 |
ພິທີຖະແຫຼງການລາຍງານປະຈໍາປີ ວິສາຫະກິດຫວຽດນາມ (VCCI) 2017-2018
ນີ້ແມ່ນຄວາມຄິດເຫັນຂອງບັນດາຜູ້ຊ່ຽວຊານ ແລະ ວິສາຫະກິດ ບົນເວທີທຸລະກິດ ສະໄໝເສດຖະກິດດິຈິຕ໋ອນ, ພິທີຖະແຫຼງການລາຍງານປະຈໍາປີ ວິສາຫະກິດຫວຽດນາມ 2017-2018 ໂດຍຫ້ອງການຄ້າ ແລະ ອຸດສາຫະກໍາ ຫວຽດນາມ (VCCI) ຈັດຂື້ນ ໃນວັນທີ 17 ພຶດສະພາ ທີ່ຮ່າໂນ້ຍ.
ຜູ້ຊ່ຽວຊານກ່າວວ່າ: ຖະກິດດິຈິຕ໋ອນ ກໍາລັງຊ່ວຍລົບເລືອນ ສິ່ງຂວາງກັ້ນ ລະຫວ່າງ ວິສາຫະກິດຂະຫນາດໃຫຍ່ທີ່ ແລະ ວິສາຫະກິດຂະຫນາດນ້ອຍ ແລະ ກາງ, ວິສາຫະກິດນ້ອຍສຸດໆ; ສ້າງກຳລັງກະຕຸ້ນໃຫ້ວິສາຫະກິດຂະຫນາດນ້ອຍ ພັດທະນາເປັນກຳລັງໃນການຂັບເຄື່ອນພື້ນຖານເສດຖະກິດທົ່ວໂລກ.
ທ່ານ ຫວູ໋ຕ໋ຽນລົກ, ປະທານສະພາການຄ້າ ແລະ ອຸດສາຫະກໍາຫວຽດນາມ (VCCI) ກ່າວວ່າ: ບັນດາ ເສດຖະກິດຂອງໂລກແມ່ນກໍາລັງຖືກຂັບເຄື່ອນໂດຍ ເທັກໂນໂລຢີດິຈິຕ໋ອນ, , ດັ່ງນັ້ນ ນີ້ແມ່ນ ບູລິມະສິດອັນດັບຕົ້ນ ສໍາລັບການພັດທະນາ ຂອງບັນດາປະເທດ, ບໍ່ແມ່ນພຽງແຕ່ ຫວຽດນາມ ເທົ່ານັ້ນ.
ອີງຕາມບົດລາຍງານຂອງ Google ແລະ Temasek, ການຂະຫຍາຍຕົວຂອງເສດຖະກິດດິຈິຕ໋ອນ ຂົງເຂດອາຊຽນ ໃນປີ 2017 ບັນລຸ ລະດັບເຕີບໂຕ ທີ່ກ້າວກະໂດດ, ອັດຕາການເຕີບໂຕ ແຕ່ລະປີ 27% /ປີແລະ ບັນລຸຫຼັກໝາຍ 50 ຕື້ໂດລາສະຫາລັດ, ກວມ 2% ຂອງ GDP ຂອງພູມມິພາກ, ຄາດວ່າຈະບັນລຸ 6% ຂອງ GDP ໃນປີ 2025. ການປະກອບສ່ວນເຂົ້າໃນການເຕີບໂຕນີ້ແມ່ນ ຂະແຫນງການຕ່າງໆເຊັ່ນ: ການທ່ອງທ່ຽວອອນລາຍ, ການຄ້າຂາຍທາງເອເລັກໂຕນິກ, ສື່ມວນຊົນ ແລະ ການບັນເທີງອອນໄລນ໌, ການຈອງ ແລະ ເອື້ນລົດໂດຍສານ ອອນໄລ ...
ດັ່ງນັ້ນ, ທ່ານ ຫວູ໋ຕ໋ຽນລົກ ໃຫ້ຮູ້ວ່າ: ຫວຽດນາມແມ່ນຫນຶ່ງໃນບັນດາປະເທດທີ່ມີ ຄວາມສາມາດບົ່ມຊ້ອນຫຼາຍໃນການພັດທະນາເສດຖະກິດດິຈິຕ໋ອນ.ຢູ່ຫວຽດນາມ, ແນວໂນ້ມຫຼືທ່າອ່ຽງ ຫັນປ່ຽນເປັນດິຈິຕ໋ອນ, ໄດ້ປາກົດຢູ່ເກືອບທຸກຂົງເຂດ, ຕັ້ງແຕ່ການຄ້າ, ການຈ່າຍເງິນ ໄປຈົນເຖິງ ການຂົນສົ່ງ, ການສຶກສາ, ສາທາລະນະສຸກ ...
