 |
ທ່ານ Naotoshi Okada, ປະທານ ແລະ ອຳນວຍການໃຫຍ່ ຂອງສະຫະບໍລິສັດ Nikkei ມອບລາງວັນ Nikkei ທະວີບອາຊີ 2018 ໃຫ້ ສຈ ຫງວ໋ຽນແທງລຽມ ທີ່ ໂຕກຽວ (ຢີປຸ່ນ).
ທ່ານສຈ Hiroshi Matsumoto, ປະທານ ຄະນະກໍາມະການ ການຄັດເລືອກ ລາງວັນ Nikkei 2018 ຂົງເຂດ ວິທະຍາສາດ ແລະ ເຕັກໂນໂລຊີ ກ່າວວ່າ: "ສຈ ຫງວ໋ຽນແທັງລຽມ ແມ່ນຜູ່ທໍາອິດທີ່ຜ່າຕັດພາຍໃນ ພະແນກເດັກນ້ອຍ ຢູ ຫວຽດນາມ.ລາວກໍ່ແມ່ນຄົນລິເລີ່ມ ການຜ່າຕັດດ້ວຍຫຸ່ນຍົນ ແລະ ເຕັກນິກອັນກ້າວຫນ້າອື່ນໆ, ເຮັດໃຫ້ຊີວິດການເປັນຢູ ຂອງເດັກນ້ອຍມີການປ່ຽນແປງ. ໃນປັດຈຸບັນ, ໝໍຜ່າຕັດຫຼາຍໆຄົນໃນໂລກໄດ້ເອີ້ນຊື່ລາວວ່າ: ລຽມເທັກ Liem’tech (ເຕັກນິກຂອງ ສຈ ລຽມ). "
 |
ສຈ ຫງວ໋ຽນແທັງລຽມ ຖ່າຍພາບຮ່ວມກັບ ນາຍົກລັດຖະມົນຕີ ຊິນໂຊ ອາເບະ .
ໃນປີ 1997, ສຈ ຫງວ໋ຽນແທັງລຽມ - ຜູ້ອໍານວຍການສະຖາບັນຄົ້ນຄ້ວາຈຸລັງ ແລະ ເຕັກໂນໂລຊີ Gen Vinmec ເປັນທີ່ຮູ້ທົ່ວໄປໃນວົງການການແພດສາກົນ ເປັນນັກຜ່າຕັດຄັ້ງທໍາອິດຂອງຫວຽດນາມ ຜ່າຕັດຮັກສາໂລກ ກະເພາະຂະຫຍາຍໂຕຜິດກະຕິຕັ້ງແຕ່ເກີດ. ດັ່ງນັ້ນ, ຫວຽດນາມກາຍເປັນປະເທດທໍາອິດຫນຶ່ງໃນບັນດາປະເທດ ຂອງອາຊີຕາເວັນອອກສ່ຽງໃຕ້ ເຮັດການຜ່າຕັດ ພາຍໃນ ໃຫ້ເດັກນ້ອຍ ສຳເລັດ. ໃນປີ 2002, ລາວໄດ້ຜ່າຕັດ ພາຍໃນ ຮັກສາໂລກ ກະດູກຂ້າງຫຼຸດໃຫ້ເດັກນ້ອຍສຳເລັດ.
ສຈ ຫງວ໋ຽນແທັງລຽມ ມີຜົນງານໂຄງການຄົ້ນຄວ້າວິທະຍາສາດ ໄດ້ຖືກຈັດພິມຢູ່ໃນວາລະສານ ສາກົນ, ໄດ້ຮັບການເຊື້ອເຊີນໄປສອນ ໃນຫຼາຍປະເທດ. ໃນປັດຈຸບັນ, ເຕັກນິກການຜ່າຕັດຂອງ ສຈ ຫງວ໋ຽນແທັງລຽມ ໄດ້ຖືກນໍາເຂົ້າໃຊ້ໃນບັນດາໂຮງຫມໍໃນປະເທດ ແລະຕ່າງປະເທດເຊັ່ນ: ອາເມລິກາ, ອີຕາລີ, ເນເທີແລນ, ໄທ, ອິນໂດເນເຊຍ, ຟີລິບປິນ.
 |
ຫ້ອງຜ່າຕັດທີ່ ສຈ ຫງວ໋ຽນແທັງລຽມ ເຮັດການຜ່າຕັດໃຫ້ຄົນເຈັບ.
ກ່ອນຫນ້ານີ້, ສະຫະບໍລິສັດ Nikkei Inc (ປະເທດຍີ່ປຸ່ນ) ປະກາດລາຍຊື່ຂອງບຸກຄົນທີ່ໄດ້ປະກອບສ່ວນອັນຍິ່ງໃຫຍ່ ເຂົ້າໃນການປັບປຸງຊີວິດຂອງປະຊາຊົນ ໃນທະວີບອາຊີ. ສຈ ຫງວ໋ຽນແທັງລຽມ ແມ່ນທ່ານຫມໍຫວຽດນາມຄົນທໍາອິດທີ່ໄດ້ຮັບລາງວັນ ທີ່ມີຊື່ສຽງແລະໜ້າເຊື່ອຖືດັ່ງກ່າວນີ້.
ລາງວັນ Nikkei ອາຊີໄດ້ຖືກສ້າງຕັ້ງຂຶ້ນໂດຍ ສະຫະບໍລິສັດ ໂທລະພາບອັນດັບຕົ້ນຂອງ ຂອງຍີ່ປຸ່ນ ຄື: Nikkei Inc ,ມອບລາງວັນເທື່ອທຳອິດ ແມ່ນໃນປີ 1996 ແລະຖືກຈັດຂຶ້ນໃນແຕ່ລະປີ. ລາງວັນແມ່ນມອບໃຫ້ແກ່ບຸກຄົນ ແລະ ອົງການຈັດຕັ້ງ ທີ່ປະກອບສ່ວນແລະ ອຸທິດ ເຂົ້າໃນການປັບປຸງຊີວິດການເປັນຢູ່ຂອງປະຊາຊົນ ທະວີບອາຊີໃນ 3 ຂົງເຂດຄື: ຂົງເຂດ ເສດຖະກິດ ແລະ ພັດທະນາ ທຸລະກິດ, ວິທະຍາສາດ-ເຕັກໂນໂລຊີ ແລະ ວັນນະຄະດີ.
ນັບແຕ່ປີ 1996, ຫວຽດນາມ ໄດ້ມີ 5 ຄົນແລ້ວທີ່ໄດ້ ຮັບລາງວັນ Nikkei ຄື: ຂົງເຂດເສດຖະກິດ: ທ່ານ ສຈ ວໍ໋ຕ່ອງຊົນ(2002), ທ່ານ ເຈືອງຢາບິ່ງ(2013), ທ່ານນາງ ມາຍກ່ຽວລຽນ(2015); ຂົງເຂດວັດທະນະທໍາ: ສິລະປິແຫ່ງຊາດ ດັ້ງເຢີດມິງ(1999) ແລະ ນັກຂຽນ ບ້າວນິງ(2011).
（ຫັດທະບູນ）
