 | VUFO ຕ້ອນຮັບຄະນະຜູ້ແທນສູນຝຶກອົບຮົມອາສາສະໝັກຂອງສັງຄະສະມາຄົມ ໝັ້ກມົນ |
| ປະທານປະທານ VUFO ຟານແອງເຊີນ ໄດ້ຕ້ອນຮັບການນຳສະມາຄົມແລກປ່ຽນສາກົນຈີນ |
ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສັງຄົມນິຍົມ ຫວຽດນາມ: ຈົ່ງໜູນຊ່ວຍປະສົບການໃຫ້ພວກຂ້າພະເຈົ້າ
 |
| ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສັງຄົມນິຍົມ ຫວຽດນາມ |
ຕະຫຼອດໄລຍະຜ່ານມາ, VUFO ໄດ້ສົມທົບກັນຢ່າງຕັ້ງໜ້າກັບບັນດາຄູ່ຮ່ວມມືຂອງລາວ ໃນການຮ່ວມມືສອງຝ່າຍ ກໍ່ຄືໃນເວທີປາໄສ ແລະ ກົນໄກຫຼາຍຝ່າຍ. ໃນເດືອນ ມີນາ 2024, ພວກຂາ້ພະເຈົ້າໄດ້ມີການພົບປະກັບທ່ານປະທານ VUFO ຟານແອງເຊີນ ເພື່ອປຶກສາຫາລືບັນດາມາດຕະການຊຸກຍູ້ການຮ່ວມມື ແລະ ແລກປ່ຽນປະຊາຊົນລະຫວ່າງ 2 ປະເທດຢ່າງແທດຈິງ ແລະ ມີປະສິດທິຜົນ.
ຂ້າພະເຈົ້າໄດ້ຕີລາຄາສູງບັນດາການປະກອບສ່ວນຂອງ VUFO, ສະມາຄົມມິດຕະພາບ ຫວຽດນາມ - ລາວ ໃນການເພີ່ມທະວີການແລກປ່ຽນ ແລະ ການຮ່ວມມືລະຫວ່າງປະຊາຊົນສອງປະເທດ. ພວກຂ້າພະເຈົ້າ ຈະສືບຕໍ່ສົມທົບກັນຢ່າງແໜ້ນແຟ້ນກັບ VUFO ແລະ ສະມາຄົມມິດຕະພາບ ຫວຽດນາມ - ລາວ ຈາກສູນກາງລົງຮອດທ້ອງຖິ່ນ ເພື່ອຜັນຂະຫຍາຍບັນດາການເຄື່ອນໄຫວຢ່າງແທດຈິງ, ປະກອບສ່ວນເຂົ້າໃນການປັບປຸງການພົວພັນສາມັກຄີແບບພິເສດລະຫວ່າງປະຊາຊົນສອງຊາດ ຫວຽດນາມ - ລາວ.
ປີ 2025 ແມ່ນຂີດໝາຍ 50 ປີແຫ່ງວັນສ້າງຕັ້ງສະມາຄົມມິດຕະພາບ ຫວຽດນາມ - ລາວ ແລະ ສະມາຄົມມິດຕະພາບ ລາວ - ຫວຽດນາມ, ສະຖານທູດລາວ ປະຈຳ ຫວຽດນາມ ປາດຖະໜາຢາກສົມທົບກັນຢ່າງແໜ້ນແຟ້ນກັບສະມາຄົມມິດຕະພາບ ຫວຽດນາມ - ລາວ ແລະ ສະມາຄົມມິດຕະພາບ ລາວ - ຫວຽດນາມ ເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງທີ່ມີຄວາມໝາຍ, ປະກອບສ່ວນຮັດແໜ້ນສາຍພົວພັນແບບພິເສດລະຫວ່າງ 2 ປະເທດ.
ພິເສດ, ພວກຂາ້ພະເຈົ້າຫວັງວ່າ VUFO ຈະແບ່ງປັນປະສົບການໃນການຈັດຕັ້ງ, ພັດທະນາ ແລະ ຄົ້ນຄວ້າບັນດາການເຄື່ອນໄຫວທາງການທູດປະຊາຊົນ.
