ຮູບພາບທະຫານລຸງໂຮ່ ໃນພາບແຕ້ມໂຄສະນາ

ຍສໝ - ຕອນບ່າຍວັນທີ 8 ພະຈິກ, ຢູ່ຮ່າໂນ້ຍ, ກົມໂຄສະນາອົບຮົມ, ກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຈັດຕັ້ງພິທີສະຫຼຸບ ແລະມອບລາງວັນໃຫ້ການຂົນຂວາຍແຕ້ມພາບໂຄສະນາເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນທ່ົວປວງຊົນປ້ອງກັນຊາດ.

ພາຍຫຼັງ 9 ເດືອນແຫ່ງການປຸກລະດົມ ແລະຜັນຂະຫຍາຍ, ມີນັກປະພັນ 728 ຄົນ ເຂົ້າຮ່ວມ, ດ້ວຍພາບໂຄສະນາ 1.394 ແຜ່ນ. ບັນດາພາບແຕ້ມດັ່ງກ່າວໄດ້ສະແດງໃຫ້ເຫັນຮູບພາບທະຫານລຸງໂຮ່, ໂຄສະນາເຜີຍແຜ່ຢ່າງເລິກເຊິ່ງກວ້າງຂວາງເຖິງພີ່ນ້ອງຮ່ວມຊາດ ແລະນັກຮົບໃນທົ່ວປະເທດ ກ່ຽວກັບຈິດໃຈສາມັກຄີລະຫວ່າງທະຫານ ແລະປະຊາຊົນ, ມູນເຊື້ອອັນສະຫງ່າລາສີຂອງໄລຍະທາງ 80 ປີແຫ່ງການກໍ່ສ້າງ, ຕໍ່ສູ້, ໂຕໃຫຍ່ຂະຫຍາຍຕົວຂອງກອງທັບປະຊາຊົນຫວຽດນາມ. ສະພາປະເມີນຜົນໄດ້ເລືອກເອົາ 150 ແຜ່ນ ທີ່ມີຄຸນນະພາບດີເພື່ອພິມ ແລະຈຳໜ່າຍເປັນປຶ້ມພາບໂຄສະນາ ເພື່ອຮັບໃຊ້ວຽກງານໂຄສະນາ; ພ້ອມກັນນັ້ນ, ໄດ້ເລືອກເອົາ 80 ແຜ່ນ ເພື່ອວາງສະແດງທີ່ງານວາງສະແດງ 80 ປີແຫ່ງວັນວັນນະຄະດີ, ສິລະປະກອງທັບປະຊາຊົນຫວຽດນາມ ຢູ່ຖະໜົນຍ່າງອ້ອມໜອງຮ່ວານກ໋ຽມ ແຕ່ວັນທີ 20-22 ທັນວາ 2024. ໃນພິທີສະຫຼຸບ, ຄະນະຈັດຕັ້ງໄດ້ມອບ 15 ລາງວັນ, ໃນນັ້ນມີ 1 ລາງວັນ A 2 ລາງວັນB, 3 ລາງວັນ C ແລະ 9 ລາງວັນຊົມເຊີຍ. ພາບ: ກອງທັບປະຊາຊົນ