| ເປີດໂຄງການເດືອນຊາວໜຸ່ມ ແລະ ເດືອນມີນາຊາຍແດນຢູ່ແຂວງ ດັກລັກ | |
| ດັກລັກ (ຫວຽດນາມ) ແລະ ຈັນທະບູລີ (ໄທ) ແບ່ງປັນປະສົບການ ໃນການພັດທະນາໝາກຖົ່ວລຽນ |
ບົດລາຍງານທີ່ນຳສະເໜີໃນກອງປະຊຸມໄດ້ກ່າວວ່າ: 6 ເດືອນຕົ້ນປີ 2024, ສະມາຄົມຕິດຕໍ່ພົວພັນກັບຊາວຫວຽດນາມ ອາໄສຢູ່ຕ່າງປະເທດ ແຂວງ ດັກລັກ ໄດ້ຕັ້ງໜ້າເຄື່ອນໄຫວເຊື່ອມໂຍງ, ຂົນຂວາຍຊາວຫວຽດນາມ ທີ່ອາໄສຢູ່ຕ່າງປະເທດ ກັບຄືນເມືອບ້ານເກີດເມືອງນອນ ດ້ວຍການປະກອບສ່ວນດ້ານພູມປັນຍາ ແລະ ແຫຼ່ງກຳລັງສ້າງສາປະເທດ .
 |
| ບັນດາຜູ້ແທນເຂົ້າຮ່ວມກອງປະຊຸມ (ພາບ: ໜັງສືພິມ ດັກລັກ) |
ສະມາຄົມກໍ່ຍັງສຸມໃສ່ເຜີຍແຜ່ ແລະ ຊຸກຍູ້ບັນດາຜົນງານແຫ່ງການສ້າງສາ ແລະ ປົກປັກຮັກສາປະເທດຊາດ ແລະ ໝາກຜົນໃນການພົວພັນຕ່າງປະເທດຂອງທົ່ວປະເທດ ເວົ້າລວມ, ຂອງທ້ອງຖິ່ນ ເວົ້າສະເພາະ ຕໍ່ກັບຊາວຫວຽດນາມ ທີ່ອາໄສຢູ່ຕ່າງປະເທດ.
ເພີ່ມທະວີການຕິດພັນຊາວຫວຽດນາມ ທີ່ອາໄສຢູ່ຕ່າງປະເທດ ອວ່າຍໜ້າກັບເມືອບ້ານເກີດເມືອງນອນ ໂດຍຜ່ານການເຄື່ອນໄຫວສົມທົບກັບຄະນະກຳມະການແນວໂຮມປະເທດຊາດຫວຽດນາມ ແຂວງ ດັກລັກ ຈັດງານບຸນລະດູບານໃໝ່ ເນື່ອງໃນໂອກາດບຸນປີໃໝ່ປະຈຳຊາດ ປີມະໂລງ 2024.
 |
| ຊາວຫວຽດນາມ ທີ່ອາໄສຢູ່ຕ່າງປະເທດ ແລະ ຍາດພີ່ນ້ອງຂອງຊາວຫວຽດນາມ ທີ່ອາໄສຢູ່ຕ່າງປະເທດ ແຂວງ ດັກລັກ ຖ່າຍຮູບທີ່ລະນຶກໃນງານບຸນລະດູບານໃໝ່ ປີມະໂລງ 2024 (ພາບ: ສໍານັກຂ່າວສານຫວຽດນາມ) |
ໃນ 6 ເດືອນທ້າຍປີ, ສະມາຄົມຈະສືບຕໍ່ຜັນຂະຫຍາຍປະຕິບັດບົດສະຫຼຸບສະບັບເລກທີ 12-KL/TW ລົງວັນທີ 12 ສິງຫາ 2021 ຂອງກົມການເມືອງ ກ່ຽວກັບວຽກງານຊາວຫວຽດນາມ ຢູ່ຕ່າງປະເທດ ໃນສະພາບການໃໝ່ ແລະ ໂຄງການ “ເສີມຂະຫຍາຍແຫຼ່ງກຳລັງຂອງຊາວຫວຽດນາມ ຢູ່ຕ່າງປະເທດ ເພື່ອປະກອບສ່ວນພັດທະນາແຂວງດັກລັກ ໄລຍະ 2023 – 2027” ຂອງຄະນະກຳມະການປະຊາຊົນແຂວງ. ສຸມໃສ່ໂຄສະນາເຜີຍແຜ່, ປຸກລະດົມຊາວຫວຽດນາມ ທີ່ອາໄສຢູ່ຕ່າງປະເທດ ສ້າງຕັ້ງບັນດາສະມາຄົມຊາວຫວຽດນາມ ຢູ່ຕ່າງປະເທດ ເພື່ອໃຫ້ຊາວຫວຽດນາມ ທີ່ອາໄສຢູ່ຕ່າງປະເທດ ແຂວງ ດັກລັກ ກາຍເປັນກຳລັງຫຼັກແຫຼ່ງ, ບຸກທະລຸໃນການຜັນຂະຫຍາຍບັນດາແນວທາງ, ນະໂຍບາຍຂອງພັກ, ລັດ ຕິດພັນກັບຊາວຫວຽດນາມ ຢູ່ຕ່າງປະເທດ.
ຕາມບົດລາຍງານກ່ຽວກັບສະພາບການພັດທະນາເສດຖະກິດ - ສັງຄົມຂອງແຂວງ ດັກລັກ ໃນປີ 2023, ທົ່ວແຂວງມີຊາວຫວຽດນາມ ທີ່ອາໄສຢູ່ຕ່າງປະເທດ 9.000 ກວ່າຄົນພວມດຳລົງຊີວິດ, ຮ່ຳຮຽນ, ເຮັດວຽກໃນ 29 ປະເທດ ແລະ ເຂດແຄວ້ນ. ໃນ 5 ປີຜ່ານມາ, ຍາດພີ່ນ້ອງທີ່ອາໄສຢູ່ຕ່າງປະເທດໄດ້ປະກອບສ່ວນ 140 ກວ່າລ້ານ USD ໃຫ້ກັບແຂວງ ດັກລັກ ບ້ານເກີດເມືອງນອນຂອງພວກເຂົາ.
ທອງມີ ສີຫາວົງ
