະຊຸມ

ທີ່ກາານເຮັດວຽກ, ທ່ານນາງ ຫງວຽນເຟືອງງາ ໄດ້ຮັບຮອງບົດບາດຢ່າງຕັ້ງໜ້າຂອງແຂວງທາຍງວຽນໃນວຽກງານການພົວພັນຕ່າງປະເທດ. ທ່ານນາງ ຫງວຽນເຟືອງງາ ຍັງເນັ້ນໜັກວ່າແຂວງທາຍງວຽນ ເປັນຮາກຖານເຊິ່ງໄວ້ເນື້ອເຊື່ອໃຈໄດ້ຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ. ສະຫະພັນແຂວງທາຍງວຽນ ກໍ່ຕ້ອງກໍານົດຢ່າງຊັດເຈນວ່າວຽກງານກ່ຽວກັບສັນຕິພາບ, ຄວາມສາມັກຄີມິດຕະພາບແມ່ນກິດຈະກໍາໃຈກາງ. ພ້ອມກັນນັ້ນ, ກໍ່ຕ້ອງເພີ່ມທະວີ ແລະ ຍູ້ແຮງວຽກງານທີ່ບໍ່ຂຶ້ນກັບລັດຖະບານຕ່າງປະເທດ.

（ໄຊພອນ）