ຂ້າພະເຈົ້າຫວັງວ່າ ໃນໄລຍະຈະມາເຖິງ, 2 ຝ່າຍຈະສືບຕໍ່ຊຸກຍູ້ບັນດາການເຄື່ອນໄຫວພົບປະແລກປ່ຽນ, ໂຄສະນາຂອງປະຊາຊົນສອງປະເທດ, ພິເສດແມ່ນລຸ້ນໜຸ່ມກ່ຽວກັບຮີດຄອງປະເພນີອັນລ້ຳຄ່າ, ສາຍພົວພັນທີ່ມີໜຶ່ງບໍ່ມີສອງ ຫວຽດນາມ - ລາວ.
ທ່ານເອກອັກຄະລັດຖະທູດຜູ້ມີອຳນາດເຕັມ ສາທາລະນະລັດ ອິນເດຍ ປະຈຳ ສາທາລະນະລັດ ສັງຄົມນິຍົມ ຫວຽດນາມ Sandeep Arya:
ຍັງມີຫຼາຍພື້ນທີ່ເພື່ອພັດທະນາມິດຕະພາບລະຫວ່າງປະຊາຊົນສອງປະເທດ.
 |
| ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ອິນເດຍ ປະຈຳ ສາທາລະນະລັດ ສັງຄົມນິຍົມ ຫວຽດນາມ Sandeep Arya |
ການພົວພັນລະຫວ່າງປະຊາຊົນ ແລະ ສະໜິດສະໜົມລະຫວ່າງ ອິນເດຍ ແລະ ຫວຽດນາມ ແມ່ນຈຸດພົ້ນເດັ່ນຂອງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ.
ປີ 2024, ອິນເດຍ ແລະ ຫວຽດນາມ ໄດ້ຊຸກຍູ້ການພົບປະແລກປ່ຽນປະຊາຊົນ ໂດຍຜ່ານບັນດາການເຄື່ອນໄຫວແລກປ່ຽນວັດທະນະທຳ, yoga, ງານມະໂຫລານຮູບເງົາ, ລາຍການໂທລະພາບ ແລະ ເປີດກວ້າງການທ່ອງທ່ຽວລະຫວ່າງສອງປະເທດ. ການເພີ່ມທະວີບັນດາຖ້ຽວບິນກົງ ແລະ ການເຕີບໂຕທີ່ໜ້າປະທັບໃຈໃນການທ່ອງທ່ຽວສອງສົ້ນ ໄດ້ສະແດງໃຫ້ເຫັນຄວາມສົນໃຈ ແລະ ການແລກປ່ຽນລະຫວ່າງປະຊາຊົນສອງປະເທດ. 45 ແຂວງ, ນະຄອນໃນທົ່ວປະເທດຫວຽດນາມ ໄດ້ຈັດຕັ້ງບັນດາເຫດການພິເສດເພື່ອສະເຫຼີມສະຫຼອງວັນ Yoga ສາກົນ ຄັ້ງທີ 10 ປີ 2024. ຫຼາຍຄະນະສິລະປະວັດທະນະທຳຂອງອິນເດຍ ໄດ້ໄປສະແດງຢູ່ 10 ແຂວງ, ນະຄອນຂອງຫວຽດນາມ ໃນຊຸມປີມໍ່ໆມານີ້. ຄະນະສິລະປະຫວຽດນາມ ຫຼາຍຄະນະກໍ່ສະແດງຢູ່ເຂດຕ່າງໆຂອງອິນເດຍ. ຈຳນວນນັກທ່ອງທຽວຫວຽດນາມ ໄປນະມັດສະການບັນດາມໍລະດົກພຸດທະສາສະໜາຢູ່ ອິນເດຍ ນັບມື້ນັບເພີ່ມຂຶ້ນ ແລະ ການເພີ່ມທະວີການແລກປ່ຽນນັກສຶກສາໃນສອງສົ້ນສະແດງໃຫ້ເຫັນວ່າ ຄວາມດຶງດູດຂອງປະຊາຊົນສອງປະເທດແມ່ນມີຄວາມຍືນຍົງທີ່ສຸດ. ແຕ່ລະປີ, ມີທຶນການສຶກສາໃຫ້ບັນດານັກສຶກສາ, ພະນັກງານ, ນັກຊ່ຽວຊານຫວຽດນາມ ໄປຮຽນຢູ່ອິນເດຍ ປະມານ 200 ທຶນ.
