| ແມ່ຍິງເຊື້ອຊາດຫວຽດນາມຄົນໜຶ່ງ ໄດ້ຮັບລາງວັນອັນສູງສົ່ງທີ່ສຸດຈາກສ.ເກົາຫຼີ ກ່ຽວກັບບັນດາການເຄື່ອນໄຫວທຳການກຸສົນ | |
| ລາວມອບໃບຍ້ອງຍໍໃຫ້ສ່ວນບຸກຄົນ ແລະໝູ່ຄະນະຊາວຫວຽດນາມ ທີ່ຕັ້ງໜ້າເຄື່ອນໄຫວການກຸສົນ |
ສະຫະລັດອາເມລິກາ ເປັນປະເທດທີ່ມີລະບົບກົດໝາຍກ່ຽວກັບການກຸສົນທີ່ຮັບປະກັນການປະຕິບັດສິດ ແລະ ພັນທະຂອງເປົ້າໝາຍທີ່ເຂົ້າຮ່ວມກິດຈະກໍາການກຸສົນຢ່າງຊື່ສັດ, ຍຸຕິທໍາ, ເປັນເອກະລາດ, ເປີດເຜີຍຕໍ່ສາທາລະນະ, ໂປ່ງໃສ, ມີຄວາມຮັບຜິດຊອບ ແລະ ການຄວບຄຸມຢ່າງເຂັ້ມງວດ.
ບຸກຄົນ ແລະ ອົງການຈັດຕັ້ງການກຸສົນຕ້ອງດຳເນີນກິດຈະກຳການກຸສົນດ້ວຍຈຸດປະສົງເພື່ອນຳເອົາຜົນປະໂຫຍດອັນດີທີ່ສຸດມາສູ່ຊຸມຊົນ ແລະ ສັງຄົມ, ບໍ່ແມ່ນເພື່ອຜົນປະໂຫຍດຂອງບຸກຄົນ ຫຼື ອົງກອນການກຸສົນເອງ.
 |
| ຊ່ວຍເຫຼືອອາຫານການກຸສົນສໍາລັບຜູ້ທຸກຍາກໃນອາເມລິກາ |
ເຜີຍແພ່ຂໍ້ມູນຂ່າວສານກ່ຽວກັບຊ່ອງທາງສື່ມວນຊົນຕາມຂໍ້ກໍານົດຂອງກົດໝາຍໃຫ້ຊຸມຊົນ ແລະ ປະຊາຊົນທີ່ກ່ຽວຂ້ອງກັບໂຄງການການກຸສົນໄດ້ຮັບຮູ້. ອົງການຈັດຕັ້ງຄຸ້ມຄອງເຊັ່ນ: ຄະນະກໍາມະການການກຸສົນ ຫຼື ອົງການພາສີ, ກໍ່ຄືສານ ຈະມີຄວາມຮັບຜິດຊອບ ແລະ ສິດພັນທະເພື່ອຕິດຕາມກວດກາການປະຕິບັດບັນດາຂໍ້ມາດຕາຂອງໂຄງການການກຸສົນໄລຍະຍາວ. ອົງການຈັດຕັ້ງການກຸສົນຕາມຂໍ້ກຳນົດຂອງກົດຫມາຍລັດ ແລະ ກົດຫມາຍຂອງບັນດາລັດນ້ອຍ ຕ້ອງປະຕິບັດພັນທະໜ້າທີ່ການລາຍງານປະຈໍາປີຕໍ່ອົງການແຫ່ງລັດທີ່ມີສິດອຳນາດຂອງລັດຖະບານລັດ ແລະລັດນ້ອຍ. ເຖິງແມ່ນວ່າອົງການຈັດຕັ້ງທີ່ບໍ່ມີຜົນກໍາໄລບໍ່ຕ້ອງເສຍພາສີ, ແຕ່ພວກເຂົາຍັງຈໍາເປັນຕ້ອງຍື່ນໃບແຈ້ງຂໍ້ມູນຕໍ່ເຈົ້າຫນ້າທີ່ພາສີໃນແຕ່ລະປີ.
