 | ບຣູໄນ ດາຣູຊາລາມ ຍາມໃດກໍຢືນຄຽງຂ້າງພ້ອມກັບ ຫວຽດນາມ ບົນບັນດາເສັ້ນທາງການພັດທະນາ |
| ບັນດາຮູບພາບທຳອິດຂອງທີມແຂ່ງລົດຈັກນ້ຳ UIM-ABP Aquabike World Championship 2024 |
ນັ້ນແມ່ນຂໍ້ມູນ ໂດຍທ່ານນາງ ຟານທິກິມລຽນ, ຜູ້ຄຸ້ມຄອງລາຍການປົກປ້ອງເດັກນ້ອຍ ແລະ ຊຸກຍູ້ການເຂົ້າຮ່ວມຂອງເດັກນ້ອຍ, World Vision International ຢູ່ ຫວຽດນາມ ໄດ້ຍົກອອກທີ່ການສຳມະນາ “ຊຸກຍູ້ການຮ່ວມມືປົກປ້ອງເດັກນ້ອຍໃນສະພາບແວດລ້ອມອິນເຕີເນັດ” ທີ່ໄດ້ດຳເນີນວັນທີ 21 ພະຈິກ, ຢູ່ຮ່າໂນ້ຍ.
 |
| ການສຳມະນາ “ຊຸກຍູ້ການຮ່ວມມືປົກປ້ອງເດັກນ້ອຍໃນສະພາບແວດລ້ອມອິນເຕີເນັດ”. (ພາບ: ຫງວຽນຕຸ່ງ) |
ການສຳມະນາ ໄດ້ຈັດຕັ້ງໂດຍສະໂມສອນປົກປ້ອງເດັກນ້ອຍ ຫວຽດນາມ ໃນພື້ນທີ່ອິນເຕີເນັດ (ສະມາຄົມຄວາມປອດໄພຂໍ້ມູນຂ່າວສານ ຫວຽດນາມ - VNISA) ສົມທົບກົມຄວາມປອດໄພຂໍ້ມູນຂ່າວສານ (ກະຊວງຖະແຫຼງຂ່າວ ແລະ ການສື່ສານ) ຈັດຕັ້ງ. ລາຍການມີການເຂົ້າຮ່ວມຂອງ World Vision International ຢູ່ ຫວຽດນາມ; ອົງການຊ່ວຍເຫຼືອເດັກນ້ອຍ; ChildFund ຫວຽດນາມ; ສູນຄວາມປອດໄພຂໍ້ມູນຂ່າວສານ VNPT ແລະ ສະຖາບັນການຄົ້ໜຄວ້າຄຸ້ມຄອງພັດທະນາແບບຍືນຍົງ (MSD).
ການສຳມະນາ ໄດ້ດຳເນີນດ້ວຍ 4 ບົດສະເໜີ ແລະ 1 ວາລະການໂອ້ລົມເຈລະຈາກ່ຽວກັບບັນດາຫົວຂໍ້ຄື: ເພີ່ມທະວີການສົມທົບການເຄື່ອນໄຫວລະຫວ່າງບັນດາອົງການລັດດ້ວຍບັນດາອົງການຈັດຕັ້ງ, ວິສາຫະກິດເຕັກໂນໂລຊີ; ວິທີການເຂົ້າເຖິງການເອົາເດັກນ້ອຍເປັນໃຈກາງໃນການປົກປ້ອງເດັກນ້ອຍໃນສະພາບແວດລ້ອມອິນເຕີເນັດ; ຜົນກະທົບຂອງ AI ກັບເດັກນ້ອຍໃນອິນເຕີເນັດ; ວິທີການແກ້ໄຂເຕັກໂນໂລຊີ ເພື່ອໜູນຊ່ວຍພໍ່ແມ່ຜູ້ປົກຄອງ ແລະ ໂຮງຮຽນໃນການປ້ອງກັນ ແລະ ຕ້ານຂໍ້ມູນທີ່ມີຜົນຮ້າຍຕໍ່ເດັກນ້ອຍ.
