ອາຊຽນ ພ້ອມກັບບັນດາຄູ່ຮ່ວມມືສ້າງອະນາຄົດທີ່ວັດທະນາຖາວອນ

	ເລຂາທິການໃຫຍ່ ອາຊຽນ: ຫວຽດນາມ ຮ່ວມແຮງຮ່ວມໃຈປະກອບສ່ວນອັນໃຫຍ່ຫຼວງໃຫ້ແກ່ຜົນງານໃນຕະຫຼອດ 56 ປີຜ່ານມາຂອງ ອາຊຽນ
	ບັນດາປະເທດ ອາຊຽນ ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມ

ເລີ່ມຕົ້ນການເດີນທາງໃໝ່ຂອງຄວາມຫວັງ

ອາຊຽນ ແລະ ສ.ເກົາຫຼີ ຫາກໍ່ສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນ (1989-2024). ເນື່ອງໃນໂອກາດນີ້, ທ່ານ Lee Jang Keun ເອກອັກຄະລັດຖະທູດ ສ.ເກົາຫຼີ ປະຈຳຫວຽດນາມ ເຊື່ອໝັ້ນວ່າ ການເພີ່ມທະວີການຮ່ວມມືລະຫວ່າງ ອາຊຽນ - ສ.ເກົາຫຼີ ຈະປະກອບສ່ວນແບ່ງປັນຄວາມຄ້າຍຄືກັນເພື່ອພ້ອມກັນມຸ່ງໄປເຖິງ ແລະບັນລຸໄດ້ບັນດາເປົ້າໝາຍພັດທະນາລວມ, ຜ່ານນັ້ນປະກອບສ່ວນໃຫ້ແກ່ການພັດທະນາຂອງໂລກ.

ທ່ານເອກອັກຄະລັດຖະທູດ ຢືນຢັນວ່າ ສ.ເກົາຫຼີ ພ້ອມແລ້ວທີ່ຈະສືບຕໍ່ກາຍເປັນຄູ່ຮ່ວມມືຍຸດທະສາດຂອງອາຊຽນໂດຍຜ່ານວິໄສທັດປະຊາຄົມອາຊຽນ ແລະປັບປຸງລາຍການ, ແຜນງານ ເພື່ອຫັນສິ່ງນີ້ໃຫ້ປະກົດຜົນເປັນຈິງ, ໃນນັ້ນມີບັນດາຍຸດທະສາດດຳເນີນທຸລະກິດທີ່ເປັນຄູ່ຮ່ວມມືຍຸດທະສາດ.

ສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນ ອາຊຽນ-ສ.ເກົາຫຼີ (1989-2024). ພາບ: ອາຊຽນ

ທ່ານ Kao Kim Hourn ເລຂາທິການໃຫຍ່ອາຊຽນ ກໍ່ໄດ້ມີບົດກ່າວປາໄສສຳຄັນກ່ຽວກັບການພົວພັນອາຊຽນ - ສ.ເກົາຫຼີ ໃນໄລຍະ 35 ປີຜ່ານມາ. ຕາມທ່ານເລຂາທິການໃຫຍ່ແລ້ວ, ອາຊຽນ ແລະ ສ.ເກົາຫຼີ ໄດ້ຮ່ວມມືກັນໃນຫຼາຍຂົງເຂດ, ໃນນັ້ນມີດ້ານການເມືອງ - ການປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ ແລະການພົບປະແລກປ່ຽນວັດທະນະທຳສັງຄົມ. ຄວາມມານະພະຍາຍາມຮ່ວມມືໃນຕະຫຼອດໄລຍະ 35 ປີທີ່ຜ່ານມາບໍ່ພຽງແຕ່ປັບປຸງການພົວພັນລະຫວ່າງສອງຝ່າຍເທົ່ານັ້ນ, ຫາກຍັງປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະຄວາມຈະເລີນຮຸ່ງເຮືອງຂອງພາກພື້ນອີກດ້ວຍ.

