 | ເຂົ້າສານ ST 25 ແຊບທີ່ສຸດໃນໂລກຂອງ ຫວຽດນາມ ມີຂາຍຢູ່ຍີ່ປຸ່ນ |
| ເຄື່ອງເທດ, ໝາກມ່ວງ, ເຂົ້າສານ ຂອງຫວຽດນາມ ສົ່ງອອກຢ່າງເປັນປະຈຳໄປຍັງ ອາເມລິກາ ແລະ EU |
ຂີດຫມາຍເກີນລະດັບ 5 ຕື້ USD
ຕາມຂໍ້ມູນຂອງກົມໃຫຍ່ພາສີ ແລ້ວ, ຄາດວ່າຮອດກາງເດືອນພະຈິກ 2024, ຫວຽດນາມ ໄດ້ສົ່ງອອກເຂົ້າສານ 8,05 ລ້ານໂຕນ, ບັນລຸເປັນມູນຄ່າ 5,05 ຕື້ USD, ເພີ່ມຂຶ້ນ 23% ເມື່ອທຽບໃສ່ໄລຍະດຽວກັນຂອງປີກາຍ ຍ້ອນຄຸນນະພາບນັບມື້ນັບໄດ້ຮັບການປັບປຸງ.
 |
| ປີ 2024, ເປັນຄັ້ງທຳອິດໃນປະຫວັດສາດທີ່ຂະແໜງກະສິກຳຂອງ ຫວຽດນາມ ໄດ້ສົ່ງອອກເຂົ້າສານ ເກີນລະດັບ 5 ຕື້ USD. (ຮູບປະກອບ: KT) |
ບັນດາຕະຫຼາດໃຫຍ່ຄື ຟີລິບປິນ, ອິນໂດເນເຊຍ, ມາລາຍເຊຍ... ສືບຕໍ່ແມ່ນຕະຫຼາດບໍລິໂພກເຂົ້າສານແຖວໜ້າຂອງ ຫວຽດນາມ ແລະ ເຕີບໂຕເປັນປົກກະຕິ, ເປີດໂອກາດໃໝ່ຫຼາຍຢ່າງໃຫ້ແກ່ເຂົ້າສານ ຫວຽດນາມ. ນະໂຍບາຍນີ້ບໍ່ພຽງແຕ່ຊ່ວຍໃຫ້ ຫວຽດນາມ ຫຼຸດຜ່ອນກຳລັງກົດດັນກ່ຽວກັບພາສີເທົ່ານັ້ນ, ຫາກຍັງປະກອບສ່ວນຊຸກຍູ້ວົງເງິນສົ່ງອອກເຂົ້າສານຂອງປະເທດ ຫວຽດນາມ ໃນບັນດາຊຸມປີຕໍ່ໜ້າ.
ນອກຈາກນັ້ນ, ບັນດາສັນຍາການຄ້າເສລີ (FTA) ເຊັ່ນ ສັນຍາການຄ້າເສລີ ຫວຽດນາມ - EU (EVFTA) ແລະ ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມ ປາຊີຟິກ (CPTPP) ກໍ່ສວມບົດບາດຄື “ກຸນແຈຄຳ”, ຊ່ວຍໃຫ້ເຂົ້າສານ ຫວຽດນາມ ເຂົ້າເຖິງຕະຫຼາດທີ່ມີຄວາມຄວາມເຄັ່ງຂັດ ເຊັ່ນ EU, ຍີ່ປຸ່ນ, ອົດສະຕາລີ... ດ້ວຍບູລິມະສິດດ້ານພາສີທີ່ດຶງດູດໃຈ.