ຕາມທ່ານນາງ ຟານທິກິມລຽນ, ຜູ້ຄຸ້ມຄອງລາຍການປົກປ້ອງເດັກນ້ອຍຂອງ World Vision ໄດ້ແບ່ງປັນວ່າ ເຕັກໂນໂລຊີດິຈິຕອນພວມພັດທະນາຢ່າງເຂັ້ມແຂງ ແຕ່ກໍຍັງນຳມາເຖິງບັນດາຄວາມສ່ຽງກ່ຽວກັບຄວາມປອດໄພ, ການຮັກສາຄວາມລັບ, ພິເສດແມ່ນສຳລັບເດັກນ້ອຍ. ເດັກນ້ອຍຂາດທັກສະຄວາມຮັບຮູ້ ແລະ ການປ້ອງກັນຕ້ານບັນດາຄວາມສ່ຽງໃນອິນເຕີເນັດ, ດັ່ງນັ້ນ ເຂົາເຈົ້າຕ້ອງໄດ້ຮັບການປົກປ້ອງທີ່ດີກວ່າ. ນີ້ແມ່ນບັນດາສິ່ງທ້າທາຍບໍ່ພຽງແຕ່ຂອງຫວຽດນາມ ເທົ່ານັ້ນ, ຫາກຍັງຂອງຫຼາຍປະເທດອື່ນໆໃນໂລກ. ການປົກປ້ອງເດັກນ້ອຍ, ເພີ່ມທະວີການຮ່ວມມືເຊື່ອມຕໍ່ໃນພື້ນທີ່ອິນເຕີເນັດເພື່ອປົກປ້ອງ ແລະ ມອບສິດໃຫ້ແກ່ເດັກນ້ອຍ ກໍ່ແມ່ນບັນດາບັນຫາທີ່ໄດ້ວາງອອກໃນທົ່ວໂລກ
 |
| ທ່ານນາງ ຟານທິກິມລຽນ, ຜູ້ຄຸ້ມຄອງລາຍການປົກປ້ອງເດັກນ້ອຍ ແລະ ຊຸກຍູ້ການຮ່ວມມືຂອງເດັກນ້ອຍ, World Vision ຢູ່ ຫວຽດນາມ. (ພາບ: ຫງວຽນຕຸ່ງ) |
“ຢູ່ ຫວຽດນາມ, ເດັກນ້ອຍ 9 ໃນ 10 ຄົນ ແມ່ນໃຊ້ອິນເຕີເນັດ. ໃນຄວາມມານະພະຍາຍາມສ້າງສະພາບແວດລ້ອມອິນເຕີເນັດທີ່ປອດໄພ ແລະ ມີປະສິດທິຜົນໃຫ້ເດັກນ້ອຍ, World Vision International ຢູ່ ຫວຽດນາມ ຍາມໃດກໍ່ສຸມໃສ່ເຖິງວິທີການເຂົ້າເຖິງການເອົາເດັກນ້ອຍເປັນໃຈກາງ, ດ້ວຍລາຍການສຶກສາທັກສະດີຈີຕອນ ເພື່ອຊ່ວຍໃຫ້ເດັກຮູ້ເຖິງການປົກປ້ອງຕົນເອງ ແລະ ມີຫົວຄິດປະດິດສ້າງຢູ່ໃນອິນເຕີເນັດ . ພ້ອມກັນນັ້ນ, World Vision ກໍ່ຊຸກຍູ້ການເຂົ້າຮ່ວມຂອງບັນດາເດັກນ້ອຍໃນການປະກອບສ່ວນບັນດາວິທີການແກ້ໄຂກ່ຽວກັບການປົກປ້ອງເດັກນ້ອຍໃນສະພາບແວດລ້ອມອິນເຕີເນັດ”, ທ່ານນາງ ຟານທິກິມລຽນ ກ່າວວ່າ.