ຂ້າພະເຈົ້າຢາກກ່າວຕື່ມກ່ຽວກັບບາດກ້າວພັດທະນາທີ່ຫນ້າສົນໃຈໃນໄລຍະຜ່ານມາ ແມ່ນການຜະລິດຮູບເງົາທີ່ຮ່ວມມືລະຫວ່າງອິນເດຍ ແລະ ຫວຽດນາມ ເອີ້ນວ່າ "Love in Vietnam" (ແປວ່າ: ຄວາມຮັກໃນຫວຽດນາມ) ໃນເດືອນກັນຍາ 2024. ພວກຂ້າພະເຈົ້າ ໄດ້ຈັດຕັ້ງງານມະໂຫລານຮູບເງົາອິນເດຍ ຢູ່ຮ່າໂນ້ຍ ໃນຕົ້ນເດືອນມັງກອນ 2025 ເພື່ອແນະນຳຮູບເງົາອິນເດຍ ທີ່ມີຊື່ສຽງຈຳນວນໜຶ່ງໃຫ້ຜູ້ຊົມຫວຽດນາມ. ພວກຂ້າພະເຈົ້າເຊື່ອໝັ້ນວ່າ ສິ່ງດັ່ງກ່າວຈະເພີ່ມທະວີການແລກປ່ຽນປະຊາຊົນລະຫວ່າງສອງປະເທດ.
ຫວ່າງມໍ່ໆມານີ້, ອົງການຄົ້ນຄວ້າວັດຖຸບູຮານອິນເດຍ ແລະ ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ລົງນາມໃນສັນຍາ ເພື່ອເລີ່ມດຳເນີນການເຄື່ອນໄຫວໃນໄລຍະຕໍ່ໄປໃນການຟື້ນຟູ ແລະ ອະນຸລັກຮັກສາມໍລະດົກໂລກ ໝີເຊີນ ຢູ່ແຂວງ ກວາງນາມ (ຫວຽດນາມ), ຄາດວ່າ ຈະໄດ້ຮັບການຜັນຂະຫຍາຍໃນປີ 2025 (ໃນປີ 2022, ພວກຂ້າພະເຈົ້າ ໄດ້ສໍາເລັດວຽກງານຟື້ນຟູຂອງກຸ່ມທາດພຣະວິຫານ A, H ແລະ K ຢູ່ ໝີເຊີນ).
ພວກຂ້າພະເຈົ້າ ໄດ້ຕີລາຄາສູງບົດບາດຂອງ VUFO ແລະ ເຄືອຂ່າຍທີ່ກວ້າງຂວາງຂອງບັນດາອົງການມິດຕະພາບໃນການເພີ່ມພູນຄູນສ້າງສາຍພົວພັນພົບປະແລກປ່ຽນປະຊາຊົນລະຫວ່າງ ອິນເດຍ ແລະ ຫວຽດນາມ ໃຫ້ເລິກເຊິ່ງກ່ວາອີກ.
ຂ້າພະເຈົ້າຮູ້ສຶກວ່າ ບັນດາຂົງເຂດທີ່ໄດ້ຮັບຄວາມສົນໃຈຈາກມະຫາຊົນຄື: yoga, ຮູບເງົາ, ດົນຕີ, ກິລາ, ນະມັດສະການ ແລະ ການສຶກສາ ສາມາດໄດ້ເປີດກ້ວາງຕື່ມອີກ ເພື່ອເຊື່ອມຕໍ່ປະຊາຊົນສອງປະເທດ. ບັນດາການເຄື່ອນໄຫວຂອງໄວໜຸ່ມທີ່ມີຄວາມກະຕືລືລົ້ນ ແລະ ຄວາມມຸ່ງມາດປາດຖະໜາຂອງ 2 ປະເທດ ອາດສາມາດຊຸກຍູ້ໂດຍຜ່ານບັນດາໂຮງຮຽນ ແລະ ມະຫາວິທະຍາໄລ ເຊິ່ງໄດ້ນຳມາເຊິ່ງຄວາມຟົດຟື້ນໃຫ້ແກ່ການພົວພັນປະຊາຊົນລະຫວ່າງ ອິນເດຍ ແລະ ຫວຽດນາມ ຫຼາຍກວ່າອີກ.