ແຕ່ຕ້ອງໄດ້ເບິ່ງຕາມສະພາບຄວາມເປັນຈິງ ເຖິງວ່າຈະມີທ່າແຮງ ຄວາມສາມາດບົ່ມຊ້ອນ ແຕ່ລະດັບການພັດທະນາ ຍັງຈໍາກັດ; ການຄ້າ ເອເລັກໂຕນິກ ຫາກໍ່ກວມໄດ້ພຽງ 3.6% ຂອງ ຈຳນວນຫົວໜ່ວຍຂາຍຍ່ອຍ ຂອງຫວຽດນາມ , ແຕ່ພັດຕ່າງກັບແຕກກັບຫຼາຍປະເທດໃນພູມມິພາກ ອາຊີ - ປາຊີຟິກ ເຊິ່ງມີຈຳນວນສະເລ່ຍ ເຖິງ 14,5%.
ທ່ານ ບູ່ຍເຖ໋ຢຸຍ, ຮອງລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຢີ ໄດ້ຢືນຢັນວ່າ: ບັນດາ ວິສາຫະກິດ ບໍ່ຄວນປະໂອກາດ ຕັ້ງແຕ່ ການນໍາໃຊ້ເຕັກໂນໂລຢີດິຈິຕ໋ອນ. ຮອງລັດຖະມົນຕີ ບູ່ຍເຖ໋ຢຸຍ ໄດ້ແບ່ງປັນ ເປັນຕົວຢ່າງທີ່ປະສົບຜົນສໍາເລັດໃນການນໍາໃຊ້ເຕັກໂນໂລຊີດິຈິຕ໋ອນ. ນັ້ນຄື ບໍລິສັດ ປຸງແຕ່ງອາຫານ ທີ່ນະຄອນ ໂຮ່ຈິ໋ມິງ , ຍ້ອນການລົງທືນສາຍໄຍການຜລິດ ເຕັກໂນໂລຢີ ການຫຸ້ມຫໍ່ ເຮັດໃຫ້ ວິສະກິດດັ່ງກ່າວ ຫຼຸດຜ່ອນໄດ້ ຈໍານວນແຮງງານ -ກຳມະກອນ, ຄ່າໃຊ້ຈ່າຍ ແລະຊົ່ວໂມງເຮັດວຽກ, ຈາກ 20 ຄົນ ລົງມາເປັນ 2 ຄົນເທົ່ານັ້ນ ທີ່ບໍລິຫານ ກົນຈັກ. ໃນອະນາຄົດອັນໃກ້ນີ້, ບໍລິສັດນີ້ຍັງສືບຕໍ່ລົງທຶນໃນລະບົບຈັດເກັບສິນຄ້າເປັນ ຕ່ອງໂສ້, ເຊິ່ງມີປະສິດຕິພາບຊ່ຳ ແຮງງານ ຫຼາຍຮ້ອຍຄົນ.
ການວິເຄາະແນວໂນ້ມໃນປະຈຸບັນ, ທ່ານ ຫວູ໋ຕ໋ຽນລົກ ຢືນຢັນວ່າ: ເສດຖະກິດດິຈິຕ໋ອນ ທີ່ມີງວິທີການ ແລະ ຮູບແບບດຳເນີນ ທຸລະກິດໃໝ່ ໄດ້ສ້າງໂອກາດ ທີ່ດີສໍາລັບ ການພັດທະນາ ທຸລະກິດ ຂອງວິສາຫະກິດຂະໜາດນ້ອຍ. ດັ່ງນັ້ນ, ຖ້າວິສກຫະກິດ ຫວຽດນາມ ສາມາດເຮັດໄດ້,ແມ່ນຈະເຮັດໃຫ້ ວິສາຫະກິດ ຫວຽດນາມ ຍົກສູງປະສິດທິພາບ ໃນການດຳເນີນທຸລະກິດ, ຂະຫຍາຍ ຕະຫຼາດ ແລະ ສ່ວນແບ່ງຕະຫຼາດ, ຊ້ຳໄປກວ່ານັ້ນ ຍັງ ຂ້າມໄປຕະຫຼາດໃໝ່ອື່ນໆ. ໂດຍສະເພາະເສດຖະກິດດິຈິຕ໋ອນ ຈະສ້າງແຮງຈູງໃຈໃຫ້ແກ່ ວິສາຫະກິດຂະຫນາດນ້ອຍ ແລະ ກາງ ພັດທະນາກວ່າເກົ່າ, ກາຍມາເປັນກຳລັງຫຼັກ ຂອງການເຕີບໂຕທາງດ້ານເສດຖະກິດ. ເຖິງຢ່າງໃດກໍ່ຕາມ, ໂອກາດຈະເກີດຂື້ນມາພ້ອມກັບ ສິ່ງທ້າທາຍ, ໂດຍສະເພາະແມ່ນ ວິສາຫະກິດ ຫວຽດນາມ ສ່ວນໃຫຍ່ ແມ່ນ ວິສາຫະກິດຂະຫນາດນ້ອຍ ແລະ ຂະຫນາດກາງ, ຂະແຫນງທຸລະກິດຂະຫນາດນ້ອຍສຸດ, ຊ້ຳໄປກວ່ານັ້ນອາດຈະແມ່ນ ທຸລະກິດຄອບຄົວ.
