 | ນ້ຳໃຈມິດຕະພາບ ຫວຽດນາມ - ລັດເຊຍ: ‘ທຸກຄວາມຮັ່ງມີບໍ່ສາມາດປຽບທຽບກັບນ້ຳໃຈເພື່ອນມິດ’ |
| ນ້ຳໃຈມິດຕະພາບ ແລະການຮ່ວມມືໃນການພົວພັນສອງປະເທດ ຫວຽດນາມ - ຈີນ |
ທ່ານ ຫງວຽນຫງອກກຸ໋ຍ, ຫົວໜ້າສະໂມສອນ ແບັກເຢືອງ:
ຮັກສາຄວາມຮັກພາສາ ລັດເຊຍ ຜ່ານດົນຕີ ແລະ ຄວາມຊົງຈໍາ
ຂ້າພະເຈົ້າໄດ້ມາປະເທດ ລັດເຊຍ ໃນປີ 1965, ຫຼັງຈາກຮຽນຈົບມະຫາວິທະຍາໄລ ຮ່າໂນ້ຍ, ເພື່ອເຂົ້າຮຽນຢູ່ໂຮງຮຽນລູກສອນໄຟບັນຊາ. ໃນປີ 2008, ຫຼັງຈາກພັກບໍານານແລ້ວ, ຂ້າພະເຈົ້າໄດ້ກັບຄືນໄປ ລັດເຊຍ ແລະ ຂຽນບົດຂຽນ "ຂ້າພະເຈົ້າລ້ຽງດູເດັກນ້ອຍ ລັດເຊຍ ແນວໃດ". ບົດຂຽນນີ້ໄດ້ຮັບການເລືອກເອົາເປັນບົດລະຄອນໃນລາຍການໂທລະພາບ, ໃນນັ້ນຂ້າພະເຈົ້າກໍ່ເປັນກຽດທີ່ໄດ້ເຊື້ອເຊີນອະດີດອາຈານຂອງຂ້າພະເຈົ້າເຂົ້າຮ່ວມນຳ.
 |
| ທ່ານ ຫງວຽນຫງອກກຸ໋ຍ, ຫົວໜ້າສະໂມສອນ ແບັກເຢືອງ ໃນການສະແດງສີລະປະທີ່ການພົບປະມິດຕະພາບ ຫວຽດນາມ - ເບລາຣຸດຊີ 2024. |
ປະຈຸບັນ, ຂ້າພະເຈົ້າເປັນຫົວໜ້າສະໂມສອນດົນຕີ ແບັກເຢືອງ, ບ່ອນທີ່ເຕົ້າໂຮມບັນດາສະມາຊິກທີ່ເຄີຍຮ່ຳຮຽນຢູ່ ລັດເຊຍ ຫຼາຍຄົນ. ພວກຂ້າພະເຈົ້າໄດ້ຈັດຕັ້ງບັນດາການພົບປະ ແລະ ການສະແດງສີລະປະຮ້ອງເພງດ້ວຍພາສາ ລັດເຊຍ, ໂດຍສະເພາະ ແມ່ນບັນດາບົດເພງກ່ຽວກັບ ເບລາຣຸດຊີ, ບ່ອນທີ່ຂ້າພະເຈົ້າເຄີຍອາໄສຢູ່ Minsk. ການສອນພາສາ ລັດເຊຍ ຜ່ານດົນຕີບໍ່ພຽງແຕ່ຊ່ວຍບໍາລຸງລ້ຽງຄວາມຮັກພາສາ ລັດເຊຍ ແລະ ວັດທະນະທໍາ ລັດເຊຍ ສໍາລັບລຸ້ນຫນຸ່ມເທົ່ານັ້ນ ຫາກຍັງເປັນວິທີການຂອງຂ້າພະເຈົ້າທີ່ຈະຖ່າຍທອດຄວາມຮັກແພງສຳລັບ ລັດເຊຍ ແລະ ເບລາຣຸດຊີ ໃຫ້ແກ່ຄົນລຸ້ນຕໍ່ໄປ, ໂດຍຜ່ານບັນດາກິດຈະກໍາວັດທະນະທໍາ ແລະ ດົນຕີ.