ການເພີ່ມທະວີຄວາມຮັບຮູ້ກ່ຽວກັບຄວາມຄື້າຍຄືກັນໃນດ້ານຮີດຄອງປະເພນີ ແລະ ຄວາມເຊື່ອຖື ເຊັ່ນ: ການນຳໃຊ້ປະຕິທິນຈັນທະຄະຕິ, ການໄຫວ້ອາໄລບັນພະບຸລຸດ, ເທວະດາຟ້າແຖນ (ເຈົ້າເຕົາ, ພະແມ່...) ແລະ ຄຸນຄ່າລວມ, ສາມາດເພີ່ມທະວີການພົວພັນລະຫວ່າງປະຊາຊົນສອງປະເທດ. ຄວາມຮູ້ອັນເລິກເຊິ່ງກວ້າງຂວາງກ່ຽວກັບຢາພື້ນເມືອງ ແລະ ການນຳໃຊ້ຢາສະໝູນໄພໃນການຮັກສາສຸຂະພາບ ກໍ່ຈະເປັນການດຶງດູດຄວາມສົນໃຈຂອງປະຊາຊົນ.
ກ້າວເຂົ້າສູ່ປີ 2025, ພວກຂາ້ພະເຈົ້ານຳເອົາຄວາມສົນໃຈ ແລະ ຄວາມກະຕືລືລົ້ນ ເພື່ອແນໃສ່ເພີ່ມທະວີການຮ່ວມມືກັບ VUFO, ປະກອບສ່ວນເຮັດໃຫ້ປະຊາຊົນສອງປະເທດມີຄວາມສະໜິດແໜ້ນກວ່າ. ຂໍອວຍພອນປີໃໝ່ 2025 ໃຫ້ມີຄວາມສຸກ, ຈະເລີນຮຸ່ງເຮືອງ ແລະ ຈະເລີນກ້າວໜ້າ!
ທ່ານ Harchand Singh, ເລຂາທິການໃຫຍ່ອົງການສັນຕິພາບ ແລະ ຄວາມສາມັກຄີທົ່ວອິນເດຍ (AIPSO):
ສາຍພົວພັນຮ່ວມມືລະຫວ່າງ AIPSO ແລະ VUFO ແມ່ນພື້ນຖານທີ່ສໍາຄັນເພື່ອຊຸກຍູ້ບັນດາເປົ້າໝາຍລວມ.
ຂ້າພະເຈົ້າຂໍສະແດງຄວາມຂອບອົກຂອບໃຈຕໍ່ VUFO ແລະ ສະມາຄົມມິດຕະພາບ ຫວຽດນາມ - ອິນເດຍ (VIFA) ທີ່ໄດ້ຈັດຕັ້ງມະໂຫລານມິດຕະພາບປະຊາຊົນ ຫວຽດນາມ - ອິນເດຍ ຄັ້ງທີ 12.
 |
| ທ່ານ Harchand Singh, ເລຂາທິການໃຫຍ່ອົງການສັນຕິພາບ ແລະ ຄວາມສາມັກຄີທົ່ວອິນເດຍ (AIPSO) |
ງານມະໂຫລານມິດຕະພາບປະຊາຊົນ ຫວຽດນາມ - ອິນເດຍ ຄັ້ງທີ 12 ບໍ່ພຽງແຕ່ແມ່ນເຫດການພົບປະແລກປ່ຽນວັດທະນະທຳ, ສິລະປະເທົ່ານັ້ນ, ແຕ່ຍັງເປັນການຢືນຢັນຄືນໃໝ່ກ່ຽວກັບສາຍພົວພັນປະຫວັດສາດ, ວັດທະນະທຳ, ການປະຕິວັດທີ່ຜູກພັນ 2 ປະເທດພວກເຮົາລະຫວ່າງ VUFO ແລະ VIFA ກັບ AIPSO.