ການປະຕິບັດຄວາມຮັບຜິດຊອບຍື່ນສະເໜີແມ່ນການເຄື່ອນໄຫວປົກກະຕິ ແລະ ຕໍ່ເນື່ອງຂອງອົງການຈັດຕັ້ງການກຸສົນ. ໜຶ່ງໃນບັນດາຄວາມຮຽກຮ້ອງຕ້ອງການທີ່ສູງກວ່າແມ່ນຄວາມຮັບຜິດຊອບທີ່ກ່ຽວຂ້ອງກັບການປະເມີນຜົນຢ່າງພາວະວິໄສ, ລັກສະນະປະສິດທິຜົນ, ຮັບປະກັນບູລິມະສິດໃນໂຄງການ...
ກົດໝາຍຂອງອາເມລິກາ ກໍ່ຄວບຄຸມຢ່າງເຂັ້ມງວດເພື່ອປ້ອງກັນຄວາມສ່ຽງຂອງການຟອກເງິນ ແລະ ອຸປະຖຳໃຫ້ຜູ້ກໍ່ການຮ້າຍໂດຍຜ່ານກິດຈະກໍາການກຸສົນ. ບັນດາບຸກຄົນ ແລະ ອົງການຈັດຕັ້ງໃນຂົງເຂດນີ້ຕ້ອງກວດກາ, ຢັ້ງຢືນເຈົ້າຂອງບັນຊີຜູ້ຮັບບໍລິຈາກ ກ່ອນທີ່ຈະເຮັດທຸລະກໍາການໂອນເງິນ.
ອັງກິດ
ກົດໝາຍວ່າດ້ວຍການກຸສົນຂອງອັງກິດ (Charities Act 2011) ກຳນົດການເຄື່ອນໄຫວການບັນເທົາທຸກໄພພິບັດທໍາມະຊາດ ແລະ ມະນຸດສະທໍາເປັນຮູບແບບໜຶ່ງຂອງກິດຈະກໍາການກຸສົນ ເຊິ່ງມີຂອບເຂດການຄຸ້ມຄອງທີ່ກວ້າງຂວາງຫຼາຍ. ຮູບແບບການກຸສົນໃນປະເທດອັງກິດ ຮັບປະກັນຄວາມຫຼາກຫຼາຍຂອງສັງຄົມ, ບໍ່ຈໍາແນກ ແລະ ບໍ່ເຮັດໃຫ້ສັງຄົມມີຄວາມຂັດແຍ້ງກັບລັດ. ຢ່າງໃດກໍ່ຕາມ, ອີງຕາມກົດຫມາຍຂອງອັງກິດ, ກິດຈະກໍາການກຸສົນຕ້ອງໄດ້ຮັບການລົງທະບຽນເພື່ອໃຫ້ອຳນາດການປົກຄອງສາມາດຕິດຕາມການເຄື່ອນໄຫວຕ່າງໆຕາມມາດຕະຖານທາງດ້ານກົດຫມາຍ ແລະ ຫຼີກລ່ຽງການລ່ວງລະເມີດສໍ້ໂກງ ຕົວະຕົ້ມ. ນອກຈາກນັ້ນ, ແມ່ນເພື່ອໄດ້ຮັບການຮັບຮອງສິດການຍົກເວັ້ນພາສີລາຍຮັບ ສໍາລັບກິດຈະກໍາການກຸສົນ.
ຕົວເລກການລົງທະບຽນການກຸສົນ ໄປຄຽງຄູ່ກັບການແຈ້ງພາສີ, ລັດຈໍາກັດລາຍໄດ້ຂອງອົງການຈັດຕັ້ງ ແລະ ຜູ້ທີ່ເຮັດການກຸສົນ.