ທ່ານ ໂດ໊ວັນເຊີນ, ສະມາຊິກສະມາຄົມມິດຕະພາບ ຫວຽດນາມ - ເບລາຣຸດຊີ:
ເຊື່ອມຕໍ່ນ້ຳໃຈມິດຕະພາບ ຫວຽດນາມ - ເບລາຣຸດຊີ ແຕ່ອະດີດຮອດປະຈຸບັນ
 |
| ທ່ານ ໂດ໊ວັນເຊີນ, ສະມາຊິກສະມາຄົມມິດຕະພາບ ຫວຽດນາມ - ເບລາຣຸດຊີ. |
ຂ້າພະເຈົ້າໄດ້ໄປຮຽນຢູ່ ໂຊວຽດ ໃນປີ 1973, ສາຂາວິຊາ ການກໍ່ສ້າງເຂື່ອນໄຟຟ້າຢູ່ ເບລາຣຸດຊີ. ເວລາທີ່ຂ້າພະເຈົ້າໄດ້ຮ່ຳຮຽນຢູ່ ເບລາຣຸດຊີ ບໍ່ພຽງແຕ່ໄດ້ປະກອບໃຫ້ຂ້າພະເຈົ້າຄວາມຮູ້ດ້ານວິຊາສະເພາະເທົ່ານັ້ນ ຫາກຍັງເຮັດໃຫ້ຂ້າພະເຈົ້າມີຄວາມຊົງຈໍາທີ່ເລິກເຊິ່ງອີກດ້ວຍ. ກັບເມືອບ້ານແລ້ວ, ຂ້າພະເຈົ້າໄດ້ນຳເອົາວັດຖຸທີ່ລະນຶກອັນລ້ຳຄ່າຫຼາຍຢ່າງເຊັ່ນ: ກາລະວັດ, ບັນດາຄຳ “ລະນຶກເຖິງຄູອາຈານເດີ, ໂດ໊ວັນເຊີນ” ຈາກຄູອາຈານ, ພ້ອມກັບຮູບພາບ, ປື້ມ ແລະ ບົດບັນທຶກຈົດດ້ວຍມື. ບັນດາວັດຖຸທີ່ລະນຶກເຫຼົ່ານີ້ບໍ່ພຽງແຕ່ເປັນຫຼັກຖານຂອງໄລຍະທີ່ມີຄວາມຫມາຍຂອງການຮ່ຳຮຽນ ຫາກຍັງເປັນສັນຍາລັກແຫ່ງຄວາມຮັກ ແລະ ຄວາມຮູ້ບຸນຄຸນຕໍ່ ເບລາຣຸດຊີ.
ເມື່ອຂ້າພະເຈົ້າກັບຄືນໄປ ເບລາຣຸດຊີ ໃນປີ 1992, ເຖິງແມ່ນວ່າມີການປ່ຽນແປງຫຼາຍ, ແຕ່ນ້ຳໃຈອັນອົບອຸ່ນ ແລະ ການຕ້ອນຮັບຂອງປະຊາຊົນ ເບລາຣຸດຊີ ທີ່ມີຕໍ່ຂ້າພະເຈົ້າກໍ່ບໍ່ໄດ້ຈາງຫາຍໄປ. ຄວາມເປັນມິດ ແລະ ຄວາມສະໜິດຕິດພັນຂອງເຂົາເຈົ້າແມ່ນແຫຼ່ງກໍາລັງໃຈທີ່ຍິ່ງໃຫຍ່ສໍາລັບຂ້າພະເຈົ້າສະເໝີໄປ. ຂ້າພະເຈົ້າຢາກໄດ້ພົບບັນດາຫມູ່ເພື່ອນເກົ່າ ແລະ ຄູອາຈານອີກເທື່ອຫນຶ່ງ, ແຕ່ວ່າການເຮັດວຽກໄດ້ກີດຂວາງຄວາມຫວັງນັ້ນ. ສະມາຄົມມິດຕະພາບ ຫວຽດນາມ - ເບລາຣຸດຊີ ໄດ້ຊ່ວຍຂ້າພະເຈົ້າຮັກສາການຕິດຕໍ່ກັບບັນດາຄູອາຈານ ແລະ ໝູ່ເພື່ອນເກົ່າ. ຂ້າພະເຈົ້າຫວັງວ່າ ໃນອະນາຄົດ, ພວກຂ້າພະເຈົ້າຈະມີຫຼາຍກາລະໂອກາດກວ່າອີກ ເພື່ອແບ່ງປັນ ແລະ ທົບທວນຄືນບັນດາຄວາມຊົງຈຳທີ່ສວຍງາມໃນຍຸກຮ່ຳຮຽນສຶກສາຢູ່ ໂຊວຽດ, ພ້ອມກັນນັ້ນ ກໍ່ສືບຕໍ່ກໍ່ສ້າງ ແລະ ປັບປຸງການພົວພັນລະຫວ່າງປະຊາຊົນ ຫວຽດນາມ ແລະ ເບລາຣຸດຊີ ໃຫ້ນັບມື້ນັບແໜ້ນແຟ້ນກວ່າອີກ.