ງານມະໂຫລານແມ່ນໂອກາດເພື່ອໃຫ້ພວກເຮົາ ເຊີດຊູມໍລະດົກລວມ, ເຊື່ອມໂຍງດ້ານສິລະປະ, ດົນຕີ ແລະ ວັນນະຄະດີທີ່ໄດ້ເຕົ້າໂຮມຜູກພັນປະຊາຊົນຂອງສອງປະເທດມາເປັນເວລາຫຼາຍສັດຕະວັດແລ້ວ; ເຕືອນໃຫ້ພວກເຮົາກ່ຽວກັບກຳລັງແຮງການທູດວັດທະນະທຳໃນການນຳປະຊາຊົນເຂົ້າໃກ້ກັນກວ່າ, ທຳລາຍສິ່ງກີດຂວາງ, ຊຸກຍູ້ຄວາມເຂົ້າໃຈ ແລະ ການຮ່ວມມື.
AIPSO ໃຫ້ຄຳໝັ້ນສັນຍາຈະສືບຕໍ່ຊຸກຍູ້ຄຸນຄ່າເຫຼົ່ານີ້ຢ່າງແຮງ. ພວກຂ້າພະເຈົ້າຖືສາຍພົວພັນຮ່ວມມືລະຫວ່າງ AIPSO ກັບ VUFO, VIFA ເປັນພື້ນຖານທີ່ສໍາຄັນ ເພື່ອຊຸກຍູ້ບັນດາເປົ້າຫມາຍລວມ. ພ້ອມກັນ, ພວກເຮົາກໍ່ຈະພະຍາຍາມຍຶດໝັ້ນຫຼັກການອະທິປະໄຕ, ສະເໝີພາບ ແລະ ຍຸຕິທຳໃນການພົວພັນສາກົນ.
ຄຸນພໍ່ Bob Roberts, ປະທານສະຖາບັນຮ່ວມສຳພັນທົ່ວໂລກ (IGE/ ອາເມລິກາ):
VUFO ແມ່ນຂົວຕໍ່ທີ່ດີເພື່ອໃຫ້ບັນດາຄຸນພໍ່, ໂບດ ຫວຽດນາມ - ອາເມລິກາ ແລກປ່ຽນ ແລະ ຮ່ວມມື.
 |
| ຄຸນພໍ່ Bob Roberts, ປະທານສະຖາບັນຮ່ວມສຳພັນທົ່ວໂລກ (IGE/ ອາເມລິກາ) |
ຂ້າພະເຈົ້າ ໃນຖານະເປັນປະທານຂອງ IGE ໄດ້ປີເຄິ່ງແລ້ວ, ແຕ່ຂ້າພະເຈົ້າໄດ້ມີການຕິດພັນກັບອົງການນີ້ຕັ້ງແຕ່ຕົ້ນປີ 2000. ຂ້າພະເຈົ້າ ໄດ້ເປັນພະຍານພິທີລົງນາມໃນບົດບັນທຶກຊ່ວຍຈຳ (MOU) ການຮ່ວມມືລະຫວ່າງ IGE ແລະ ສະມາຄົມ ຫວຽດນາມ - ອາເມລິກາ (ອົງການສະມາຊິກ VUFO) ເປັນຄັ້ງທຳອິດໃນເດືອນກັນຍາ 2006.
ພວກຂ້າພະເຈົ້າບໍ່ພຽງແຕ່ເປັນຄູ່ຮ່ວມມືເພື່ອພ້ອມກັນແກ້ໄຂບັນດາບັນຫາສຳຄັນ ແຕ່ຍັງເປັນເພື່ອນມິດທີ່ສະໜິດຕິດພັນ, ສ້າງການພວມພັນທີ່ຜູກພັນບົນພື້ນຖານຄວາມໄວ້ເນື້ອເຊື່ອໃຈ ແລະ ເຄົາລົບເຊິ່ງກັນ ແລະ ກັນ. ສິ່ງນີ້ເຮັດໃຫ້ພວກຂ້າພະເຈົ້າເຂົ້າໃຈກ່ຽວກັບບັນດາການລົງຕົວຈິງ ແລະ ຄວາມມານະພະຍາຍາມເຊິ່ງພວກເພື່ອນໄດ້ປະຕິບັດໃນຂົງເຂດສາສະໜາຫຼາຍກວ່າອີກ.
