ຍສໝ - ເນື່ອງໃນໂອກາດສະເຫຼີມສະຫຼອງ 80 ປີ ແຫ່ງວັນສ້າງຕັ້ງ ກອງທັບປະຊາຊົນຫວຽດນາມ, 35 ປີແຫ່ງວັນບຸນທົ່ວປວງຊົນປ້ອງກັນຊາດ, ຕອນເຊົ້າວັນທີ 11 ທັນວາ, ຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງການໄປຖະຫວາຍດອກໄມ້, ທູບທຽນອາໄລຫາພົນເອກ ຫວໍງວຽນຢາບ ແລະນັກຮົບກອງທະຫານໂຄສະນາປົດປ່ອຍຫວຽດນາມ 34 ຄົນ ຢູ່ເຂດປູສະນີຍະສະຖານແຫ່ງຊາດພິເສດປ່າເຈິ່ນຮືງດ້າວ, ຕາແສງ ຕາມກີມ, ເມືອງງວຽນບິ່ງ, ແຂວງກາວບັ່ງ. ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ເປັນປະທານພິທີ.
 |
ໃນທ່າມກາງບັນຍາກາດທີ່ເຄັ່ງຂຶມ, ທ່ານພົນເອກ ຟານວັນຢາງ ແລະ ຄະນະຜູ້ແທນຄະນະພັກການທະຫານສູນກາງ, ກະຊວງປ້ອງກັນປະເທດໄດ້ສະແດງຄວາມເຄົາລົບ, ຄວາມຮູ້ບຸນຄຸນຢ່າງລົ້ນເຫຼືອຕໍ່ຄຸນງາມຄວາມດີອັນໃຫຍ່ຫຼວງຂອງພົນເອກ ຫວໍງວຽນຢາບ ແລະອາໄລຫາບັນດາວິລະຊົນນັກຮົບເສຍສະຫຼະຊີວິດເພື່ອຊາດ, ນັກຮົບ, ພໍ່ແມ່ປະຊາຊົນທີ່ໄດ້ສະຫຼະຊີວິດເລືອດເນື້ອເພື່ອປົກປັກຮັກສາພື້ນຖານເອກະລາດ, ອິດສະຫຼະພາບຂອງຊາດ. ພາບ: ຕ໊ວນຮຸຍ |