ສຳລັບອາຊຽນ, ປະຈຸບັນ ສ.ເກົາຫຼີ ແມ່ນໜຶ່ງໃນບັນດາຄູ່ຮ່ວມມືເຈລະຈາສຳຄັນທີ່ສຸດຂອງອາຊຽນ, ແມ່ນຄູ່ຮ່ວມມືການຄ້າໃຫຍ່ອັນດັບ 5 ແລະເປັນແຫຼ່ງລົງທຶນຕ່າງປະເທດໃຫຍ່ອັນດັບ 6 ຂອງອາຊຽນ. ໃນໄລຍະຜ່ານມາ, ສ.ເກົາຫຼີ ຍາມໃດກໍ່ສະໜັບສະໜູນຂໍ້ລິເລີ່ມກ່ຽວກັບສູນອາຊຽນ ແລະສ້າງປະຊາຄົມ, ສ້າງເງື່ອນໄຂໃຫ້ບັນດາໂຄງການຮ່ວມມືທີ່ນຳມາເຊິ່ງຜົນປະໂຫຍດທີ່ແທດຈິງໃຫ້ແກ່ປະຊາຊົນ ແລະພື້ນຖານເສດຖະກິດຂອງອາຊຽນ.

ບັນດາຜົນງານຂອງການຮ່ວມມືທີ່ອາຊຽນ ແລະ ສ.ເກົາຫຼີ ບັນລຸໄດ້ໃນໄລຍະ 35 ປີຜ່ານມາໄດ້ສ້າງພື້ນຖານອັນໜັກແໜ້ນເພື່ອຊຸກຍູ້ການພົວພັນຄູ່ຮ່ວມມືລະຫວ່າງສອງຝ່າຍ. ພິເສດ, ຖະແຫຼງການຮ່ວມສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ ອາຊຽນ-ສ.ເກົາຫຼີ ຢູ່ນະຄອນຫຼວງວຽງຈັນ, ລາວ ໃນເດືອນຕຸລາ 2024 ແມ່ນຂີດໝາຍແຫ່ງການພັດທະນາໃໝ່ ເນື່ອງໃນໂອກາດສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນລະຫວ່າງ ອາຊຽນ ແລະ ສ.ເກົາຫຼີ.

ອາຊຽນ ແລະ ຈີນ ມຸ່ງໄປສູ່ອະນາຄົດລວມ

ໃນອາທິດທີ່ຜ່ານມາ, ຢູ່ອິນໂດເນເຊຍ, ເວທີປາໄສ ຈາກາຕາ ກ່ຽວກັບການພົວພັນອາຊຽນ-ຈີນ ໄດ້ໄຂຂຶ້ນໂດຍມີການເຂົ້າຮ່ວມຂອງຜູ້ຕາງໜ້າຄະນະຜູ້ແທນບັນດາປະເທດອາຊຽນ, ຜູ້ຕາງໜ້າລັດຖະບານ, ວິສາຫະກິດ, ນັກສຶກສາ ແລະອົງການຈັດຕັ້ງສັງຄົມຂອງບັນດາປະເທດອາຊຽນ ແລະຈີນ.

