ຫໍບູຊາເຈົ້າຍິງ, ສັນຍາລັກແຫ່ງນໍ້າໃຈມິດຕະພາບ ຫວຽດນາມ - ລາວ
ຍສໝ -ຫໍ ເທື້ອງທ້າຍເຊິ່ນ ຢູ່ແຂວງນິ່ງບິງ ໄຫວ້ບູຊາເຈົ້າຍິງປະເທດລາວທີ່ມີຊື່ວ່າ ໂຍ່ຍຮວາ, ຫຼາຍຮ້ອຍປີມາແລ້ວປະຊາຊົນໄດ້ຮັກສາໄວ້, ເປັນຫຼັກຖານສະແດງເຖິງນໍ້າໃຈສາມັກຄີລະຫວ່າງປະຊາຊົນສອງຊາດ ຫວຽດນາມ - ລາວ.
 |
| ຫໍບູຊາ ເທື້ອງທ້າຍເຊິ່ນ ໄຫວ້ບູຊາເຈົ້າຍິງຂອງລາວ ທີ່ມີຊື່ວ່າ ເຈົ້າຍິງ ໂຍ່ຍຮວາ, ຕັ້ງຢູ່ເທິງຈອມພູ. ຫໍແມ່ນຕັ້ງຢູ່ບ້ານ ທ້າຍເຊີ່ນ, ຕາແສງ ເຊີນລາຍ, ເມືອງ ຢໍ່ກວ່ານ (ແຂວງ ນິງບິ່ງ). ຜ່ານໄປຫຼາຍສັດຕະວັດ, ຫໍບູຊາ ແລະ ຈຸດພິເສດວັດທະນະທຳລາວ ໄດ້ຮັບການປົກປັກຮັກສາຈາກປະຊາຊົນຢູ່ທີ່ນີ້, ກາຍເປັນສັນຍາລັກວັດທະນະທຳທີ່ສວຍງາມຂອງມິດຕະພາບ ຫວຽດນາມ - ລາວ. ພາບ: ດິງມິນ. |
 |
| ຄຽງຄູ່ກັບຊື່ຂອງຫໍບູຊາ ເທື້ອງ, ປະຊາຊົນຢູ່ທີ່ນີ້ຍັງເຄົາລົບນັບຖືເອີ້ນຫໍບູຊາເຈົ້າຍິງ ໂຍ່ຍຮວາ ວ່າຫໍບູຊາ ເຈົ້າຍິງຍ່າ ໂຍ່ຍຮວາ (Ba Chua Hoa) ຫຼື ຫໍເມົ້້າ. ຫໍແມ່ນຕັ້ງຢູ່ໃນໝູ່ບ້ານທີ່ມີຄວາມສະຫງົບຢູ່ໃນທ່າມກາງພູຜາ ແລະ ເນີນພູທີ່ໃຫຍ່ໂຕສວຍງາມ. ພາບ: ດິງມິນ. |
 |
 | | ທ່ານ ເຮື້ຶອແມ້ງຈິ່ງ, ຮອງປະທານຄະນະກຳມະການປະຊາຊົນຕາແສງ ເຊີນລາຍ ໃຫ້ຮູ້ວ່າ: ຕາມບັນທຶກໃນປະຫວັດສາດເກົ່າ, ໃນສະຕະວັດທີ 15, ພາຍໃຕ້ການປົກຄອງຂອງກະສັດ ເລແທັງຕົງ, ມີເຈົ້າຍິງຂອງລາວ, ແປອອກສຽງເປັນພາສາຫວຽດນາມແມ່ນ ໂຍ່ຍຮວາ, ໄດ້ເຮັດຕາມຄຳສັ່ງຂອງເຈົ້າຊີວິດຜູ້ເປັນພໍ່ ໂດຍພາຊ້າງຫຼາຍຮ້ອຍໂຕມາ ແລະ ຊ່ວຍຝຶກຊ້ອມຊ້າງໃຫ້ ດ້າຍຫວຽດ ເພື່ອຕໍ່ສູ້ກັບສັດຕູ. ຫຼັງຈາກສຳເລັດພາລະກິດແລ້ວ, ໃນໄລຍະທາງກັບຄືນບ້ານ, ໂຊກບໍ່ດີເຈົ້າຍິງ ໂຍ່ຍຮວາ ໄດ້ເປັນພະຍາດ ລົ້ມປ່ວຍ ແລະ ເສຍຊີວິດ. ພາບ: ດິງມິນ. | |
 |
| ຈົດຈໍາຄຸນງາມຄວາມດີຂອງເຈົ້າຍິງ, ເຈົ້າຊີວິດ ເລແທັງຕົງ ໄດ້ກໍ່ສ້າງສຸສານ ແລະ ສ້າງຫໍບູຊາເຈົ້າຍິງ. ສະຖານທີ່ທີ່ເຈົ້າຍິງຢູ່ຢ່າງສະຫງົບສຸກແມ່ນເຂດບ້ານ ທ້າຍເຊີນ, ຕາແສງ ເຊີນລາຍ ໃນທຸກມື້ນີ້. ພາບ: ດິງມິນ. |
