| UN Women ຕີລາຄາສູງໂຄງການກະທຳແຫ່ງຊາດ ກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງຂອງ ຫວຽດນາມ | |
| CARE ໜູນຊ່ວຍ ກ່າເມົາ ໃນການສື່ສານ ເພື່ອຍົກສູງຄວາມຮັບຮູ້ກ່ຽວກັບຄວາມສະເໝີພາບລະຫວ່າງຍິງ-ຊາຍ |
ທ່ານນາງ ເລຖິທູຮັ່ງ ຮອງລັດຖະມົນຕີກະຊວງການຕ່າງປະເທດ ຫວຽດນາມ, ຫົວໜ້າຄະນະກຳມະການແຫ່ງລັດ ກ່ຽວກັບຄົນຫວຽດນາມ ທີ່ອາໃສຢູ່ຕ່າງປະເທດ ແລະ ທ່ານນາງ ເຈີ່ນລານເຟືອງ ຮອງປະທານສະຫະພັນແມ່ຍິງ ຫວຽດນາມ ເປັນປະທານຮ່ວມທີ່ການເຮັດວຽກ.
 |
| ບັນດາຜູ້ແທນຖ່າຍຮູບທີ່ລະນຶກພາຍຫຼັງການການເຮັດວຽກ. (ພາບ: ຮ່າໂນ້ຍ ໃໝ່) |
ຕາມການຕີລາຄາທີ່ການເຮັດວຽກ, ປະຊາຄົມຄົນ ຫວຽດນາມ ຢູ່ຕ່າງປະເທດ ເວົ້າລວມ ແລະ ແມ່ຍິງ ເວົ້າສະເພາະ ນັບມື້ນັບພັດທະນາເຕີບໃຫ່ຍເຂັ້ມແຂງ, ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີ ແລະ ເສີມຂະຫຍາຍກຳລັງມະຫາສາມັກຄີຂອງຊາດ, ເປັນຂົວຕໍ່ການພົວພັນ ລະຫວ່າງ ຫວຽດນາມ ກັບບັນດາປະເທດ.
ຕາມການຄາດຄະເນ, ປະຈຸບັນ ມີແມ່ຍິງ ຫວຽດນາມ ຫຼາຍກວ່າປະມານ 2,5 ລ້ານຄົນ ທີ່ກໍາລັງດຳລົງຊີວິດ, ເຮັດວຽກ, ຮ່ຳຮຽນຢູ່ 130 ກວ່າປະເທດ ແລະ ເຂດດິນແດນໃນທົ່ວໂລກ, ໃນຈຳນວນຄົນ ຫວຽດນາມ ທັງໝົດທີ່ອາໄສຢູ່ຕ່າງປະເທດ ປະມານ 6 ລ້ານຄົນ.
ແມ່ຍິງຫວຽດນາມຢູ່ຕ່າງປະເທດ ແມ່ນກຳລັງຫຼັກແຫຼ່ງໃນບັນດາການເຄື່ອນໄຫວໜູນຊ່ວຍ, ຊ່ວຍເຫຼືອປະຊາຄົມຄົນ ຫວຽດນາມ ເຊື່ອມໂຍງເຂົ້າກັບປະເທດເຈົ້າພາບ, ອະນຸລັກຮັກສາ ແລະ ເຜີຍແຜ່ເອກະລັກວັດທະນະທຳຂອງຊາດ, ພາສາຫວຽດນາມ, ເຂົ້າຮ່ວມບັນດາການເຄື່ອນໄຫວຈິດອາສາ, ບໍລິຈາກເພື່ອສະໜັບສະໜູນປະຊາຄົມ, ປະຊາຊົນປະເທດເຈົ້າພາບ, ປະຊາຊົນໃນປະເທດ ທີ່ພົບຄວາມຫຍຸ້ງຍາກ, ໄພທຳມະຊາດ ແລະ ອັກຄີໄພ...
