 |
ແຫຼ່ງທີ່ມາ ກະຊວງ ແຜນການ ແລະ ການລົງທືນ ຫວຽດນາມ.
ປະຈຸບັນ ມີ 105 ປະເທດ ແລະ ເຂດແຄ້ວນ ໄດ້ເຂົ້າມາລົງທືນ ຢູ່ ປະເທດ ຫວຽດນາມ. ຕົວເລກໄດ້ສະແດງໃຫ້ເຫັນວ່າ ປະເທດ ຍີປຸ່ນ ແມ່ນປະເທດ ອັນດັບ ໜຶ່ງ ດ້ວຍທືນທີ່ນຳເຂົ້າມາລົງທືນເຖິງ 7,6 ຕື້ USD, ກວມ 27,5% ຍອດລວມທືນຂອງການລົງທືນ. ປະເທດເກົາຫຼີໃຕ້ ເປັນປະເທດອັນດັບທີສອງ ດ້ວຍທືນຈຳນວນ 6,5ຕື້ USD, ກວມ 23,4% ຍອດລວມທືນຂອງການລົງທືນເຂົ້າຫວຽດນາມ. ປະເທດສິງກະໂປ ເປັນປະເທດອັນດັບສາມ ດ້ວຍຈຳນວນ 63,9ຕື້ USD, ກວມ 14% ຍອດລວມທືນຂອງການລົງທືນເຂົ້າຫວຽດນາມ.
ໃນລາຍຊື່ຂອງກົມການລົງທືນຂອງຕ່າງປະເທດ ທືນ FDI ໄດ້ລົງທືນເຂົ້າໃນ 18 ຂົງເຂດ, ໃນນັ້ນອຸດສາຫະກຳປຸງແຕ່ງ, ປະກອບຊິ້ນສ່ວນ ເປັນຂົງເຂດທີ່ດຶງດູດຄວາມສົນໃຈໄດ້ຫຼາຍທີ່ສຸດ ໂດຍມີມູນຄ່າເຖິງ 13,2 ຕື້ USD,ກວມ 47,5% ຂອງຍອດລວມການລົງທືນຈົດທະບຽນທັງໝົດ. ຕໍ່ມາແມ່ນການເຮັດທຸລະກິດກ່ຽວກັບອະສັງຫາລິມມະຊັບ ດ້ວຍມູນຄ່າ 5,7 ຕື້ USD, ກວມ 20,4%ຂອງທືນຈົດທະບຽນທັງໝົດ. ອັນທີສາມແມ່ນຂົງເຂດຄ້າຂາຍ, ຂາຍຍ່ອຍ ດ້ວຍມູນຄ່າການລົງທືນທີ່ຈົດທະບຽນທັງໝົດ 2,3ຕື້ USD, ກວມ 8,5% ຂອງຍອດລວມການລົງທືນທີ່ຈົດທະບຽນທັງໝົດ
ຂົງເຂດກະສິກຳ, ການສຶກສາ ແລະ ເຕັກໂນໂລຊີ ໂຄງການ FDI ໄດ້ລົງທືນ ແລະ ສະແດງອອກມາໄດ້ໜ້ອຍ ບາງຄັ້ງຄາວຈິ່ງມີໂຄງການ ມູນຄ່າລ້ານ USD.
ດັ່ງນັ້ນຈິ່ງເຫັນໄດ້ວ່າ ນັກລົງທືນຕ່າງປະເທດຍັງຄົງໃຫ້ຄວາມສຳຄັນຫຼາຍຕໍ່ກັບຂົງເຂດທີ່ໃຫ້ຜົນຕອບແທນ ແລະ ຖອນທືນໄວ.
ປະຈຸບັນ FDI ໄດ້ປະກົດຢູ່ໃນ 59/63 ແຂວງ, ນະຄອນໃນທົ່ວປະເທດ. ຮ່າໂນ້ຍ ແມ່ນທ້ອງຖິ່ນທີ່ດຶງດູດທືນໄດ້ຫຼາຍທີ່ສຸດເຖິງ 6,15 ຕື້ USD, ກວມ 22% ຂອງຍອດລວມການລົງທືນ; ສອງແມ່ນນະຄອນ ໂຮ່ຈີ໋ມິງ ຈຳນວນ 4,6 ຕື້ USD, ກວມ 16,5% ຂອງຍອດລວມການລົງທືນ. ບ່າເລັຍ-ວຸ໋ງເຕົ່າ ມາເປັນທີ ສາມດ້ວຍຍອດລວມຂອງການລົງທືນທີ່ໄດ້ຈົດທະບຽນ 2,4 ຕື້ USD, ກວມ 8,8%ຂອງຍອດລວມການລົງທືນ.
（ຫັດທະບູນ）
