ຫວຽດນາມ ກຽມພ້ອມ ໃຫ້ແກ່ ກອງປະຊຸມ WEF ASEAN 2018 ທີ່ຈະດຳເນີນໃນມື້ອື່ນແລ້ວ

ທ່ານນາຍົກລັດຖະມົນຕີ ຫງວ໋ຽນຊົນ ຟຸ໋ກ ລົງຊີ້ນຳ ກວດກາ ການກະກຽມກອງປະຊຸມ WEF ASEAN 2018.

ຍ້ອນຄວາມສຳຄັນຂອງກອງປະຊຸມ ຕອນບ່າຍຂອງວັນທີ 9 ກັນຍາ ນາຍົກລັດຖະມົນຕີ ຫງວ໋ຽນຊົນ ຟຸ໋ກ ໄດ້ລົງກວດກາວຽກງານການກະກຽມ ແລະ ກວດຜ່ານ ດ້ວຍຕົນເອງ ບັນດາມາດຕະການໃນການກະກຽມ ກອງປະຊຸມ ເສດຖະກີດໂລກ ກ່ຽວກັບ ASEAN ປີ 2018 ແລະ WEF ASEAN 2018 ຢູ່ ຫໍປະຊຸມແຫ່ງຊາດ ໝີດິ່ງ ຮ່າໂນ້ຍ.

ຕາມຮອງລັດຖະມົນຕີ ກະຊວງການຕ່າງປະເທດ ບຸ່ຍແທັງ ເຊີນ ມາຮອດປະຈຸບັນ ວຽກງານກະກຽມໃຫ້ແກ່ ກອງປະຊຸມ WEF ASEAN 2018 ໄດ້ກະກຽມສຳເລັດສົມບູນ ແລະ ກຽມພ້ອມ ໃຫ້ແກ່ກອງປະຊຸມ. ໃນຫຼາຍວັນທີ່ຜ່ານມາ ທາງ WEF ໄດ້ສົ່ງຊ່ຽວຊານມາຫວຽດນາມ ເພື່ອຊ່ວຍເຫຼືອ ແລະ ປະສານງານໃນການຈັດຕັ້ງກອງປະຊຸມນີ້.

ທ່ານນາຍົກລັດຖະມົນຕີ ຮັບຝັງ ການລາຍງານສະພາບ ການກະກຽມກອງປະຊຸມ WEF ASEAN 2018.

ກ່າວຄຳເຫັນໃນການເຮັດວຽກກວດຜ່ານການກະກຽມກອງປະຊຸມ ທ່ານນາຍົກ ລັດຖະມົນຕີ ຫງວ໋ຽນຊົນ ຟຸກ ເນັ້ນໜັກ: ນີ້ແມ່ນເຫດການທີ່ສຳຄັນ ໃນການເຄື່ອນໄຫວວຽກງານການທູດ ຂອງຫວຽດນາມ ໃນປີ 2018. ທ່ານນາຍົກ ຕີລາຄາສູງ ຄະນະອະນຸກຳມະການໄດ້ປະສານສົມທົບຢ່າງສອດຄ່ອງ, ເປັນເອກກະພາບ, ເປັນເຈົ້າການ ແລະ ພິເສດ ແມ່ນການປະສານສົມທົບເປັນຢ່າງດີ ກັບ WEF ໃນວຽກງານການກະກຽມ ໃຫ້ແກ່ ກອງປະຊຸມ - ເຫດການດັ່ງກ່າວຈະແມ່ນໂອກາດເພື່ອຢັ້ງຢືນຄວາມຄາດຫວັງ ຄວາມຝັນໃນບາດກ້າວໃໝ່ຂອງຫວຽດນາມ.

ທ່ານຮອງລັດຖະມົນຕີ ແລກປ່ຽນກັບຊ່ຽວຊານຕ່າງປະເທດ ໃນການກະກຽມກອງປະຊຸມ WEF ASEAN 2018.

ເນັ້ນໜັກຄວາມຮຽກຮ້ອງຕ້ອງການ “ຄວາມປອດໄພອັນເດັດຂາດ” ໃນກອງປະຊຸມ ທ່ານນາຍົກລັດຖະມົນຕີ ໄດ້ຍົກໃຫ້ເຫັນຢ່າງຈະແຈ້ງວ່າ: “ ນີ້ແມ່ນພະລະກິດດ້ານການເມືອງຂອງກຳລັງປ້ອງກັນຄວາມສະຫງົບ”, ພ້ອມກັນນັ້ນ ສະເໜີໃຫ້ກອງກຳລັງທີ່ກ່ຽວຂ້ອງ ກະກຽມ ແລະ ຜັນຂະຫຍາຍຢ່າງດີ ບັນດາມາດຕະການຮັບປະກັນຄວາມສະຫງົບ, ຄວາມປອດໄພ ພິເສດແມ່ນການຕ້ານ,ສະກັດກັ້ນ, ແກ້ໄຂເປັນຢ່າງດີ ແກ້ໄຂທາງໄກບັນດາເຫດການ, ພືດຕິກຳມ້າງເພທຳລາຍຂອງຄົນບໍ່ດີ ແລະ ບັນດາກອງກຳລັງຂອງສັດຕູ.

（ຫັດ​ທະ​ບູນ）