ເຖິງຢ່າງໃດກໍຕາມ, ແມ່ຍິງ ຫວຽດນາມ ທີ່ຢູ່ຕ່າງປະເທດ ຍັງພົບກັບຄວາມຫຍຸ້ງຍາກໃນການເຊື່ອມໂຍງເຂົ້າກັບການດໍາລົງຊີວິດຂອງປະເທດເຈົ້າພາບ ຍ້ອນຄວາມແຕກຕ່າງດ້ານວັດທະນະທຳ ແລະ ພາສາ; ສິ່ງທ້າທາຍຂອງການເຊື່ອມໂຍງດ້ານວັດທະນະທຳ, ໃນນັ້ນມີການຮັກສາເອກະລັກວັດທະນະທຳຂອງຊາດ ແລະ ພາສາຫວຽດນາມ.
ຄະນະກຳມະການແຫ່ງລັດ ກ່ຽວກັບຄົນ ຫວຽດນາມ ຢູ່ຕ່າງປະເທດ ແລະ ສູນກາງສະຫະພັນແມ່ຍິງ ຫວຽດນາມ ໄດ້ຕັ້ງໜ້າປະສານສົມທົບກັນຈັດຕັ້ງການເຄື່ອນໄຫວສຳລັບແມ່ຍິງ ຫວຽດນາມ ຢູ່ຕ່າງປະເທດ; ແລກປ່ຽນຂໍ້ມູນຂ່າວສານກ່ຽວກັບບັນຫາທີ່ກ່ຽວຂ້ອງເຖິງແມ່ຍິງ ແລະ ການເຄື່ອນໄຫວຂອງບັນດາອົງການຈັດຕັ້ງສະມາຄົມຄະນະແມ່ຍິງ ຫວຽດນາມ ຢູ່ຕ່າງປະເທດ; ແນະນຳໃຫ້ເອື້ອຍນ້ອງແມ່ຍິງ ເປັນຕົວແທນເຂົ້າຮ່ວມບັນດາກິດຈະກຳພາຍໃນປະເທດ;...
 |
| ລາຍການຮ້ອງເພງ “ໜຶ່ງຮອບຫວຽດນາມ” ສະແດງໂດຍແມ່ຍິງຫວຽດນາມ ໃນໂຄງການ “ວັດທະນະທຳຫວຽດນາມ Cultural Show London 2024” ຢູ່ ລອນດອນ, ປະເທດອັງກິດ. (ພາບ: ສໍານັກຂ່າວຫວຽດນາມ) |
ສະຫຼຸບທີ່ການເຮັດວຽກ, ການນຳ 2 ຝ່າຍ ໄດ້ສະເໜີບາງທິດທາງເພື່ອແນໃສ່ຍົກສູງປະສິດທິຜົນໃນການເຮັດວຽກກັບແມ່ຍິງ ຫວຽດນາມ ຢູ່ຕ່າງປະເທດ ໃຫ້ຫຼາຍຂຶ້ນກວ່າເກົ່າ, ໃນນັ້ນ ມີການຄົ້ນຄວ້າ, ການສະເໜີເພີ່ມທະວີການມີໜ້າຂອງແມ່ຍິງ ໃນບັນດາອົງການຈັດຕັ້ງການເມືອງ - ສັງຄົມ ຢູ່ພາຍໃນປະເທດ.
ຄຽງຂ້າງກັນນັ້ນ, ຕ້ອງໄດ້ໜູນຊ່ວຍ, ເຊື່ອມໂຍງບັນດາສະມາຄົມຄະນະແມ່ຍິງ ຫວຽດນາມ ຢູ່ຕ່າງປະເທດ; ຈັດຕັ້ງບັນດາໂຄງການ, ເຄື່ອນໄຫວສະເພາະແມ່ຍິງ ແລະ ເດັກນ້ອຍບັນດາຄອບຄົວທີ່ມີຫຼາຍວັດທະນະທຳ; ເພີ່ມທະວີວຽກງານຂ່າວສານ ແລະ ໂຄສະນາເຜີຍແຜ່ກ່ຽວກັບການແຜນນະໂຍບາຍ, ນະໂຍບາຍຂອງພັກ, ກົດໝາຍຂອງລັດ ແລະ ບັນດາຂະບວນການ, ການເຄື່ອນໄຫວຂອງສະຫະພັນແມ່ຍິງ ຫວຽດນາມ ໄປເຖິງບັນດາສະມາຄົມຄະນະແມ່ຍິງ ຫວຽດນາມ ຢູ່ຕ່າງປະເທດ.
ທອງມີ ສີຫາວົງ
