ທົ່ວໂລກ ກຽມຮັບມືກັບສະພາບເສດຖະກິດຂະຫຍາຍຕົວຊ້າ

ທ່ານ ນາງ ຄຣີສຕິນ ລາ​ກາຣດ, ກຳມະການ​ຜູ້​ຈັດການ​ກອງ​ທຶນການ​ເງິນ​ສາກົນ (​ໄອ​ເອັມ​ເອຟ)

ທ່ານ ນາງ ຄຣີສຕິນ ລາ​ກາຣດ, ກຳມະການ​ຜູ້​ຈັດການ​ກອງ​ທຶນການ​ເງິນ​ສາກົນ (​ໄອ​ເອັມ​ເອຟ)​ ເຕືອນປະ​ເທດ​ຕ່າງໆ​ທົ່ວ​ໂລກ​ກຽມ​ຮັບ​ມືກັບສິ່ງ​ທ້າ​ທາຍ​ຕໍ່​ການ​ຂະຫຍາຍຕົວເສດຖະກິດທີ່ອາດ​ຈະຂະຫຍາຍຕົວ​ຊ້າ​ກວ່າ​ທີ່​ຄາດ​ການ​ໄວ້ຍ້ອນ​ໄດ້​ຮັບ​ຜົນ​ກະທົບ​ຈາກ 4 ປັດ​ໄຈ​ຫລັກສຳຄັນ​ທີ່​ຈະ​ສັ່ນ​ສະ​ເທືອ​ນເສດຖະກິດ​ໂລກເປັນຕົ້ນຄວາມ​ຂັດ​ແຍ່ງ​ທາງ​ການ​ຄ້າ ​ແລະ ການ​ຕັ້ງກຳ​ແພງ​ພາສີ, ການ​ເພີ່ມ​ຄວາມ​ເຂັ້ມງວດດ້ານ​ການ​ເງິນ, ຄວາມ​ບໍ່​​ແນ່ນອນ​ກ່ຽວ​ກັບ​ເບຣິກຊິດ ​ແລະ ຜົນ​ກະທົບ​ຕາມ​ມາ ລວມທັງ​ເສດຖະກິດ​ຈີນຂະຫຍາຍຕົວ​ຊ້າ. ຂະນະ​ທີ່ໄອ​ເອັມ​ເອຟ​ໄດ້​ປັບ​ຫລຸດ​ການ​ເຕີບ​ໂຕ​ຂອງ​ເສດຖະກິດ​ໂລກ​ໃນ​ປີ​ນີ້​ຈາກ 3,7 ມາ​ເປັນ 3,5%.

（ແຫຼ່ງ​ຂໍ້​ມູນ​： ຂປລ）