| ຫວຽດນາມ-ສະຫະປະຊາຊາດ: ເປີດກວ້າງການຮ່ວມມື, ເພື່ອອະນາຄົດອັນດີງາມກວ່າເກົ່າ | |
| ສະຫາຍເລຂາທິການໃຫຍ່, ປະທານປະເທດ ຫວຽດນາມ ເດີນທາງໄປເຂົ້າຮ່ວມກອງປະຊຸມສະມັດຊາໃຫຍ່ສະຫະປະຊາຊາດ ຊຸດທີ 79 ແລະ ຢ້ຽມຢາມທາງລັດຖະກິດກູບາ |
ອົງການຫຼາຍຝ່າຍນີ້ຕີລາຄາວ່າ ນີ້ແມ່ນແຜນການພັດທະນາໃນອະນາຄົດທີ່ມີລັກສະນະບຸກທະລຸ. ສົນທິສັນຍາດັ່ງກ່າວໄດ້ກຳນົດ 56 ການກະທຳ, ໃນນັ້ນມີຄຳໝັ້ນສັນຍາກ່ຽວກັບລັດທິຫຼາຍຝ່າຍ, ຮັກສາກົດບັດສະຫະປະຊາຊາດ ແລະ ການຮັກສາສັນຕິພາບ. ເນື້ອໃນຂອງສົນທິສັນຍາຍັງເນັ້ນໜັກເຖິງຄວາມເຊື່ອໝັ້ນໃນ “ເສັ້ນທາງນຳໄປສູ່ອະນາຄົດອັນສົດໃສຂອງມວນມະນຸດທັງໝົດ”.
ໍກ່າວຄຳປາໄສໃນພີທີ່ນີ້, ທ່ານເລຂາທິການໃຫຍ່ສະຫະປະຊາຊາດ Antonio Guterres ໄດ້ກ່າວແຈ້ງບົດບາດຂອງສົນທິສັນຍາທີ່ຫາກໍ່ໄດ້ຮັບການຮັບຮອງເອົາ, ຖືວ່າ ບັນດາສັນຍາທີ່ສຳຄັນຂອງອົງການແມ່ນບາດກ້າວຫັນປ່ຽນມຸ່ງໄປສູ່ລັດທິຫຼາຍຝ່າຍຢ່າງມີປະສິດທິຜົນກວ່າ, ຮອບດ້ານກວ່າ ແລະ ມີການພົວພັນຮ່ວມມືຫຼາຍກວ່າອີກ.
ໍທ່ານນາຍົກລັດຖະມົນຕີ ຍີ່ປຸ່ນ Kishida Fumio ຮຽກຮ້ອງໃຫ້ປະຕິຮູບສະພາຄວາມໝັ້ນຄົງສະຫະປະຊາຊາດ ເພື່ອຮັກສາສັນຕິພາບ ແລະ ສະຖຽນລະພາບໃນໂລກ. ທ່ານນາຍົກລັດຖະມົນຕີ Kishida ໄດ້ກ່າວແຈ້ງວ່າ: ບັນດາປະເທດສ່ວນຫຼາຍສະໜັບສະໜູນການຜັນຂະຫຍາຍຈຳນວນສະມາຊິກຖາວອນ ແລະ ບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດ; ຮຽກຮ້ອງໃຫ້ປະຕິບັດການປະຕິຮູບສະພາຄວາມໝັ້ນຄົງຮອດປີ 2025 ໂດຍໄວ, ເຊິ່ງກົງກັບເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງອົງການສະຫະປະຊາຊາດ. ທ່ານນາຍົກລັດຖະມົນຕີ ຍີ່ປຸ່ນ ກ່າວວ່າ ຄວາມເປັນລະບຽບຮຽບຮ້ອຍສາກົນທີ່ເສລີພາບ ແລະ ເປີດກວ້າງບົນພື້ນຖານກົດໝາຍ ຈະສ້າງເງື່ອນໄຂໃຫ້ປະເທດພັດທະນາແບບຍືນຍົງ ແລະ ວັດທະນາຖາວອນ.
ແທັງຮັ່ງ
