 |
ທ່ານຮອງນາຍົກລັດຖະມົນຕີ ຟ້າມບິ່ງມີງ ເປັນປະທານກອງປະຊຸມ.
ໜ້າເອົາໃຈໃສ່ແມ່ນ, ພາຍຫຼັງທີ່ ຫວຽດນາມ ຢຸດຕິການຮັບບ້ວງເງິນກູ້ຢືມພິເສດຈາກສະຫະສະມາຄົມພັດທະນາສາກົນ (IDA) ໃນເດືອນ ກໍລະກົດ 2017, ນັບແຕ່ປີ 2018, ບັນດາບ້ວງເງິນກູ້ຢືມຂອງ WB ແມ່ນທຶນກູ້ຢືມຈາກ IBRD ແລະທຶນ IDA ຫັນປ່ຽນ. ສິ່ງດັ່ງກ່າວກໍ່ຈະໄດ້ໝູນໃຊ້ສໍາລັບບັນດາບ້ວງເງິນກູ້ຢືມຂອງ ADB ນັບແຕ່ປີ 2019. WB ກໍ່ຮຽກຮ້ອງບັນດາບ້ວງເງິນກູ້ຢືມຂອງວິສາຫະກິດຈຳເປັນຕ້ອງມີການຮັບປະກັນຂອງລັດຖະບານ.
ສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ຟ້າມບິ່ງມີງ ມອບໃຫ້ທະນາຄານແຫ່ງລັດສັງລວມບັນດາຄໍາຄິດເຫັນຂອງບັນດາກະຊວງ, ຂະແໜງການ, ທ້ອງຖິ່ນ, ຍື່ນສະເໜີຕໍ່ຂັ້ນທີ່ມີສິດອໍານາດພິຈາລະນາ, ຕົກລົງສໍາລັບບັນດາໂຄງການສືບຕໍ່ຜັນຂະຫຍາຍ.
ກະຊວງແຜນການ ແລະການລົງທຶນສັງລວມບັນດາໂຄງການນໍາໃຊ້ທຶນກູ້ຢືມຕ່າງປະເທດທີ່ໄດ້ໃຫ້ສັດຕະຍາບັນແລ້ວແຕ່ຍັງບໍ່ທັນມີໃນແຜນການລົງທຶນຂອງລັດໄລຍະກາງ ເພື່ອຮັບປະກັນບັນດາໂຄງການໄດ້ຮັບການຜັນຂະຫຍາຍໂດຍໄວ ເພື່ອແນໃສ່ນໍາໃຊ້ແຫຼ່ງທຶນກູ້ຢືມເຊິ່ງ ຫວຽດນາມ ຕ້ອງຈ່າຍດອກເບ້ຍພາຍຫຼັງບັນດາສັນຍາກູ້ຢືມມີຜົນສັກສິດຢ່າງມີປະສິດທິຜົນທີ່ສຸດ.
ພິເສດ, ໃນສະພາບການທີ່ ຫວຽດນາມ ໄດ້ຮຽນຈົບ IDA, ທ່ານຮອງນາຍົກລັດຖະມົນຕີມອບໃຫ້ກະຊວງແຜນການ ແລະການລົງທຶນເປັນປະທານ, ລາຍງານຕໍ່ຄະນະປະຈໍາລັດຖະບານກ່ຽວກັບການກໍານົດທິດປຸກລະດົມ, ນໍາໃຊ້ບັນດາແຫຼ່ງທຶນໃນໄລຍະຈະມາເຖິງ, ພິເສດແມ່ນແຫຼ່ງທຶນກູ້ຢືມດ້ວຍອັດຕາດອກເບ້ຍສູງ.
（ແຫຼ່ງຂໍ້ມູນ： ກປ.ອອນໄລ）
