 |
ນັກສຶກສາຫວຽດນາມຢູ່ກຳປູເຈຍຕ້ອນຮັບປີໃໝ່ 2020. (ພາບ: vov.vn)
ຕອນບ່າຍວັນທີ 4 ມັງກອນ, ຢູ່ຫໍພັກນັກສຶກສາຂອງມະຫາວິທະຍາໄລ ພະບໍລົມວົງສານຸວົງ ກຳປູເຈຍ, ສະມາຄົມນັກສຶກສາຫວຽດນາມ ປະຈຳ ກຳປູເຈຍ ໄດ້ຈັດຕັ້ງລາຍການຮັບຕ້ອນບຸນປີໃໝ່ 2020 ເພື່ອໂຄສະນາສົ່ງທ້າຍປີເກົ່າ, ວັດທະນະທຳ ຫວຽດນາມມາໃຫ້ເພື່ອນມິດສາກົນ..
ກ່າວຄຳເຫັນທີ່ງານພົບປະແລກປ່ຽນ, ທ່ານເອກອັກຄະລັດຖະທູດ ວູກວາງມິງ ໄດ້ທົບທວນຄືນບັນດາຜົນງານເຊິ່ງສອງປະເທດຫວຽດນາມ - ກຳປູເຈຍ ໄດ້ບັນລຸໃນປີ 2019. ພ້ອມກັນນັ້ນ, ທ່ານເອກອັກຄະລັດຖະທູດ ວູກວາງມິງ ກໍ່ຂອບໃຈກະຊວງສຶກສາທິການ, ກິລາ ແລະ ຊາວໜຸ່ມ ມະຫາວິທະຍາໄລ ກຳປູເຈຍ ທີ່ໄດ້ສ້າງເງື່ອນໄຂສະດວກ, ສະໜັບສະໜູນ ແລະ ຊ່ວຍເຫຼືອນັກສຶກສາຫວຽດນາມໃນຂະບວນການຮໍ່າຮຽນຢູ່ ກຳປູເຈຍ. ທ່ານ ເອກອັກຄະລັດຖະທູດ ຍັງໄດ້ຕີລາຄາສູງຕໍ່ຄວາມມານະພະຍາຍາມ ແລະ ການປະກອບສ່ວນຂອງນັກສຶກສາຫວຽດນາມ ໃນໄລຍະທີ່ໄປສຶກສາຢູ່ ກຳປູເຈຍ; ພ້ອມກັນນັ້ນ, ສົ່ງສານອວຍພອນປີໃໝ່, ປາດຖະໜາວ່າ ນັກສຶກສາຫວຽດນາມ ໄດ້ປະຕິບັດສຳເລັດໜ້າທີ່ການຮ່ຳຮຽນ, ປະກອບສ່ວນເຂົ້າໃນການກໍ່ສ້າງ, ຮັດແໜ້ນ ແລະ ພັດທະນາສາຍພົວພັນມິດຕະພາບລະຫວ່າງສອງປະເທດ.
 |
ທ່ານເອກອັກຄະລັດຖະທູດ ວູກວາງມິງ ກ່າວຄຳເຫັນທີ່ງານພົບປະແລກປ່ຽນ. (ພາບ: vov.vn)
ໃນບັນຍາກາດອັນຟົດຟື້ນຂ່ຳນັບຮັບຕ້ອນບຸນປີໃໝ່ 2020, ຕອນບ່າຍວັນທີ 04 ມັງກອນ, ຢູ່ນະຄອນຫຼວງພະນົມເປັນ, ສະມາຄົມນັກສຶກສາຫວຽດນາມ ຢູ່ກຳປູເຈຍ ໄດ້ຈັດລາຍການບຸນເຕັດແຫ່ງບ້ານເກີດເມືອງນອນ 2020. ລາຍການບໍ່ພຽງແຕ່ຊ່ວຍໃຫ້ບັນດານັກສຶກສາຫຼຸດພົ້ນຄວາມຄິດຮອດຄອບຄົວ, ບ້ານເກີດເມືອງນອນໃນຊຸມມື້ບຸນປີໃໝ່ປະຈຳຊາດຈະມາເຖິງເທົ່ານັ້ນ, ຫາກຍັງແມ່ນກາລະໂອກາດເພື່ອໂຄສະນາບຸນເຕັດຫວຽດນາມ, ວັດທະນະທຳຫວຽດນາມ ເຖິງເພື່ອນມິດສາກົນອີກດ້ວຍ.
ບັນດານັກສຶກສາຫວຽດນາມ ໄດ້ສະແດງບັນດາລາຍການສິລະປະທີ່ເຂັ້ມຂົ້ນໄປດ້ວຍສີສັນຫວຽດນາມ ແລະ ກຳປູເຈຍ, ໄດ້ສ້າງຄວາມປະທັບໃຈທີ່ດີງາມໃຫ້ບັນດາຜູ້ເຂົ້າຮ່ວມ, ພິເສດແມ່ນບັນດາຜູ້ເຂົ້າຮ່ວມເປັນຊາວຕ່າງປະເທດ.
（ຄຳຮຸ່ງ）
