| 3 ໜ້າທີ່ຈຸດສຸມຂອງ HAUFO ໃນປີ 2025 | |
| ຫວຽດນາມ - ສະຫະປະຊາຊາດເພີ່ມທະວີການຮ່ວມມືໃນການເຄື່ອນໄຫວຮັກສາສັນຕິພາບ |
ປີ 2024, ໃນສະພາບແວດລ້ອມສາກົນທີ່ເຕັມໄປດ້ວຍຄວາມສ່ຽງ, ບໍ່ສາມາດຄາດຄະເນໄດ້, ດ້ວຍການປະທະກັນທາງການທະຫານທີ່ຮ້ອນແຮງ, ສູ້ຢັນກັນຢ່າງດຸເດືອດລະຫວ່າງບັນດາປະເທດມະຫາອຳນາດ, ແຕ່ຫວຽດນາມ ຍັງຢູ່ໃນເສັ້ນທາງພັດທະນາຢ່າງໝັ້ນແກ່ນ.
ການເຕີບໂຕເສດຖະກິດຄາດຄະເນປະມານ 7%, ລື່ນກາຍຄາດໝາຍທີ່ວາງໄວ້. ຫວຽດນາມ ໄດ້ສຳເລັດຄາດໝາຍເສດຖະກິດ-ສັງຄົມ 15/15 ແລະໄດ້ຢູ່ໃນກຸ່ມປະເທດທີ່ມີລະດັບເຕີບໂຕເສດຖະກິດໄວທີ່ສຸດໃນໂລກ. ຊີວິດການເປັນຢູ່ຂອງປະຊາຊົນປົກກະຕິ ແລະໄດ້ຮັບການປັບປຸງໃຫ້ດີຂຶ້ນ. ຄວາມໝັ້ນຄົງ, ຄວາມປອດໄພທາງສັງຄົມໄດ້ຮັບການຮັກສາໄວ້.
 |
| ພາບປະກອບ: VGP |
ພາຍຫຼັງການບູລະນະຕຳແໜ່ງການນຳຫຼັກແຫຼ່ງ, ພັກ, ລັດ ໄດ້ສະແດງໃຫ້ເຫັນຄວາມຕັດສິນໃຈທາງດ້ານການເມືອງໃໝ່ ແນໃສ່ນໍາປະເທດຊາດຜ່ານຜ່າສິ່ງທ້າທາຍ, ກຳເອົາກາລະໂອກາດເພື່ອເພີ່ມຄວາມໄວໃນການພັດທະນາໃນສັງກາດບືນຕົວຂຶ້ນຂອງຊົນຊາດ. ການສຳເລັດໂຄງການ 500kV ເໜືອ-ໃຕ້ ພາຍຫຼັງກໍ່ສ້າງມາພຽງ 6 ເດືອນແມ່ນພະຍານຫຼັກຖານທີ່ຊີ້ໃຫ້ເຫັນວ່າເມື່ອເຮົາມີວິທີເຮັດທີ່ຖືກຕ້ອງ, ສາມັກຄີ, ມີຄວາມຮັບຜິດຊອບສູງນັ້ນ, ເຮົາສາມາດເຮັດສິ່ງທີ່ເໜືອທຳມະດາໄດ້.
ປັບປຸງລະບົບການເມືອງໃຫ້ກະທັດຮັດ ແລະການຫັນປ່ຽນດີຈີຕອນຢ່າງຂ້ຽວຂາດແມ່ນສອງການປະຕິວັດທີ່ພວມດຳເນີນໄປຄຽງຄູ່ກັນແນໃສ່ເພີ່ມທະວີປະສິດທິພາບ, ປະສິດທິຜົນ, ປະຕິບັດ, ລົບລ້າງມຸມທີ່ເຊື່ອງຊ້ອນເພື່ອຕ້ານການສໍ້ລາດບັງຫຼວງ, ປະກົດການຫຍໍ້ທໍ້, ຟຸ່ມເຟືອຍ. ສອງວິວັດທະນາການນັ້ນ, ສົມທົບກັບການປັບປຸງລະບອບລະບຽບການແມ່ນປັດໄຈຕັດສິນໄຊຊະນະຂອງໜ້າທີ່ພັດທະນາປະເທດໃນໄລຍະຈະມາເຖິງ.
ການປັບປຸງກົງຈັກແມ່ນໜ້າທີ່ທີ່ບໍ່ງ່າຍດາຍ, ເພາະສົ່ງຜົນສະທ້ອນເຖິງຜົນປະໂຫຍດຂອງຫຼາຍອົງການ, ຫົວໜ່ວຍ, ພະນັກງານ ແລະຜູ້ອອກແຮງງານເປັນຈຳນວນຫຼວງຫຼາຍ, ສະນັ້ນຕ້ອງເຮັດວຽກງານແນວຄິດ, ຍົກສູງຄວາມຮັບຮູ້, ເປັນຫ່ວງຕໍ່ລະບອບ, ນະໂຍບາຍໃຫ້ຜູ້ອອກແຮງງານເພື່ອສ້າງຄວາມເຫັນດີເຫັນພ້ອມ. ຄວນມີສະພາບແວດລ້ອມທີ່ສະດວກເພື່ອຊຸກຍູ້ການເຄື່ອນຍ້າຍແຮງງານຈາກພາກລັດ ໄປສູ່ຂົງເຂດອື່ນ.