ທ່ານນາງ Hou Yanqi ເອກອັກຄະລັດຖະທູດຈີນ ປະຈຳອາຊຽນ ໄດ້ເນັ້ນໜັກເຖິງຄວາມສຳຄັນຂອງການພົວພັນລະຫວ່າງປະຊາຊົນກັບປະຊາຊົນ ແລະບັນດາການເຈລະຈາໃນການສ້າງປະຊາຄົມອາຊຽນ-ຈີນ ມຸ່ງໄປເຖິງອະນາຄົດຮ່ວມ. ຕາມທ່ານນາງ Hou Yanqi ແລ້ວ, ອາຊຽນ ແລະ ຈີນ ໄດ້ສ້າງແຜນການແລກປ່ຽນ ແລະການຮ່ວມມືໃນ 12 ຂົງເຂດ, ຄື: ວັດທະນະທຳ, ການສຶກສາ, ສາທາລະນະສຸກ, ກິລາ, ໄວໜຸ່ມ, ສື່ມວນຊົນ, ກຸ່ມຄົ້ນຄ້ວາ, ສິລະປະ... ແລະໄດ້ເຫັນດີເປັນເອກະພາບສືບຕໍ່ແກ່ຍາວປີພົບປະແລກປ່ຽນປະຊາຊົນ ອາຊຽນ - ຈີນ ຮອດປີ 2025. ສອງຝ່າຍໄດ້ຢືນຢັນຄືນໃໝ່ກ່ຽວກັບການສະໜັບສະໜູນສໍາລັບສູນອາຊຽນ-ຈີນ ແລະກອງທຶນການຮ່ວມມືອາຊຽນ-ຈີນ, ພ້ອມກັບຫົວຂໍ້ການເພີ່ມທະວີການເຊື່ອມຕໍ່ ແລະຄວາມສາມາດຟື້ນຟູຂອງປີນີ້.

ເວທີປາໄສຈາກາຕາ ກ່ຽວກັບການພົວພັນອາຊຽນ-ຈີນ. ພາບ: ສໍານັກຂ່າວສານຫວຽດນາມ

ທ່ານ Kao Kim Hourn ເລຂາທິການໃຫຍ່ອາຊຽນ ຢືນຢັນວ່າ ຄວາມສະໜິດຕິດພັນລະຫວ່າງປະຊາຊົນກັບປະຊາຊົນສະແດງໃຫ້ເຫັນເຖິງມະນຸດສະທຳຂອງການພົວພັນຄູ່ຮ່ວມມືອາຊຽນ - ຈີນ ຜ່ານການແລກປ່ຽນວັດທະນະທຳ, ການຮ່ວມມືດ້ານການສຶກສາ ແລະບັນດາຂໍ້ລິເລີ່ມ. ສອງຝ່າຍເພີ່ມພູນຄູນສ້າງຄວາມເຂົ້າໃຈ, ເຄົາລົບ, ໄວ້ເນື້ອເຊື່ອໃຈເຊິ່ງກັນ ແລະກັນ ແລະມີຈຸດໝາຍລວມກ່ຽວກັບການພັດທະນາ. ທ່ານ Kao Kim Hourn ຢືນຢັນວ່າ, ການພົວພັນອາຊຽນ-ຈີນ ໄດ້ພັດທະນາຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານ. ນີ້ແມ່ນໜຶ່ງໃນບັນດາການພົວພັນຄູ່ຮ່ວມມືທີ່ເຂັ້ມແຂງ, ຂະຫຍັນຂັນເຄື່ອນ ແລະມີຄວາມໝາຍທີ່ສຸດຂອງອາຊຽນ, ໂດຍທັງສອງຝ່າຍໄດ້ໃຫ້ຄຳໝັ້ນສັນຍາເພີ່ມທະວີ ແລະປັບປຸງຢ່າງບໍ່ຢຸດຢັ້ງເພື່ອຮັບມືກັບບັນດາສິ່ງທ້າທາຍ ແລະຄວາມຕ້ອງການທີ່ພວມປ່ຽນແປງຂອງຍຸກສະໄໝ. ການພັດທະນາໄດ້ສະແດງໃຫ້ເຫັນໂດຍຜ່ານການຮ່ວມມືຢ່າງເລິກເຊິ່ງກວ້າງຂວາງໃນຂົງເຂດ ເຊັ່ນ ການຄ້າ ແລະການລົງທຶນ, ວັດທະນະທໍາ ແລະຄວາມສະຫງົບໃນພາກພື້ນຕ່າງໆ.