5 ວິທີແກ້ໄຂເພື່ອຍົກລະດັບເຂົ້າສານ ຫວຽດນາມ
ເຖິງວ່າບັນລຸໄດ້ບັນດາຜົນງານທີ່ພົ້ນເດັ່ນກໍ່ຕາມ, ແຕ່ຂະແໜງເຂົ້າສານຂອງ ຫວຽດນາມ ຍັງປະເຊີນໜ້າກັບບັນດາສິ່ງທ້າທາຍໃຫຍ່. ຕົວຢ່າງ, ປະຈຸບັນ, ຈີນ ມີພຽງແຕ່ອະນຸຍາດໃຫ້ວິສາຫະກິດ ຫວຽດນາມ ປະມານ 21 ແຫ່ງສົ່ງອອກເຂົ້າສານ, ຫຼຸດຜ່ອນຄວາມສາມາດການເຂົ້າເຖິງຂອງວິສາຫະກິດ ຫວຽດນາມ ເຂົ້າຕະຫຼາດຂະໜາດໃຫຍ່ນີ້, ພ້ອມກັນນັ້ນ ກໍ່ສ້າງຄວາມຂຶ້ນກັບທີ່ໃຫຍ່ເຂົ້າບັນດາຕະຫຼາດທີ່ນ້ອຍກວ່າ.
ນອກຈາກນັ້ນ, ຍີ່ຫໍ້ເຂົ້າສານ ຫວຽດນາມ ຍັງ “ບໍ່ຈະແຈ້ງ” ເມື່ອທຽບໃສ່ກັບບັນດາຄູ່ແຂ່ງໃຫຍ່ຄື ໄທ ແລະ ອິນເດຍ. ເຂົ້າສານ Jasmine ໄທ ຫຼື ເຂົ້າສານ Basmati ຂອງ ອິນເດຍ ໄດ້ກາຍເປັນຊື່ທີ່ຄຸ້ນເຄີຍໃນຕະຫຼາດສາກົນ, ໃນຂະນະທີ່ເຂົ້າສານ ຫວຽດນາມ, ເຖິງວ່າມີຄຸນນະພາບດີ, ແຕ່ຍັງບໍ່ທັນມີຈຸດຢືນຢ່າງໝັ້ນແກ່ນຢູ່ລະດັບຊັ້ນສູງ.
ເພື່ອຮັກສາຈຸດຢືນ ແລະ ເພີ່ມທະວີຄວາມສາມາດແກ່ງແຍ້ງ, ບັນດາຜູ້ຊ່ຽວຊານຕັ້ງຂໍ້ສະເໜີຂະແໜງການເຂົ້າສານ ຫວຽດນາມ ຕ້ອງສົມທົບກັນປະຕິບັດ 5 ວິທີການແກ້ໄຂຄື:
ທີໜຶ່ງ, ນຳໃຊ້ເຕັກໂນໂລຢີສູງ. ຊຸກຍູ້ການຄົ້ນຄວ້າແນວພັນເຂົ້າໃໝ່, ຄວາມຕ້ານທານໃນການປ່ຽນແປງຂອງດິນຟ້າອາກາດ ແລະ ການນຳໃຊ້ເຕັກໂນໂລຊີດີຈີຕອນໃນການຜະລິດ, ນັບແຕ່ການຄຸ້ມຄອງລະດູການໄປສູ່ການເຊື່ອມຕໍ່ຕະຫຼາດ.
ທີສອງ, ເພີ່ມທະວີຕ່ອງໂສ້ມູນຄ່າຜະລິດຕະພັນ, ສຸມໃສ່ສ້າງຍີ່ຫໍ້. ພັດທະນາຍີ່ຫໍ້ຕິດພັນກັບຄຸນຄ່າທາງດ້ານວັດທະນະທໍາ ແລະ ການຢັ້ງຢືນຄຸນນະພາບສາກົນ.
ທີສາມ, ປັບປຸງລະບົບການຈຳໜ່າຍ ແລະ ການເຂົ້າເຖິງຕະຫຼາດ. ໝູນໃຊ້ປະໂຫຍດຈາກ FTAs, ປັບປຸງ logistics ແລະ ພັດທະນາລະບົບການຈໍາຫນ່າຍທີ່ທັນສະໄຫມ ເພື່ອເຂົ້າເຖິງບັນດາຕະຫຼາດທີ່ມີຄວາມສາມາດບົ່ມຊ້ອນ.
