ຫວຽດນາມ ເຂົ້າຮ່ວມກອງປະຊຸມ COP13 ແລະກອງປະຊຸມ MOP36 ກ່ຽວກັບການປົກປ້ອງຊັ້ນ ໂອໂຊນ

ຍສໝ - ແຕ່ວັນທີ 27 ຕຸລາ ຫາວັນທີ 1 ພະຈິກ, ກອງປະຊຸມຄັ້ງທີ 13 ຂອງບັນດາຝ່າຍເຂົ້າຮ່ວມສົນທິສັນຍາ ວຽນນາ ກ່ຽວກັບການປົກປ້ອງຊັ້ນໂອໂຊນ (COP13), ກອງປະຊຸມຄັ້ງທີ 36 ຂອງບັນດາຝ່າຍເຂົ້າຮ່ວມອະນຸສັນຍາ Montreal ກ່ຽວກັບທາດທີ່ເຮັດຊັ້ນໂອໂຊນຫຼຸດລົງ (MOP36) ແລະກອງປະຊຸມສຳມະນາກ່ຽວກັບການຄຸ້ມຄອງວົງຈອນຊີວິດຂອງທາດເຢັນ ໄດ້ຈັດຂຶ້ນຢູ່ຫໍປະຊຸມ ສະຫະປະຊາຊາດ ບາງກອກ, ປະເທດໄທ.

ໃນຂອບເຂດກອງປະຊຸມ COP13 - ກອງປະຊຸມ MOP36, ຄະນະຜູ້ແທນຫວຽດນາມ ໄດ້ຕັ້ງໜ້າ, ເປັນເຈົ້າການເຂົ້າຮ່ວມບັນດາວາລະປະຊຸມຄົບຄະນະ; ໄດ້ພົບປະ, ປຶກສາຫາລືກັບທ່ານນາງ Megumi Seki, ເລຂາທິການບໍລິຫານງານອົງການໂອໂຊນສາກົນ ແລະໄດ້ມີການພົບປະສອງຝ່າຍກັບບັນດາຄູ່ຮ່ວມມືຂອງໂຄງການສິ່ງແວດລ້ອມສະຫະປະຊາຊາດ (UNEP); ກະຊວງສິ່ງແວດລ້ອມຍີ່ປຸ່ນ; ສູນທຳຄວາມເຢັນຂອງອາກາດ ແລະອາກາດສະອາດ (CCAC); ສູນການຮ່ວມມືດ້ານສິ່ງແວດລ້ອມຍີ່ປຸ່ນ (OECC). ພາບ: ວິທະຍຸກະຈາຍສຽງ