ທ່ານນາງ ຕົນໜືເຟືອງລຽນ, ສະມາຊິກສະມາຄົມມິດຕະພາບ ຫວຽດນາມ - ເບລາຣຸດຊີ:
ບັນດາການເຊື່ອມຕໍ່ພິເສດກັບ ເບລາຣຸດຊີ ໃນຄອບຄົວ
 |
| ທ່ານນາງ ຕົນໜືເຟືອງລຽນ (ຂວາສຸດ) ພ້ອມກັບສະມາຊິກສະໂມສອນ ແບັກເຢືອງ ໄດ້ຖ່າຍຮູບທີ່ລະນຶກຢູ່ການພົບປະມິດຕະພາບ ຫວຽດນາມ - ເບລາຣຸດຊີ 2024. |
ໃນເວລາທີ່ຮ່ຳຮຽນຢູ່ ໂຊວຽດ, ຂ້າພະເຈົ້າໄດ້ມັກຮັກເພງ ລັດເຊຍ. ເມື່ອກັບເມືອບ້ານ, ຂ້າພະເຈົ້າໄດ້ເຂົ້າຮ່ວມສະໂມສອນ ແບັກເຢືອງ, ເຊິ່ງເປັນບ່ອນທີ່ມີບັນດາກິດຈະກຳຊ່ວຍໃຫ້ຂ້າພະເຈົ້າທົບທວນຄືນຄວາມຊົງຈຳທີ່ສວຍງາມ ແລະ ຍົກສູງຊີວິດທາງຈິດໃຈ. ພວກຂ້າພະເຈົ້າຈັດຕັ້ງບັນດາການຢ້ຽມຢາມ ລັດເຊຍ ແລະ ຍາມໃດກໍປາດຖະໜາຢາກຮັກສາ ແລະ ພັດທະນາການພົວພັນລະຫວ່າງ ຫວຽດນາມ - ລັດເຊຍ, ຫວຽດນາມ - ເບລາຣຸດຊີ ກໍ່ຄືລະຫວ່າງບັນດາລຸ້ນນັກຮຽນ, ນັກສຶກສາທີ່ເຄີຍຮ່ຳຮຽນຢູ່ ໂຊວຽດ.
ຄອບຄົວຂອງຂ້າພະເຈົ້າມີສາຍພົວພັນພິເສດກັບ ເບລາຣຸດຊີ: ລູກໃພ້ຂອງຂ້າພະເຈົ້າເຄີຍອາໄສຢູ່ ເບລາຣຸດຊີ ແລະ ນ້ອງຊາຍຂອງລາວໄດ້ແຕ່ງງານກັບ ຊາວເບລາຣຸດຊີ. ພວກຂ້າພະເຈົ້າມັກແຕ່ງອາຫານພື້ນເມືອງຂອງ ເບລາຣຸດຊີ ເປັນປະຈຳ ແລະ ແບ່ງປັນຄວາມຊົງຈຳ, ຄວາມສຸກ ແລະ ຄວາມໂສກເສົ້າໃນຄອບຄົວ, ດັ່ງນັ້ນຈຶ່ງກໍ່ໃຫ້ເກີດຄວາມເຂົ້າໃຈກ່ຽວກັບວັດທະນະທໍາ ແລະ ປະຊາຊົນ ເບລາຣຸດຊີ ໄດ້ເລິກເຊິ່ງກວ່າອີກ. ຂ້າພະເຈົ້າຫວັງວ່າຈະມີກາລະໂອກາດເພີ່ມເຕີມເພື່ອແບ່ງປັນບັນດາຄວາມຊົງຈຳທີ່ສວຍງາມ ແລະ ສ້າງການພົວພັນທີ່ເຂັ້ມແຂງລະຫວ່າງ 2 ປະເທດ.
 | ນ້ຳໃຈມິດຕະພາບ ຂອງຊົນເຜົ່າລຽບຕາມແນວຊາຍແດນ ຫວຽດນາມ - ລາວ ຍສໝ - ໃນວັນທີ 19 ພຶດສະພາ, ທີ່ເດີ່ນສະໜາມຫຼວງ ເມືອງ ອາ ເລື໋ອຍ ໄດ້ຈັດພິທີປິດ ງານບຸນພົບປະແລກປ່ຽນວັດທະນະທໍາ, ກິລາ ແລະ ທ່ອງທ່ຽວ ຊົນເຜົ່າສ່ວນຫນ້ອຍ ຢູ່ ລຽບຕາມແນວ ຊາຍແດນ ຫວຽດນາມ - ລາວ, ພາກກາງ ແລະ ໄຕຫງວຽນ ... |
 | ວັນບຸນ “ນ້ຳໃຈມິດຕະພາບ ແລະ ໄມຕີຈິດແບບພິເສດຫວຽດນາມ - ລາວ” ວັນທີ 8 ທັນວາ, ຢູ່ນະຄອນດ້ຽນບຽນ (ແຂວງດ້ຽນບຽນ), ກະຊວງຖະແຫຼງຂ່າວ ແລະສື່ສານ ສົມທົບກັບຄະນະກໍາມະການປະຊາຊົນແຂວງດ້ຽນບຽນ ໄດ້ຈັດພິທີໄຂວັນບຸນ “ນ້ຳໃຈໄມຕີຈິດມິດຕະພາບແບບພິເສດ ຫວຽດນາມ - ລາວ”. ນີ້ແມ່ນເຫດການທີ່ເປັນຂີດໝາຍ 56 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ-ລາວ (1962-2018), ສະເຫຼີມສະຫຼອງ 41 ປີ ແຫ່ງວັນເຊັນສົນທິສັນຍາມິດຕະພາບ ແລະການຮ່ວມມື (1977-2018). |
ມິງດຶກ