ທີສີ່, ລັດຕ້ອງສືບຕໍ່ປະກາດໃຊ້ ແລະ ປະຕິບັດບັນດານະໂຍບາຍສົ່ງເສີມການພັດທະນາຂະແໜງການເຂົ້າສານ. ດຳລັດເລກທີ 57/2018/ND-CP ວ່າດ້ວຍການສົ່ງເສີມການລົງທຶນໃນກະສິກຳ, ຊົນນະບົດສະໜອງກົນໄກໜູນຊ່ວຍດ້ານການເງິນ ເຊັ່ນ: ການຍົກເວັ້ນພາສີ ແລະ ຫຼຸດພາສີ, ທຶນກູ້ຢືມບຸລິມະສິດໃຫ້ແກ່ວິສາຫະກິດລົງທຶນການຜະລິດ ແລະ ປຸງແຕ່ງເຂົ້າສານ. ພ້ອມກັນນັ້ນ, ບັນດາລາຍການບຳລຸງສ້າງດ້ານວິຊາການ ກໍ່ໜູນຊ່ວຍການປະກັນໄພກະສິກຳ ເພື່ອແນໃສ່ຫຼຸດຜ່ອນຄວາມສ່ຽງຈາກໄພທຳມະຊາດ ແລະ ການຜັນແປຂອງຕະຫຼາດ ກໍ່ຍັງຕ້ອງໄດ້ຜັນຂະຫຍາຍເຂັ້ມແຂງກວ່າອີກ.
ທີຫ້າ, ເພີ່ມທະວີການຮ່ວມມືສາກົນ. ການຮ່ວມມືກັບບັນດາປະເທດທີ່ມີພື້ນຖານກະສິກຳກ້າວໜ້າຄື ຍີ່ປຸ່ນ, ໄທ ຫຼື ອິດສະຣາແອນ ຈະຊ່ວຍໃຫ້ ຫວຽດນາມ ຮຽນຮູ້ ແລະ ນຳໃຊ້ເຕັກໂນໂລຊີທີ່ທັນສະໄໝເຂົ້າໃນການຜະລິດເຂົ້າສານ. ນອກຈາກນັ້ນ, ການເຂົ້າຮ່ວມບັນດາອົງການຈັດຕັ້ງ ແລະ ເວທີສາກົນ ຄື FAO ຫຼື ອາຊຽນ +3 ກ່ຽວກັບຄວາມໝັ້ນຄົງດ້ານສະບຽງອາຫານ ຈະຊ່ວຍໃຫ້ເຂົ້າສານ ຫວຽດນາມ ສ້າງຍຸດທະສາດສົ່ງອອກໄລຍະຍາວ ແລະ ເພີ່ມທະວີຖານະໃນຕະຫຼາດທົ່ວໂລກ.
 | ຫວຽດນາມ: ການສົ່ງອອກເຂົ້າສານບັນລຸເກືອບ 2 ຕື້ໂດລາສະຫະລັດ ພາຍຫຼັງ 8 ເດືອນ ຕົ້ນປີ 2020 ລາຄາເຂົ້າສານສົ່ງອອກຂອງຫວຽດນາມ ໄດ້ເພີ່ມຂຶ້ນຢ່າງລຽນຕິດ ແລະ ປະຈຸບັນ ໄດ້ລື່ນກາຍລາຄາເຂົ້າສານປະເພດດຽວກັນຂອງຫຼາຍປະເທດ, ບືນຂຶ້ນນຳໜ້າໂລກ. |
 | ຍສໝ - ເມື່ອບໍ່ດົນມານີ້, ສະຫະພັນບັນດາອົງການມິດຕະພາບນະຄອນໂຮ່ຈີມິນ ໄດ້ປະສານສົມທົບກັບຄະນະກຳມະການແນວໂຮມປະເທດຊາດຫວຽດນາມ ຂອງເມືອງ ບິ່ງເຕິນ ເພື່ອ ມອບ ຕູ້ເອທີເອັມເຂົ້າສານ ເຊິ່ງໄດ້ຕິດຕັ້ງ ທີ່ 77/64, ຖະໜົນຝ້າມດັງຢານ, ບ້ານບີ່ງຮືງຮວ່າ, ເມືອງ ບິ່ງເຕິນ, ເພື່ອສະໜັບສະໜູນ ປະຊາຊົນຜູ້ປະສົບກັບສະພາບການທີ່ຫຍຸ້ງຍາກ ດ້ວຍມູນຄ່າທັງໝົດ ປະມານ 230 ລ້ານດົ່ງ, ຄາດວ່າຕູ້ເອທີເອັມເຂົ້າສານ ທີ 5 ... |
ແທັງຮັ່ງ