ການເຄື່ອນໄຫວຂອງ IGE ຢູ່ ຫວຽດນາມ ໄດ້ກາຍເປັນຮູບແບບ ເພື່ອໃຫ້ພວກຂ້າພະເຈົ້ານຳໃຊ້ຢູ່ຫຼາຍປະເທດເຊັ່ນ: Uzbekistan, Kazakhstan, Azerbaijan, Sudan, Pakistan… ຫວຽດນາມ ບໍ່ພຽງແຕ່ແມ່ນສະຖານທີ່ IGE ສະໜັບສະໜູນການສົ່ງເສີມເສລີພາບທາງສາສະໜາເທົ່ານັ້ນ ຫາກຍັງຖອດຖອນບົດຮຽນອັນລ້ຳຄ່າຫຼາຍຢ່າງເພື່ອແລກປ່ຽນກັບປະເທດອື່ນໆໃນທົ່ວໂລກ. ສິ່ງນັ້ນສຸດຍອດທີ່ສຸດ!
ພວກຂ້າພະເຈົ້າຫາກໍ່ໄດ້ລົງນາມໃນບົດບັນທຶກຊ່ວຍຈຳຄັ້ງທີ 3 (ໄລຍະ 2023 – 2028) ໃນເດືອນພະຈິກ 2023, ເຊິ່ງໄດ້ເປີດກວ້າງແຜນການຮ່ວມມືທີ່ມີທ່າແຮງ. ນອກຈາກສິດເສລີພາບທາງສາສະຫນາແລ້ວ, ພວກເຮົາຍັງສຸມໃສ່ລັກສະນະຄວາມຮັບຜິດຊອບທາງສາສະຫນາ, ໂດຍຜ່ານການປະຕິບັດບັນດາໂຄງການຊຸມຊົນທີ່ມີຄວາມຫມາຍແທດຈິງ.
ໃນຂອບເຂດຂອງບົດບັນທຶກຊ່ວຍຈຳທີ່ໄດ້ລົງນາມລະຫວ່າງ VUFO ແລະ IGE, ຄະນະຄຸນພໍ່ ໂປເຕັດສະຕັງ ສາກົນ ໄດ້ມາຢ້ຽມຢາມຫວຽດນາມ ແຕ່ວັນທີ 1-6 ທັນວາ 2024. ທີ່ນີ້ ພວກຂາ້ພະເຈົ້າໄດ້ໄປຢ້ຽມຢາມສູນຟື້ນຟູທີ່ດໍາເນີນຮ່າງກາຍ ໂດຍບັນດາໂບດ ຄຸ້ມຄອງ ແລະ ຫນູນຊ່ວຍຜູ້ຕິດຢາເສບຕິດ. ໃນໄລຍະຈະມາເຖິງ, ພວກຂ້າພະເຈົ້າຫວັງວ່າຈະເພີ່ມທະວີການຮ່ວມມືກັບບັນດາອົງການດັ່ງກ່າວ ແລະ ຊຸກຍູ້ການພົວພັນ ແລະ ການແລກປ່ຽນລະຫວ່າງບັນດາຄຸນພໍ່, ໂບດ, ການນຳລັດຖະບານ, ແລະ ບັນດາປະຊາຄົມຢູ່ ຫວຽດນາມ ແລະ ອາເມລິກາ.
ຂ້າພະເຈົ້າຫວັງວ່າ ຜ່ານບັນດາໂຄງການຮ່ວມມື ແລະ ແລກປ່ຽນຄະນະຜູ້ແທນ, ການພົວພັນລະຫວ່າງສອງປະເທດຈະນັບມື້ນັບແໜ້ນແຟ້ນ ແລະ ພັດທະນາຢ່າງເລິກເຊິ່ງ, ສ້າງບັນດາຄຸນຄ່າທີ່ມີຄວາມໝາຍ ແລະ ຍາວນານ.
