 |
ນະຄອນໂຮ່ຈີ໋ມິງ ໄດ້ເຊັນສັນຍາ ຝລັ່ງ ໃນໂຄງການຄຸ້ມຄອງຄຸນນະພາບອາກາດ. (ພາບ: vov )
ເວທີດັ່ງກ່າວໄດ້ເຕົ້າໂຮມເອົາຜູ້ຊ່ຽວຊານ, ການນຳ, ນັກບໍລິຫານຂັ້ນສູງ, ນັກທຸລະກິດ ຂອງຝລັ່ງ ໃນຂະແໜງພັດທະນາຕົວເມືອງເຊິ່ງປະກອບມີ: ຂະແໜງ ວິຊາວະກອນ, ຄົມມະນາຄົມ, ພະລັງງານ ຄຸ້ມຄອງສິ່ງເສດເຫຼືອ(ຂິ້ເຫຍື້ອ), ບຳບັດນ້ຳ….
ພັດທະນາຕົວເມືອງອັດສະລີຍະ ແມ່ນຄວາມທ້າທາຍຕໍ່ກັບຫວຽດນາມ. ປະຈຸບັນ ຫວຽດນາມ ກຳລັງມີການຈະເລີນເຕີບໂຕທາງດ້ານເສດຖະກິດເປັນທີ່ໜ້າເພິ່ງພໍໃຈ, ສະເລ່ຍປະມານ 6%, ຄຽງຄູ່ກັນນັ້ນ ຄວາມໄວຂອງການປ່ຽນແປງຕົວເມືອງໄວເຊັ່ນກັນ ປະມານ 3,2% ຕໍ່ປີ ແລະ 37,5% ຂອງພົນລະເມືອງດຳລົງຊີວິດຢູ່ໃນຕົວເມືອງ ປີ 2017.
ຫວຽດນາມ ເປັນປະເທດໜື່ງໃນບັນດາປະເທດທີ່ໄດ້ຮັບຜົນສະທ້ອນໜັກທີ່ສຸດຂອງການປ່ຽນແປງສະພາບອາກາດ, ໃນນັ້ນຂົງເຂດທົ່ງພຽງລຸ່ມແມ່ນ້ຳຂອງ ເປັນໜື່ງໃນ 3 ເຂດຂອງໂລກທີ່ຖືກຜົນກະທົບຫຼາຍທີ່ສຸດ. ທີ່ຜ່ານມາ ນະຄອນ ໂຮ່ຈີ໋ມິງ ໄດ້ລິເລີ່ມໂຄງການ ຕົວເມືອງອັດສະລີຍະ ໄລຍະ ປີ 2017-2020 ວິໄສທັດ 2025.
ແຕ່ຫຼາຍທົດສະຫວັດທີ່ຜ່ານມາ ຝລັງ ໄດ້ສັນຍາຊ່ວຍຫວຽດນາມ ຜ່ານການຈັດຕັ້ງປະຕິບັດບັນດາໂຄງການ ເພື່ອຍົກສູງຄວາມຮູ້ຄວາມສາມາດ ແລະ ປະກອບອຸປະກອນເຄື່ອງມື ໃນຂົງເຂດການວາງແຜນ ແລະ ຄຸ້ມຄອງ ຕົວເມືອງ, ຈະເລີນເຕີບໂຕແບບຍືນຍົງ ແລະ ປັບປຸງຄຸນນະພາບ ຊີວິດການເປັນຢູ່ຂອງປະຊາຊົນທີ່ອາໄສຢູ່ໃນບັນດານະຄອນ. ແບບຢ່າງຄື ບັນດາໂຄງການຂອງສູນພະຍາກອນ ແລະ ຄົ້ນຄວ້າຕົວເມືອງ.
ໃນຂອບເຂດເວທີເສວະນາ ໄດ້ດຳເນີນກອງປະຊຸມສຳມະນາ ຫົວຂໍ້ກ່ຽວກັບການຄຸ້ມຄອງຄຸນນະພາບອາກາດ ແລະ ໂຄງສ້າງສີຂຽວ, ເທັກໂນໂລຊີການກໍ່ສ້າງອັດສະລີຍະ. ທີ່ກອງປະຊຸມສຳມະນາ ນະຄອນໂຮ່ຈີ໋ມິງ ໄດ້ເຊັນສັນຍາ ຝລັ່ງ ໃນໂຄງການຄຸ້ມຄອງຄຸນນະພາບອາກາດ.
（ຫັດທະບູນ）