ຕ້ອງລົງທະບຽນກິດຈະກໍາທັງຫມົດທີ່ນໍາມາເຊິ່ງລາຍຮັບໃຫ້ແກ່ອົງການຈັດຕັ້ງ ແລະ ບຸກຄົນຫຼາຍກວ່າ 100.000 ປອນອັງກິດ (ເທົ່າກັບ 136,000 ໂດລາ) ໃນການຈ່າຍພາສີໃນປີ. ຈໍານວນທີ່ສູງກວ່າລະດັບນັ້ໜ ແລະ ໄດ້ຮັບ "ການຍົກເວັ້ນພາສີລາຍຮັບ" ຈະບໍ່ຕົກຢູ່ໃນກະເປົ໋າຂອງຜູ້ເຮັດການກຸສົນ, ແຕ່ຈະຖືກໂອນກັບຄືນສູ່ກິດຈະກໍາການກຸສົນຫຼັງຈາກ ພະແນກພາສີ ລາດຊະວົງ (HMRC) ຈ່າຍຄືນໃຫ້ກັບສະມາຄົມການກຸສົນໃນຮູບແບບຂອງ Gift Aid ເພື່ອເຮັດວຽກງານອາສາສະຫມັກ.
ອົດສະຕາລີ
ໜ້າເວບໄຊຂໍ້ມູນຂອງຄະນະກຳມະການການກຸສົນ ແລະ ບໍ່ຫວັງຜົນກຳໄລຂອງອົດສະຕາລີ (ACNC) ໄດ້ລົງເຜີຍແຜ່ຂໍ້ມູນການແນະນຳຂໍ້ກຳນົດຢ່າງຈະແຈ້ງກ່ຽວກັບຄວາມໂປ່ງໃສດ້ານການເງິນ ແລະ ພັນທະການຄຸ້ມຄອງຂອງສະມາຊິກອົງການຈັດຕັ້ງການກຸສົນ. ຕາມນັ້ນແລ້ວ, ຜູ້ທີ່ເຮັດວຽກງານການກຸສົນ, ພາຍຫຼັງປຸກລະດົມແຫຼ່ງກຳລັງປະກອບສ່ວນທີ່ຈຳເປັນເພື່ອຮັບໃຊ້ເຂົ້າໃນວຽກງານການກຸສົນ, ຕ້ອງຮັບປະກັນວ່າແຫຼ່ງກໍາລັງດັ່ງກ່າວບໍ່ຖືກລ່ວງລະເມີດ, ໄດ້ນຳໃຊ້ຢ່າງມີປະສິດທິຜົນ, ຖືກຕ້ອງຕາມລະບຽບກົດໝາຍຂອງລັດນ້ອຍ ແລະ ເຂດແຄ້ວນ.
 |
| ກິດຈະກໍາການກຸສົນແມ່ນມາຈາກຄວາມຮັກແພງ ແລະ ຄວາມຮັບຜິດຊອບ |
ພວກເຂົາຕ້ອງຮັບປະກັນວ່າ ທຸກໆກິດຈະກໍາທີ່ສ້າງກອງທຶນຂື້ນຕື່ມນັ້ນລ້ວນແຕ່ໄປຕາມວິທີທີ່ມີປະໂຫຍດສູງສຸດຕໍ່ການເຄືື່ອນໄຫວການກຸສົນ. ສິ່ງນີ້ລວມມີການພິຈາລະນາຈຸດປະສົງຂອງການກຸສົນ, ຜູ້ໄດ້ຊົມໃຊ້ ແລະ ຜົນກະທົບຕໍ່ສາທາລະນະ ແລະ ຜູ້ອຸປະຖຳທີ່ມີກຳລັງບົ່ມຊ້ອນອື່ນໆ. ກ່ຽວພັນກັບກັບການຄຸ້ມຄອງ ແລະ ນຳໃຊ້ເງິນການກຸສົນ, ຜູ້ເຮັດວຽກການກຸສົນຕ້ອງສຳເນົາເອກະສານການເງິນ, ລາຍງານປະຈຳປີ, ແຈ້ງໃຫ້ເຈົ້າໜ້າທີ່ເມື່ອມີການປ່ຽນແປງ ແລະ ປະຕິບັດລະບຽບການອື່ນໆ. ຖ້າພວກເຂົາບໍ່ປະຕິບັດຕາມ, ພວກເຂົາຈະມີຄວາມສ່ຽງຕໍ່ການຖືກປັບໃຫມຈາກ ANC.