ທ່ານນາງ ວູຖູກເຫ້ວ, ອະດີດພະນັກງານການແພດຂອງໂຮງໝໍ ນານສີສານ, ເມືອງ ກຸ້ຍຫຼິນ, ແຂວງ ກວາງຊີ, ປະເທດຈີນ:
ຍ້ອນ VUFO ຂາ້ພະເຈົ້າໄດ້ຫວນຄືນວັນແຫ່ງຄວາມສຸກກັບຫວຽດນາມ
 |
| ທ່ານນາງ ວູຖູກເຫ້ວ, ອະດີດພະນັກງານການແພດຂອງໂຮງໝໍ ນານສີສານ, ເມືອງ ກຸ້ຍຫຼິນ, ແຂວງ ກວາງຊີ, ປະເທດຈີນ |
ຂ້າພະເຈົ້າມີຄວາມປະທັບໃຈຢ່າງເລິກເຊິ່ງຕໍ່ການຢ້ຽມຢາມຫວຽດນາມ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ ໂດຍ VUFO ຈັດຕັ້ງໃນເດືອນພຶດສະພາ 2024. ຂ້າພະເຈົ້າບໍ່ພຽງແຕ່ໄດ້ຊອກຮູ້ກ່ຽວກັບວິລະຊົນປະຫວັດສາດຂອງຊາວຫວຽດນາມ ເທົ່ານັ້ນ, ຫາກຍັງໄດ້ຮູ້ເຖິງການພັດທະນາຢ່າງແຮງ ແລະ ສີວິໄລຂອງປະເທດຊາດໃນທຸກວັນນີ້. ບັນດາເຈົ້າໜ້າທີ່ VUFO ໄດ້ຮ່ວມເດີນທາງ ແລະ ເບິ່ງແຍງຢ່າງສຸດຈິດສຸດໃຈນຳບັນດາສະມາຊິກຄະນະຜູ້ແທນ ແລະ ໄດ້ອະທິບາຍບັນດາເລື່ອງລາວໃນປະຫວັດສາດຢ່າງລະອຽດ. ການເຊື່ອມຕໍ່ນີ້ບໍ່ພຽງແຕ່ສະແດງໃຫ້ເຫັນຜ່ານການຢ້ຽມຢາມ ແລະ ເຫດການສະເຫຼີມສະຫຼອງເທົ່ານັ້ນ ຫາກຍັງຜ່ານການສົ່ງເສີມບັນດາຄຸນຄ່າປະຫວັດສາດ, ຊ່ວຍໃຫ້ລຸ້ນໜຸ່ມເຂົ້າໃຈ ແລະ ຕີລາຄາສູງສາຍພົວພັນແບບພິເສດຫວຽດນາມ - ຈີນ. ສິ່ງດັ່ງກ່າວສະແດງໃຫ້ເຫັນບົດບາດຂອງ VUFO ໃນການເປັນຂົວຕໍ່, ບໍ່ພຽງແຕ່ລະຫວ່າງລຸ້ນຄົນເທົ່ານັ້ນ, ແຕ່ຍັງລະຫວ່າງວັດທະນະທຳອີກດ້ວຍ.