ໃນຖານະເປັນຄູ່ຮ່ວມມືການຄ້າໃຫຍ່, ອາຊຽນ ແລະຈີນ ຄາດວ່າຈະເພີ່ມທະວີຕ່ອງໂສ້ການສະໜອງ ແລະຄວາມສາມາດຟື້ນຟູເສດຖະກິດຂອງພາກພື້ນ ແລະໂລກ. ໜຶ່ງໃນຄວາມມານະພະຍາຍາມທີ່ພວມປະຕິບັດເພື່ອແນໃສ່ເພີ່ມທະວີການເຊື່ອມຕໍ່ລະຫວ່າງອາຊຽນ ກັບຈີນ ແມ່ນການເປີດເວັບໄຊທ່ອງທ່ຽວອາຊີຕາເວັນອອກສ່ຽງໃຕ້ - ຈີນ. ເວທີປາໄສລວມມີສອງວາລະປຶກສາຫາລືກ່ຽວກັບຄວາມຮັບຜິດຊອບ ແລະການປະກອບສ່ວນຂອງວິສາຫະກິດໃນການຊຸກຍູ້ການເຊື່ອມຕໍ່ ອາຊຽນ - ຈີນ; ບັນດາຜົນງານ ແລະການຮ່ວມມືໃນອະນາຄົດກ່ຽວກັບການເພີ່ມທະວີສາຍພົວພັນລະຫວ່າງປະຊາຊົນອາຊຽນ - ຈີນ.

ບັນດາຜູ້ແທນໄດ້ເຫັນດີເປັນເອກະພາບກັນວ່າ ຄວາມສະໜິດຕິດພັນລະຫວ່າງປະຊາຊົນກັບປະຊາຊົນແມ່ນໜຶ່ງໃນການຄືບໜ້າຢ່າງແຂງແຮງລະຫວ່າງອາຊຽນ ກັບຈີນ ໃນປະຈຸບັນ. ສິ່ງນັ້ນແມ່ນສອດຄ່ອງກັບຫຼັກການຂອງອາຊຽນ ກ່ຽວກັບບັນດາເສົາຄ້ຳ ແລະອະນາຄົດຂອງການພົວພັນລະຫວ່າງສອງຝ່າຍ. ນີ້ຍັງຖືວ່າເປັນນິຍາມດ້ານພູມສາດການເມືອງໃໝ່, ນິຍາມນະໂຍບາຍການພົວພັນຕ່າງປະເທດໃໝ່. ບັນດາການປຶກສາຫາລືຈະປະກອບສ່ວນຊຸກຍູ້ການພົບປະແລກປ່ຽນປະຊາຊົນ, ການເຊື່ອມຕໍ່ພື້ນຖານໂຄງລ່າງ, ການເຊື່ອມຕໍ່ດ້ານລະບອບລະບຽບການ, ຊຸກຍູ້ການຮ່ວມມືດ້ານເສດຖະກິດ ແລະພັດທະນາສັງຄົມຂອງພາກພື້ນ.

ຫວຽດນາມ ຢັ້ງຢືນຖານະທີ່ຕັ້ງໃນອາຊຽນ: ຮ່ວມມື, ພັດທະນາ ແລະເຊື່ອມຕໍ່ພາກພື້ນ ຍສໝ - ດ້ວຍຂີດໝາຍສຳຄັນໃນໄລຍະ 30 ປີຜ່ານມາ, ຫວຽດນາມ ໄດ້ມານະພະຍາຍາມຢ່າງບໍ່ຢຸດຢັ້ງເພື່ອຮັກສາຄວາມສາມັກຄີ, ເປັນເອກະພາບ ແລະເພີ່ມທະວີບົດບາດໃຈກາງຂອງອາຊຽນ ເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນ ແລະໃນໂລກ.

ກອງປະຊຸມເຈົ້າຄອງນະຄອນຫຼວງອາຊຽນ ແລະ ກອງປະຊຸມເວທີເຈົ້ານະຄອນອາຊຽນ ປີ 2024 ສປປ ລາວ ເປັນເຈົ້າພາບຈັດກອງປະຊຸມເຈົ້າຄອງນະຄອນຫຼວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ປີ 2024 ພາຍໃຕ້ຄໍາຂັວນ“ ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ເພື່ອການ ພັດທະນາແບບຍືນຍົງ ຂອງບັນດານະຄອນອາຊຽນ.