ADB ກໍຍັງຮັກສາການຄາດຄະເນຄວາມເຕີບໂຕຂອງເສດຖະກິດຈີນ ໄວ້ຄືເກົ່າທີ່ລະດັບ 6,3% ໃນປີ 2019 ແລະ 6,1% ໃນປີ 2020 ຫຼັງຈາກທີ່ພື້ນຖານເສດຖະກິດຈີນ ທີ່ມີຂະໜາດໃຫຍ່ເປັນອັນດັບສອງຂອງໂລກນັ້ນ ເຕີບໂຕກຊັກຊ້າລົງ ໂດຍຍັງເຫຼືອທີ່ 6,2% ໃນໄຕມາດ 2 ປີນີ້ ພ້ອມທັງເຫັນວ່າ ການໜູນຊ່ວຍທາງດ້ານນະໂຍບາຍ ອາດຈະຊ່ວຍໃຫ້ຈີນທົດແທນຄວາມຕ້ອງການຢູ່ພາຍໃນປະເທດ ແລະ ນອກປະເທດ ທີ່ມີຄວາມອ່ອນແອ.
 |
ພາບປະກອບ
ຄຽງຄູ່ກັນນັ້ນ ADB ກໍໄດ້ປັບຫຼຸດການຄາດຄະເນຄວາມເຕີບໂຕຂອງເສດຖະກິດອິນເດຍ ລົງໄປຍັງເຫຼືອ 7% ໃນປີ 2019 ແລະ 7,2% ໃນປີ 2020 ຈາກລະດັບທີ່ໄດ້ຄາດຄະເນເຕີບໂຕທີ່ 7,2% ແລະ 7,3% ຕາມລຳດັບ ຊຶ່ງມີອອກມາເມື່ອເດືອນເມສາທີ່ຜ່ານມາ.
ໃນຂະນະດຽວກັນ ADB ໃຫ້ຮູ້ວ່າ ເສດຖະກິດຂອງເຂດອາຊີກາງ ຈະເຕີບໂຕ 4,3% ໃນປີ 2019 ແລະ 4,2% ໃນປີ 2020 ທຽບໃສ່ລະດັບ 4,2% ແລະ 4,2% ຕາມລຳດັບ ທີ່ຄາດຄະເນໄວ້ເມື່ອເດືອນເວລາທີ່ຜ່ານມາ. ສຳລັບເສດຖະກິດຢູ່ໃນເຂດອາຊີຕາເວັນອອກ ຄາດວ່າຈະເຕີບໂຕທີ່ລະດັບ 5,6% ໃນປີ 2019 ແລະ 5,5% ໃນປີ 2020 ເມື່ອທຽບໃສ່ລະດັບຄາດຄະເນຕາມລຳດັບທີ່ 5,7% ແລະ 5,5% ທີ່ໄດ້ນຳອອກມາເມື່ອເດືອນເມສາທີ່ຜ່ານມາ. ສະເພາະເສດຖະກິດຢູ່ໃນເຂດອາຊີໃຕ້ ຄາດວ່າຈະມີຄວາມເຕີບໂຕ 6,6% ໃນປີ 2019 ແລະ 6,7% ໃນປີ 2020 ເມື່ອທຽບໃສ່ລະດັບຄາດຄະເນຕາມລຳດັບທີ່ 6,8% ແລະ 6,9% ທີ່ໄດ້ນຳອອກມາເມື່ອເດືອນເມສາທີ່ຜ່ານມາ.
ກ່ຽວກັບຄວາມຫວັງເຕີບໂຕ ຂອງເສດຖະກິດໃນເຂດອາຊີຕາເວັນອອກສ່ຽງໃຕ້ນັ້ນ ADB ໃຫ້ການຄາດຄະເນຄວາມເຕີບໂຕທີ່ 4,8% ໃນປີ 2019 ແລະ 4,9% ໃນປີ 2020 ເມື່ອທຽບໃສ່ລະດັບທີ່ໄດ້ຄາດຄະເນເອົາໄວ້ຕາມລຳດັບທີ່ 4,9% ແລະ 5% ຊຶ່ງນຳອອກມາເມື່ອເດືອນເມສາທີ່ຜ່ານມາ. ນອກຈາກນັ້ນແລ້ວ ADB ຍັງໄດ້ຍົກການຄາດຄະເນກ່ຽວກັບເງິນເຟີ້ຂອງອາຊີ ຂຶ້ນເປັນ 2,6% ຕະຫຼອດທັງປີ 2019 ແລະ 2020 ຈາກລະດັບທີ່ໄດ້ຄາດເອົາໄວ້ກ່ອນໜ້ານັ້ນ ທີ່ 2,5%.
ຕາມບົດລາຍງານຂອງ ADB ແລ້ວ, ກຳລັງແຮງງານຢູ່ພາກພື້ນ ອາຊີ - ປາຊີຟິກ ພວມຄ່ອຍໆຫັນປ່ຽນທິດຈາກກະສິກຳໄປສູ່ບັນດາຂະແໜງອຸດສາຫະກຳ ແລະ ການບໍລິການ, ໃນຂະນະທີ່ບັນດາພື້ນຖານເສດຖະກິດໃນພາກພື້ນ ສືບຕໍ່ເຂົ້າໃນລະບົບມູນຄ່າທົ່ວໂລກຢ່າງເລິກເຊິ່ງກ້ວາງຂວາງ. ໃນໄລຍະແຕ່ປີ 2002 – 2013, ປະມານ 780 ລ້ານຄົນຢູ່ພາກພື້ນໄດ້ຫລູດພົ້ນອອກຈາກສະພາບຄວາມທຸກຍາກ. ນອກນັ້ນ, ບົດລາຍງານກໍ່ຊີ້ແຈ້ງວ່າ ພາກພື້ນ ອາຊີ - ປາຊີຟິກ ໄດ້ມີບັນດາການກະທຳມຸ່ງໄປເຖິງຄວາມສະເໝີພາບລະຫວ່າງຍິງ - ຊາຍ ໃນບາງຂົງເຂດສຳຄັນ, ເຊິ່ງລວມມີການສຶກສາ ແລະ ວຽກເຮັດງານທຳ, ພ້ອມກັບເລື່ອງເບິ່ງແຍງດູແລສຸຂະພາບຂອງແມ່ຍິງ.
（ໄຊພອນ）