ເຢຍລະມັນ
ຕາມຂໍ້ກຳນົດຂອງປະມວນກົດໝາຍແພ່ງຂອງເຢຍລະມັນ, ການບໍລິຈາກເພື່ອການກຸສົນແມ່ນຂອງຂວັນ. ຖ້າການບໍລິຈາກໄດ້ຮ່ວມສຳພັນກັບຈຸດປະສົງລະອຽດນັ້ນ, ຜູ້ບໍລິຈາກສາມາດຮຽກຮ້ອງໃຫ້ຕອບສະໜອງຕາມເງື່ອນໄຂຂອງຕົນ. ຖ້າຜູ້ຮັບບໍ່ໄດ້ນໍາໃຊ້ການບໍລິຈາກຕາມທີ່ໄດ້ຕົກລົງກັນ, ຜູ້ໃຫ້ທຶນສາມາດຮ້ອງຂໍຄືນການປະກອບສ່ວນທາງດ້ານການເງິນຂອງຕົນ. ຖ້າຜູ້ຮັບບໍ່ນຳໃຊ້ບ້ວງບໍລິຈາກຖືືກຕາມການຕົກລົງກັນ, ຜູ້ບໍລິຈາກສາມາດຮຽກຮ້ອງໃຫ້ສົ່ງເງິນຄືນ. ການເຄື່ອນໄຫວບໍລິຈາກກ່ຽວຂ້ອງເຖິງລາຍຮັບ ແລະ ລາຍຈ່າຍ; ດັ່ງນັ້ນ, ພະແນກການເງິນຈຶ່ງເປັນອົງການທີ່ມີສິດອຳນາດໃນການກວດສອບ ແລະ ບັງຄັບໃຊ້ມາດຕະການລົງໂທດ ເມື່ອກວດພົບການລະເມີດ. ຢູ່ເຢຍລະມັນ ບັນດານັກຮ້ອງ, ນັກສະແດງຮູບເງົາ, ນັກກິລາຫຼາຍຄົນໄດ້ເຂົ້າຮ່ວມການລະດົມເພື່ອການກຸສົນຢ່າງຟົດຟື້ນ. ເຖິງຢ່າງໃດກໍຕາມ, ບໍ່ເປັນເລື່ອງເປັນລາວຂຶ້ນຍ້ອນເຂົາເຈົ້າບໍ່ຮັບເອົາການບໍລິຈາກດ້ວຍຕົນເອງ ມີແຕ່ພຽງແຕ່ຮຽກຮ້ອງການປະກອບສ່ວນໃຫ້ແກ່ອົງການຈັດຕັ້ງໃດໜຶ່ງ ຕົວຢ່າງເຊັ່ນ: ອົງການບ້ານເດັກ SOS, ຄະນະກຳມະການເຢຍລະມັນເພື່ອອົງການ UNICEF...
ສະຖາບັນຄົ້ນຄ້ວາສູນກາງຂອງເຢຍລະມັນກ່ຽວກັບບັນຫາສັງຄົມ (DZI) ສະຫນອງຂໍ້ມູນເປັນປະຈໍາ ກ່ຽວກັບ 227 ອົງການຈັດຕັ້ງບໍລິຈາກເພື່ອການກຸສົນ ແລະ ອອກໃບຢັ້ງຢືນຄຸນນະພາບ. ໃບຢັ້ງຢືນຄຸນນະພາບແມ່ນມອບໃຫ້ອົງການຈັດຕັ້ງທີ່ບໍ່ຫວັງຜົນກໍາໄລທີ່ໄດ້ນໍາໃຊ້ການບໍລິຈາກຢ່າງຖືກຕ້ອງ.
ອ.ສະຫວັດ