 |
| ປະຈຸບັນ, ສະຖານທີ່ອະນຸສອນສະຖານປະກອບດ້ວຍ 2 ພາກສ່ວນຄື: ຫໍບູຊາເທື້ອງ - ໄຫວ້ບູຊາເຈົ້າຍິງ ໂຍ່ຍຮວາ ແລະ ຫໍບູຊາຮະ - ໄຫວ້ບູຊາເຈົ້າຊີວິດ ກຸ້ຍມິນ ດາຍເວື່ອງ. ພາບ: ດິງມິນ.  |  | | ປະຈຸບັນ, ຮ່ອງຮອຍປະຫວັດສາດແຫ່ງນີ້ຍັງຄົງຮັກສາບັນດາປູຊະນີຍະສະຖານ, ເຄື່ອງບູຊາຂອງລາຊະວົງສະໄໝຫງວ້ຽນ, ໃນນັ້ນມີແທ່ນບູຊາຢູ່ຫໍບູຊາທີ່ມີຮູບເຈົ້າຍິງ ໂຍ່ຍຮວາ ທີ່ແກະສະຫຼັກດ້ວຍໄມ້. ພາບ: ດິງມິນ. | | |
 | | ເຈົ້າຍິງ ໂຍ່ຍຮວາ ໄດ້ຮັບນາມມະຍົດຈາກກະສັດຫຼາຍເຊັ່ນຄົນ, ພິເສດແມ່ນໄດ້ຮັບນາມມະຍົດເປັນເຈົ້າຊີວິດຊັ້ນສູງໃນສະໄໝລາຊະວົງ ຫງວຽນ. ພາບ: ດິງມິນ.  |  | | ວັນທີ 11 ເມສາ 2024, ຄະນະປະຕິບັດງານຂອງ ທ່ານເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ສສ ຫວຽດນາມ ທ່ານ ນາງ ຄຳເພົາ ເອີນທະວັນ ໄດ້ມາຈູດທູບໄຕ້ທຽນ ແລະ ປູກຕົ້ນໄມ້ທີ່ລະນຶກຢູ່ຫໍບູຊາເຈົ້າຍິງ ໂຍ່ຍຮວາ. ພາບ: ດິງມິນ. | | | |
 |
| ຫໍບູຊາເຈົ້າຍິງ ໂຍ່ຍຮວາ ໄດ້ຮັບຮັບຮອງເປັນຮ່ອງຮອຍປະຫວັດສາດລະດັບແຂວງໃນປີ 2007. ພາບ: ດິງມິງ. |
 |
| ທຸກໆປີ, ປະຊາຊົນໃນເຂດດັ່ງກ່າວໄດ້ຈັດງານບຸນປະເພນີໃນມື້ຂຶ້ນ 3 ຄໍ່າເດືອນ 3 (ຕາມຈັນທະປະຕິທິນ) ໂດຍມີກິດຈະກໍາສິນລະປະວັດທະນະທໍາ, ໃນນັ້ນ ຈະມີຟ້ອນລໍາຕາມຈັງຫວະເພງຈໍາປາ (ເພງປະເພນີພື້ນເມືອງລາວ) ເພື່ອເປັນການລະນຶກເຖິງຄຸນງາມຄວາມດີຂອງເຈົ້າຍິງ ໂຍ່ຍຮວາ. ພາບ: ດິງມິນ. |
 |
| ບໍ່ພຽງແຕ່ແມ່ນຮ່ອງຮອຍປະຫວັດສາດເທົ່ານັ້ນ, ຫໍບູຊາເຈົ້າຍິງປະເທດລາວ ຍັງເປັນການຢັ້ງຢືນໃຫ້ເຫັນເຖິງນ້ຳໃຈສາມັກຄີລະຫວ່າງຊາວ ຫວຽດນາມ ແລະ ລາວ. ໃນຮູບພາບແມ່ນເສັ້ນທາງຂຶ້ນໄປຍັງຫໍບູຊາ ເທື້ອງ, ບ່ອນທີ່ບູຊາເຈົ້າຍິງໂຍ່ຍຮວາ. ພາບ: ດິງມິນ. |
ອ.ສະຫວັດ
