 |
| ເອື້ອຍ ຫງວຽນທິເຕິມຕິງ - ແມ່ຍິງເຊື້ອຊາດຫວຽດນາມ ສັນຊາດ ສ.ເກົາຫຼີ ໄດ້ຮັບການຕົກລົງມອບລາງວັນ Daesang ອັນສູງສົ່ງ |
ໃນຕະຫຼອດໄລຍະ 19 ປີຜ່ານມາ, ເອື້ອຍເຕິມຕິ່ງ ໄດ້ເຂົ້າຮ່ວມຫຼາຍການເຄື່ອນໄຫວທຳການກຸສົນໃຫ້ແກ່ຊາວຕ່າງປະເທດທີ່ພັກພາອາໄສຢູ່ ສ.ເກົາຫຼີ ຢ່າງຕໍ່ເນື່ອງຄື ແປພາສາຫວຽດ ໃຫ້ແກ່ແຮງງານຫວຽດນາມ, ໜູນຊ່ວຍການຜ່າຕັດໂດຍບໍ່ເສຍຄ່າໃຫ້ແກ່ເດັກນ້ອຍທີ່ເປັນພະຍາດກ່ຽວກັບຫົວໃຈຢູ່ ຫວຽດນາມ ຫຼື ເຂົ້າຮ່ວມການສິດສອນພາສາສ.ເກົາຫຼີ… ເວລາມໍ່ໆມານີ້, ເອື້ອຍຍັງເປັນຜູ້ແປພາສາໃຫ້ແກ່ປະຊາຄົມຊາວຕ່າງປະເທດໃນບັນດາການເຄື່ອນໄຫວສັກວັກຊິນກັນໂຄວິດ - 19.
ເອື້ອຍເຕິມຕິ່ງ ໄປຍັງ ສ.ເກົາຫຼີ ໃນຖານະເປັນນັກສຶກສາມະຫາວິທະຍາໄລ, ລາວເລີ່ມປະຕິບັດວຽກງານທຳການກຸສົນດ້ວຍຄວາມຫວັງຢາກສະແດງຄວາມຮູ້ບຸນຄຸນຕໍ່ບັນດາຄວາມຮັກແພງ ແລະ ການຊ່ວຍເຫຼືອ ເຊິ່ງຕົນເອງໄດ້ຮັບ. ລາວແບ່ງປັນວ່າ ຍາມໃດກໍ່ຮູ້ສຶກວ່າຕົນເອງຕ້ອງມີຄວາມຮັບຜິດຊອບກ່ວາອີກຕໍ່ສັງຄົມ ແລະ ຕ້ອງເຂົ້າຮ່ວມການເຄື່ອນໄຫວທຳການກຸສົນຫຼາຍກ່ວາອີກໃນໄລຍະ 20 ປີຈະມາເຖິງ.
ນີ້ເປັນຄັ້ງທຳອິດໂດຍຊາວຕ່າງປະເທດເຂົ້າເປັນສັນຊາດ ສ.ເກົາຫຼີ ໄດ້ຮັບລາງວັນນີ້. ນອກຈາກລາງວັນອັນສູງສົ່ງ Daesan ນີ້ແລ້ວ, ພິທີມອບລາງວັນທີປີ 2022 ກໍຈະລວມມີບັນດາລາຍການລາງວວັນດີເດັ່ນທີ່ສຸດ ແລະ ລາງວັນດີເດັ່ນ ທີ່ສະຫງວນໃຫ້ແກ່ບັນດາສ່ວນບຸກຄົນ ແລະ ໝູ່ຄະນະ. ປີນີ້, ລາງວັນສ່ວນບຸກຄົນດີເດັ່ນໄດ້ມອບໃຫ້ແກ່ໃຫ້ 9 ຄົນ ແລະ 5 ອົງການໄດ້ຮັບລາງວັນໝູ່ຄະນະດີເດັ່ນ.
ບຸນຄົງ
