 |
10 ເດືອນ ຕົ້ນປີນີ້ ການຜະລິດອຸດສາຫະກຳ ຂອງ ສສ ຫວຽດນາມ ເພີ່ມຂື້ນ 10,4%.
ພາຍໃນ 10 ເດືອນໃນປີ 2018 ນີ້, ຕົວເລກການຜະລິດດ້ານອຸດສາຫະກຳເພີ່ມຂື້ນປະມານ 10,4% ທຽບກັບໄຕມາດດຽວກັນຂອງປີຜ່ານມາ, ສູງກວ່າ 9,6% ຂອງໄຕມາດດຽວກັນໃນປີ 2017.
ໃນນັ້ນ, ຂະແໜງການປຸງແຕ່ງ-ປະກອບຊິ້ນສ່ວນ ເພີ່ມຂື້ນ 12,7%, ປະກອບສ່ວນ 9,8 %ຄະແນນ ເຂົ້າໃນອັດຕາການການຂະຫຍາຍຕົວ; ຂະແໜງການຜະລິດ ແລະ ຈຳໜ່າຍ ເພີ່ມຂື້ນ 9,6%, ປະກອບ 0,9 % ຄະແນນ; ຂະແໜງການສະໜອງ ນໍ້າ ແລະ ແກ້ໄຂບັນຫາຂີ້ເຫຍື້ອ, ນໍ້າເສຍ ເພີ່ມຂື້ນ 6,6%, ປະກອບ 0,1%ຄະແນນ; ສ່ວນຂະແໜງການຂຸດຄົ້ນ-ບໍ່ແຮ່ຫຼຸດລົງ 2,6%, ເຮັດໃຫ້ຫຼຸດ 0,4% ຄະແນນ ໃນອັດຕາການເພີ່ມຂື້ນທັງໝົດ.ບາງຂະແໜງການ ມີຕົວເລກການຜະລິດ 10 ເດືອນ ເພີ່ມຂື້ນສູງ ທຽບກັບໄຕມາດດຽວກັນໃນປີຜ່ານມາ: ການຜະລິດຖ່ານຫິນ, ຜະລິດຕະພັນນໍ້າມັນ ກັ່ນ ເພີ່ມຂື້ນ 58%; ການຜະລິດໂລຫະ ເພີ່ມຂື້ນ 21,9%;ການຜະລິດຢາ, ຢາເຄມີ ແລະ ວັດຖຸດິບ ຜລິດຢາ ເພີ່ມຂື້ນ 21,6%; ການຜະລິດລົດມີເຄື່ອງຈັກ ເພີ່ມ 15,3%...
ຕົວເລກ ການຜະລິດອຸດສາຫະກຳ 10 ເດືອນ ປີ2018 ຂອງ 36 ແຂວງ, ນະຄອນທີ່ຂື້ນກັບສູນກາງເພີ່ມຂື້ນ ທຽບກັບໄຕມາດດຽວກັນໃນປີຜ່ານມາ.
ໃນນັ້ນ, ແຂວງ ຮ່າຕິງ ແມ່ນທ້ອງຖິ່ນ ທີ່ມີລະດັບການເພີ່ມຂື້ນສູງສຸດໃນລະດັບ 105,6% ຍ້ອນ ມີການປະກອບສ່ວນຂອງ ບັນດາ ກຸ່ມບໍລິສັດ Formosa, ຕໍ່ມາແມ່ນ ແຂວງ ແທັງຫວ໋າ ເພີ່ມຂື້ນ 30,3% ກຳລັງຫຼັກແມ່ນ ບໍລິສັດ ກັ່ນນຳ້ມັນ ງີເຊີນ ຈຳກັດ ຫາກໍ່ເລີ່ມທຳການຜະລິດ ມາແຕ່ກາງປີ 2018, ບ່າ ເຫຼ່ຍ-ຫວຸງ ເຕົ່າ ແມ່ນທ້ອງຖິ່ນ ທີ່ມີລະດັບການເພີ່ມຂື້ນ ຕຳ່ສຸດ ຂອງປະເທດ ດ້ວຍອັດຕາ 1,3% ຍ້ອນມີການຂຸດຄົ້ນນໍ້າມັນດິບ ຫຼຸດລົງ.
ຕົວເລກ ການຜະລິດດ້ານອຸດສາຫະກຳ 10 ເດືອນ ທຽບກັບໄຕມາດດຽວກັຍຂອງປີຜ່ານມາ ຂອງ ບາງທ້ອງຖິ່ນ ມີຂະໜາດອຸດສາຫະກຳ ໃຫຍ່ຄືດັ່ງນີ້: ແຂວງຫາຍຟອງ ເພີ່ມຂື້ນ 25,6%; ວິ໋ງຟຸກ ເພີ່ມ 14,6%; ໄທ໋ຫງວຽນ ເພີ່ມຂື້ນ12,2%...
ຕົວເລກ ຍອດລວມການຜະລິທັງໝົດ ຂອງຂະແໜງ ອຸດສາຫະກຳ ໃນເດືອນ 10 ເພີ່ມຂື້ນປະມາ 7,7% ທຽບກັບໄຕມາດດ່ຽວກັນໃນປີຜ່ານມາ, ໃນນັ້ນ ຂະແໜງຂຸດຄົ້ນແຮ່ທາດ ຫຼຸດລົງ 9,5%; ຂະແໜງປຸງແຕ່ງ, ປະກອບຊິ້ນສ່ວນ ເພີ່ມຂື້ນ 10,1%; ການຜະລິດ ແລະ ແຈກຢາຍໄຟ້າ ເພີ່ມຂື້ນ 8,9%; ການສະໜອງນໍ້າ ແລະ ການບໍາບັດສິ່ງເສດເຫຼືອ, ບຳບັດນໍ້າເປື້ອນ 9,5%.
（ຫັດທະບູນ）