ກ່າວຄຳປາໄສທີ່ການສຳມະນາ, ທ່ານ ດັ້ງຫວູເຊີນ, ຮອງປະທານ VNISA, ອະດີດຫົວໜ້າຄະນະກົດລັບລັດຖະບານ ໃຫ້ຮູ້ວ່າ VNISA ໄດ້ ແລະ ພວມໃຫ້ຄຳໝັ້ນສັນຍາກັບບັນດາສຳນັກ, ອົງການ ແລະ ວິສາຫະກິດ ເພື່ອປະຕິບັດບັນດາຂໍ້ລິເລີ່ມປົກປ້ອງເດັກນ້ອຍ. VNISA ໄດ້ຈັດຕັ້ງການເສັງ “ນັກຮຽນກັບຄວາມປອດໄພດ້ານຂໍ້ມູນຂ່າວສານ” ແລະ ປະກາດມາດຕະຖານພື້ນຖານ TCCS: 03/2024-VNISA ກ່ຽວກັບການປົກປ້ອງເດັກນ້ອຍໃນສະພາບແວດລ້ອມອິນເຕີເນັດ, ຊ່ວຍໃຫ້ຜູ້ຊົມໃຊ້ ແລະ ພໍ່ແມ່ຜູ້ປົກຄອງເລືອກເອົາບັນດາຜະລິດຕະພັນ, ການບໍລິການທີ່ປອດໄພ. ທ່ານຢືນຢັນວ່າ ການເຊື່ອມຕໍ່ ແລະ ການຮ່ວມມືແມ່ນກຸນແຈເພື່ອແກ້ໄຂບັນດາສິ່ງທ້າທາຍດ້ານການປົກປ້ອງເດັກນ້ອຍໃນພື້ນທີ່ອິນເຕີເນັດ.
 |
| ທ່ານ ດັ້ງຫວູເຊີນ, ຮອງປະທານ VNISA, ອະດີດຫົວໜ້າຄະນະກົດລັບລັດຖະບານ. (ພາບ: ຫງວຽນຕຸ່ງ) |
“ພວກເຮົາເຊື່ອວ່າ ການເຊື່ອມຕໍ່ ແລະ ການຮ່ວມມືແມ່ນກະຸນແຈເພື່ອແກ້ໄຂບັນດາສິ່ງທ້າທາຍ ແລະ ນຳມາເຊິ່ງປະສິດທິຜົນທີ່ສູງກວ່າໃນວຽກງານການປົກປ້ອງເດັກນ້ອຍໃນພື້ນທີ່ອິນເຕີເນັດ. VNISA ໃຫ້ຄຳໝັ້ນສັນຍາຈະສືບຕໍ່ມານະພະຍາຍາມ ແລະ ສົມທົບກັນກັບບັນດາຄູ່ຮ່ວມມືພາຍໃນ ແລະ ຕ່າງປະເທດຢ່າງແໜ້ນແຟ້ນ ເພື່ອຮ່ວມກັນສ້າງສະພາບແວດລ້ອມອິນເຕີເນັດທີ່ປອດໄພ ແລະ ຍືນຍົງໃຫ້ລຸ້ນໜຸ່ມຢ່າງແທ້ຈິງ”, ທ່ານ ດັ້ງຫວູເຊີນ ກ່າວ.
 | ທ່ານຮອງລັດຖະມົນຕີ ຟຸ່ງດຶກຕຽນ ກໍ່ຮຽກຮ້ອງໃຫ້ສະມາຄົມອາຊີບຫາປາ ຫວຽດນາມ ຍູ້ແຮງການໂຄສະນາເຜີຍແຜ່ໃຫ້ຊາວປະມົງຍົກສູງຄວາມຮັບຮູ້ຕໍ່ຄຳໝັ້ນສັນຍາພ້ອມກັບປະຊາຄົມ, ຮ່ວມເດີນທາງພ້ອມກັບອຳນາດການປົກຄອງທຸກຂັ້ນເພື່ອແກ້ໄຂບັດເຫຼືອງ ໂດຍໄວ |
 | ຫວຽດນາມ ໄດ້ເຊີດຊູໃນ 16 ລາງວັນການທ່ອງທ່ຽວແຖວໜ້າໂລກ ຂອງ World Travel Awards 2022 ຍສໝ - ຕາມກົມໃຫຍ່ທ່ອງທ່ຽວແລ້ວ, ລາງວັນດັ່ງກ່າວໄດ້ສະແດງໃຫ້ເຫັນຄວາມຮັກແພງ, ຄວາມຮັບຮູ້ ແລະ ເຊີດຊູຂອງປະຊາຄົມສາກົນກ່ຽວກັບຄວາມດຶງດູດ ແລະ ລະດັບຊັ້ນສູງຂອງການທ່ອງທ່ຽວຫວຽດນາມ. |
ແທັງຮັ່ງ