ກອງທັບປະຊາຊົນຫວຽດນາມ ວິລະຊົນ ສ້າງຕັ້ງມາໄດ້ 80 ປີພໍດີ. ບໍ່ວ່າຈະຢູ່ໃນເງື່ອນໄຂຫຼືສະພາບການໃດ, ກອງທັບຫວຽດນາມ ຍາມໃດກໍ່ແມ່ນກຳລັງການເມືອງ, ກຳລັງຕໍ່ສູ້ຈົ່ງຮັກພັກດີ, ໄວ້ເນື້ອເຊື່ອໃຈຂອງພັກ, ລັດ ແລະປະຊາຊົນ, ແມ່ນບ່ອນອີງອັນໝັ້ນແກ່ນຂອງປະຊາຊົນໃນຍາມທີ່ອັນຕະລາຍ ແລະປະສົບກັບຄວາມຫຍຸ້ງຍາກ. ເອກອ້າງທະນົງໃຈຕໍ່ມູນເຊື້ອຂອງກອງທັບວິລະຊົນ, ພະນັກງານ, ນັກຮົບແຕ່ລະຄົນຍັງມານະພະຍາຍາມຝຶກຝົນຫຼໍ່ຫຼອມ, ເຮັດວຽກ, ອຸທິດຕົນເພື່ອປະກອບສ່ວນກໍ່ສ້າງກອງທັບປະຊາຊົນປະຕິວັດ, ລະບຽບແບບແຜນ, ຍອດຢ້ຽມ, ທັນສະໄໝ, ມີການຈັດຕັ້ງກໍາລັງທີ່ກະທັດຮັດ, ຍອດຢ້ຽມ, ເຂັ້ມແຂງ, ເສີມຂະຫຍາຍມູນເຊື້ອອັນສູງສົ່ງຂອງທະຫານລຸງໂຮ່, ປະກອບສ່ວນຢ່າງຕັ້ງໜ້າເຂົ້າໃນກິດຈະການສ້າງສາ ແລະປົກປັກຮັກສາປະເທດຊາດ.
ປີ 2025 ແມ່ນປີແຫ່ງການຜັນຂະຫຍາຍບັນດາໜ້າທີ່, ເປົ້າໝາຍ ແລະຄາດໝາຍຂອງກອງປະຊຸມໃຫຍ່ຄັ້ງທີ XIII ຂອງພັກ. ສະນັ້ນ, ນັບແຕ່ຕົ້ນປີມານີ້, ພະນັກງານ, ສະມາຊິກພັກແຕ່ລະຄົນຄວນສຸມໃສ່, ມານະພະຍາຍາມ, ຍູ້ໄວຄວາມຄືບໜ້າວຽກງານເພື່ອໃຫ້ບັນດາລາຍການ, ໂຄງການ, ກິດຈະກໍາ, ໄດ້ນຳເຂົ້າຮັບໃຊ້ການພັດທະນາເສດຖະກິດ, ນຳເອົາຜົນປະໂຫຍດແທດຈິງມາໃຫ້ປະຊາຊົນ. ເຖິງວ່າຍັງປະສົບກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ພວກຂ້າພະເຈົ້າ ເຊື່ອໝັ້ນວ່າປະເທດຈະເພີ່ມຄວາມໄວໃນການພັດທະນາ ແລະບັນລຸໄດ້ບັນດາເປົ້າໝາຍໃຫຍ່ທີ່ໄດ້ວາງອອກ.
 | ເພີ່ມທະວີການຮ່ວມມືລະຫວ່າງແຂວງກອນຕູມ ກັບແຂວງອັດຕະປື ແລະແຂວງເຊກອງ ຍສໝ - ຕອນເຊົ້າວັນທີ 12 ທັນວາ, ຢູ່ນະຄອນກອນຕູມ, ຄະນະກຳມະການປະຊາຊົນແຂວງກອນຕູມ ແລະອຳນາດການປົກຄອງແຂວງອັດຕະປື ແລະເຊກອງ ໄດ້ຈັດພິທີປະເມີນຜົນບົດບັນທຶກຊ່ວຍຈໍາກ່ຽວກັບການຮ່ວມມືລະຫວ່າງຄະນະກຳມະການປະຊາຊົນແຂວງ ແລະອຳນາດການປົກຄອງສອງແຂວງຂອງລາວ ໃນໄລຍະ 2022-2027. |
 | ເພີ່ມພູນຄູນສ້າງສາຍພົວພັນ ຫວຽດນາມ-ລາວ ໃຫ້ນັບມື້ນັບພັດທະນາ ຍສໝ - ໂດຍໄດ້ຮັບຄໍາເຊີນຂອງສະຫາຍ ທອງສະລິດ ມັງໜໍ່ເມກ, ເລຂາທິການສູນກາງພັກ, ຫົວໜ້າຫ້ອງວ່າສູນກາງພັກປະຊາຊົນປະຕິວັດລາວ, ສະຫາຍ ຫງວຽນຢຸຍງອັກ, ເລຂາທິການສູນກາງພັກ, ຫົວໜ້າຫ້ອງວ່າສູນກາງພັກກອມມູນິດຫວຽດນາມ ໄດ້ໄປຢ້ຽມຢາມ ແລະເຮັດວຽກຢູ່ ລາວ ໃນລະຫວ່າງວັນທີ 10-11 ທັນວາ. |
ບູນມີ