ວັນທີ 28 ມິຖຸນາ 2023, ເນື່ອງໃນໂອກາດມາຢ້ຽມຢາມຈີນ ຢ່າງເປັນທາງການ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະແດງຄວາມຮູ້ສຶກຕື້ນຕັນໃຈຕໍ່ບັນດາການເຄື່ອນໄຫວຂອງໂຮງໝໍ ນານສີສານ ແລະ ຄວາມຮັກແພງອັນເລິກເຊິ່ງທີ່ບັນດາທ່ານໝໍ, ພະຍາບານມີຕໍ່ທະຫານຜູ້ບາດເຈັບຫວຽດນາມ. ທ່ານນາຍົກລັດຖະມົນຕີ ຮຽກຮ້ອງໃຫ້ພວກຂ້າພະເຈົ້າສົມທົບກັບ VUFO ເພື່ອເຜີຍແຜ່ບັນດາເລື່ອງລາວນີ້ໃຫ້ລຸ້ນໜຸ່ມ. ຂ້າພະເຈົ້າຫວັງວ່າ VUFO ຈະສືບຕໍ່ມີບົດບາດເປັນຂົວຕໍ່ລະຫວ່າງບັນດາລຸ້ນຄົນ, ໂດຍສະເພາະແມ່ນການເຜີຍແຜ່ບັນດາເລື່ອງເລົ່າປະຫວັດສາດ ແລະ ຄວາມຊົງຈຳທີ່ໜ້າຈົດຈຳເຊັ່ນ: ການເຄື່ອນໄຫວຂອງໂຮງໝໍ ນານສີສານ. ສິ່ງດັ່ງກ່າວບໍ່ພຽງແຕ່ຊ່ວຍໃຫ້ລຸ້ນໜຸ່ມມີຄວາມເຂົ້າໃຈໃນອະດີດເທົ່ານັ້ນ, ຫາກຍັງສ້າງກາລະໂອກາດໃຫ້ແກ່ການເຊື່ອມໂຍງເຂົ້າກັບເພື່ອນມິດສາກົນຢ່າງແໜ້ນແຟ້ນກວ່າອີກ, ຊຸກຍູ້ການພົວພັນແລກປ່ຽນວັດທະນະທຳລະຫວ່າງຫວຽດນາມ ແລະ ຕ່າງປະເທດຢ່າງເລິກເຊິ່ງກ່ວາອີກ. ຂອບໃຈ VUFO ຂ້າພະເຈົ້າສາມາດຫວນຄືນມື້ທີ່ມີຄວາມສຸກກັບເພື່ອນຫວຽດນາມ.
| ການເຄື່ອນໄຫວຂອງຄະນະຄຸນພໍ່ ໂປເຕັດສະຕັງ ສາກົນ ຢູ່ ຫວຽດນາມ ແມ່ນຂໍ້ລິເລີ່ມໂດຍ VUFO ສົມທົບກັບ IGE ໃນຂອບເຂດຂອງ MOU ທີ່ສອງຝ່າຍໄດ້ລົງນາມ. ການຕ້ອນຮັບ ແລະ ການຈັດຕັ້ງການຢ້ຽມຢາມຂອງຄະນະຜູ້ແທນຄຸນພໍ່ ໂປເຕັດສະຕັງ ສາກົນ ປີ 2024 ສວມບົດບາດສຳຄັນໃນການຊຸກຍູ້ ແລະ ຮັດແໜ້ນມິດຕະພາບລະຫວ່າງບັນດາປະເທດ ແລະ ລະຫວ່າງບັນດາອົງການສາສະໜາຢູ່ບັນດາປະເທດ ແລະ ຫວຽດນາມ. ຜ່ານນັ້ນ, ກໍ່ປະກອບສ່ວນຊ່ວຍບັນດາຜູ້ມີຍົດສັກຕຳແໜ່ງສາສະໜາໃນທົ່ວໂລກ ເປັນສັກຂີພິຍານກ່ຽວກັບບັນດາຜົນງານການພັດທະນາຂອງຫວຽດນາມ ໂດຍກົງ; ມີຂໍ້ມູນຂ່າວສານທີ່ເປັນຈິງ ແລະ ພາວະສິໄສກ່ຽວກັບສະພາບການສາສະໜາຕື່ມອີກ ແລະ ຮັບປະກັນສິດເສລີພາບທາງສາສະໜາຢູ່ ຫວຽດນາມ. |
 | “ປະທານ VUFO ຕ້ອນຮັບທ່ານເອກອັກຄະລັດຖະທູດ ເວເນຊູເອລາ ປະຈຳ ຫວຽດນາມ” ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Juan Carlos Fernandes Juarez, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ເວເນຊູເອລາ ປະຈຳ ຫວຽດນາມ ໃນວັນທີ 26 ພະຈິກ ຢູ່ຮ່າໂນ້ຍ. |
 | ເພີ່ມທະວີການສົມທົບກັນລະຫວ່າງ VUFO ແລະ ບັນດາອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ຍສໝ - ນີ້ແມ່ນເນື້ອໃນແລກປ່ຽນຕົ້ນຕໍທີ່ການພົບປະ ແລະ ເຮັດວຽກກັບຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ອາຍຸການ 2025-2028 ໂດຍສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງໃນວັນທີ 22 ພະຈິກ ຢູ່ ຮ່າໂນ້ຍ. |
ມີງດຶກ