ເມື່ອກ້າວເຂົ້າສູ່ ເສດຖະກິດດິຈີຕ໋ອນ, ວິສາຫະກິດຈະປະເຊີນກັບຄວາມຫຍຸ້ງຍາກຫຼາຍຢ່າງກ່ຽວກັບ ຕະຫລາດ, ຫລາຍບໍລິສັດຕ່າງປະເທດ ກຳລັງມີໜ້າ ຢູ່ຫວຽດນາມຢ່າງວ່ອງໄວ, ມີທ່າແຮງໃນທຸກໆຂະແໜງການ. ສະນັ້ນ ວິສາຫະກິດ ຫວຽດນາມ ຖ້ານຳບໍ່ທັນ ອາດຈະພ່າຍແພ້ຄາບ້ານໂຕເອງ. ນອກຈາກນັ້ນ, ບັນດາວິສາຫະກິດຍັງພົບກັບວາມຫຍຸ້ງຍາກ ຂາດແຄນຊັບພະຍາກອນ ມະນຸດ ດ້ານເຕັກໂນໂລຢີຂໍ້ມູນ, ສະພາບແວດລ້ອມທາງດ້ານກົດຫມາຍທີ່ເຫມາະສົມ ໃຫ້ແກ່ ພື້ນຖານເສດຖະກິດ ດີຈິຕ໋ອນບໍ່ສົມບູນ, ທ້າທາຍກ່ຽວກັບຄວາມສະຫງົບ, ການປ້ອງການຄວາມລັບ…
ມີຫຼາຍວິສາຫະກິດ ຍັງເວົ້າວ່າ: ທຸລະກິດມີຄວາມຫຍຸ້ງຍາກໃນການເຂົ້າເຖິງ ເຕັກໂນໂລຢີ, ທຸລະກິດຕ້ອງການຂະຫຍາຍທຸລະກິດຜ່ານເສດຖະກິດດິຈິຕ໋ອນ, ແຕ່ວ່າມັນຍັງມີຄວາມຫຍຸ້ງຍາກ ໃນການເຂົ້າເຖິງອິນເຕີເນັດ, ສາຍສົ່ງ ກໍ່ຄື ຂາດຄວາມຮູ້ຄວາມສາມາດ ພື້ນຖານກ່ຽວກັບເຕັກໂນໂລຢີ ແລະ ຄ່າໃຊ້ຈ່າຍທີ່ອຸປະກອນໄອທີທີ່ມີລາຄາແພງ.
ຢ່າງໃດກໍ່ຕາມ, ວິສາຫະກິດຄວນບໍ່ ທີ່ຈະຢ້ານກົວເກີນໄປ ຫຼື ພາກັນປ່ຽນ ມາເປັນ ເຕັກໂນໂລຢີດິຈິຕ໋ອນໃຫ້ມັນໄດ້, ແຕ່ຕ້ອງຂື້ນກັບ ກົນລະຍຸດທຸລະກິດ, ລະດັບຄວາມສາມາດງແຕ່ລະວິສາຫະກິດ. ຍ້ອນວ່າ ຢູ່ ຍີ່ປຸ່ນ, ວິສາຫະກິດຈໍານວນຫຼາຍຍັງຄົງໃຊ້ ແລະ ຮັກສາ ເຕັກໂນໂລຢີເກົ່າ ແຕ່ພວກເຂົາຍັງປະສົບຜົນສໍາເລັດຍ້ອນວ່າ ຍຸດທະສາດ ດຳເນີນທຸລະກິດທີ່ຍືນຍົງ, ກໍາໄດ້ຄວາມຕ້ອງການຂອງຕະຫຼາດ.
ທີ່ເວທີແລກປ່ຽນນີ້, ສະຖາບັນ ພັດທະນາ ວິສາຫະກິດ (VCCI) ໄດ້ຈັດຖະແຫຼງການ ກ່ຽວກັບບົດລາຍງານປະຈໍາປີ ຂອງວິສາຫະກິດ ຫວຽດນາມ ປີ 2017-2018. ບົດລາຍງານປະຈໍາປີທີ 12 ໂດຍຫນ່ວຍງານດັ່ງກ່າວນີ້ຈັດຕັ້ງປະຕິບັດ ໃນຫົວຂໍ້: “ການພັດທະນາທຸລະກິດໃນເສດຖະກິດດິຈິຕ໋ອນ”.
（ຫັດທະບູນ）
