 |
ດຸໝັ່ນ, ອົດທົນ, ມັກຮຽນຮູ້ ແມ່ນຄວາມຮູ້ສືກທຳອິດ ຂອງໜັງສືພິມເຢີນຫວຽດ ທີ່ໄດ້ພົບປະ ແລະ ໂອ້ລົມກັບ ທ່ານ ຈ້ອງ. ທັງນຳພວກຂ້າພະເຈົ້າເຂົ້າຢ້ຽມຊົມສວນປູກໝາກໄມ້ ທັງເລົ່າກ່ຽວກັບວາດສະໜາໃນການປູກຝັງຕົ້ນໄມ້ກິນໝາກຂອງເພິ່ນ.
ທ່ານ ຈ້ອງ ໄດ້ເລົ່າວ່າ ກ່ອນລາວຊິມາເຮັດກະສິກຳປູກຝັງ ປູກຕົ້ນໄມ້ກິນໝາກ, ລາວເຄີຍເປັນກຳມະກອນແປງລົດໃຫຍ່ ຢູ່ໃນນະຄອນ ນິງບິ່ງ ເງິນເດືອນຂ້ອນຂ້າງໝັ້ນຄົງ. ສຸດທ້າຍ ພາຍຫຼັງທ້ອນເງິນໄດ້ຈຳນວນໜຶ່ງ ຕົ້ນປີ 2013 ລາວຕັດສິນໃຈກັບບ້ານເກີດ ເລີ່ມຕົ້ນອາຊີບກະສິກຳຂອງຕົນ.
ທ່ານຈ້ອງ ໄດ້ໃຫ້ຮູ້ວ່າ: “ແຕ່ກ່ອນ ຂ້າພະເຈົ້າປູກ ໝາກມັງກອນ ພຽງແຕ່ 10 ຂຸມເທົ່ານັ້ນ ປູກກິນທຳມະດາ, ແຕ່ພາຍຫຼັງເຫັນວ່າຕົ້ນມາພັດທະນາດີ ໝາກຜົນອອກມາ ຄຸນນະພາບບໍ່ຫຼຸດໝາກມັງກອນຢູ່ບ່ອນອື່ນ. ຕອນນັ້ນຖ້າຂ້ອຍປູກເຕັມສອນຂອງຂ້ອຍ ຄົງຈະໄດ້ຮັບປະສິດທິຜົນດ້ານເສດຖະກິດສູງຫຼາຍ ສະນັ້ນຂ້ອຍຕັດສິນໃຈ ກັບມາປູກໝາກມັງກອນ”
 |
ສວນໝາກມັງກອນຂອງ ທ່ານ ຫງວ໋ຽນວັນຈ້ອງ. (ພາບ: ເຢີນຫວຽດ)
ນອກຈາກໝາກມັງກອນແລ້ວ ລາວເຫັນວ່າໝາກສົ້ມໂອ ຢ໋ຽນ ກໍ່ຂາຍໄດ້ລາຄາສູງຄືກັນ ລາວຕັດສິນໃຈ ລົງທືນປູກຕົ້ນໄມ້ກິນໝາກ 2 ຊະນິດນີ້. ຕໍ່ມາລາວໄດ້ຈ້າງຄົນມາຖອກເສົາເບຕົງເພີ່ມອີກ 600 ເສົາ ປູກໝາກມັງກອນ ໃຈແດງ ແລະ ຊື້ເບ້ຍໝາກສົ້ມໂອ ຢ໋ຽນ ອີກ 300 ເບ້ຍ ມາປູກໃນສວນ ທີ່ກວ້າງ 14.000 ຕາແມັດ. “ຕົ້ນໝາກມັງກອນໃຈແດງ, ໝາກສົ້ມໂອ ຢ໋ຽນ ພາຍຫຼັງປູກໄດ້ 1-2ປີ ກໍ່ໃຫ້ຜົນເປັນໝາກ ແຕ່ປະສິດທິຜົນບໍ່ສູງ ມາປີທີ 3 ຈັ່ງໄດ້ຮັບຜົນຜລິດສູງ .” ທ່ານ ຈ້ອງໄດ້ແບ່ງປັນ
 |
ໝາກມັງກອນໃຈແດງ ຈາກສວນຂອງທ່ານ ຫງວ໋ຽນວັນຈ້ອງ. (ພາບ: ເຢີນຫວຽດ)
ມາຮອດປະຈຸບັນ ແຕ່ລະປີຄອບຄົວຂອງທ່ານ ຈ້ອງ ສົ່ງອອກຂາຍຕາມທ້ອງຕະຫຼາດ ສຳລັບໝາກມັງກອນໃຈແດງ ຫຼາຍກວ່າ 20 ໂຕນ ແລະ ຫຼາຍກວ່າ ສິບພັນໜວ່ຍ ສຳລັບໝາກສົ້ມໂອຢ໋ຽນ. ໝາກມັງກອນໃຈແດງລາວຂາຍລາຄາສະເລ່ຍປະມານ 15.000ດົ່ງ/ກິໂລ, ສ່ວນໝາກສົ້ມໂອຢ໋ຽນ ລາຄາສະເລ່ຍປະມານ 14.000ດົ່ງ/ກິໂລ. ພາຍຫຼັງລົບຄ່າໃຊ້ຈ່າຍອອກໝົດແລ້ວ ຄອບຄົວກຳໄລປະມານ 300ລ້ານດົ່ງ.
（ຫັດທະບູນ）
