| ກວດພະຍາດ, ແຈກຢາຍຢຸກຢາໃຫ້ປະຊາຊົນຊາວເຜົ່າສ່ວນໜ້ອຍຢູ່ ດ້ຽນບຽນ ໂດຍບໍ່ເສຍຄ່າ | |
| ກວດພະຍາດ ແລະ ແຈກຢາຍຢຸກຢາໃຫ້ປະຊາຊົນລາວ 2.000 ຄົນ |
 |
| ຜູ້ແທນບັນດາຫົວໜ່ວຍກົມກອງ ໄດ້ມອບຂອງຂວັນໃຫ້ປະຊາຊົນບ້ານ ອານກວາງດົງ, ອານກວາງໄຕ (ຕາແສງ ກາດແຂ໋ງ). ພາບ: ກົງເກືອງ |
ວັນທີ 22 ພຶດສະພາ, ຢູ່ ປ້ອມປ້ອງກັນຊາຍແດນ ກາດແຂ໋ງ, ທະຫານປ້ອງກັນຊາຍແດນ ບິງດິ້ງ, ຄະນະແພດໝໍ ແລະ ທ່ານໝໍໂຮງໝໍ ເລ່ວັນທິ້ງ (ນະຄອນໂຮ່ຈິມິນ) ໄດ້ສົມທົບກັບປ້ອມປ້ອງກັນຊາຍແດນ ກາດແຂ໋ງ ແລະ ອຳນາດການປົກຄອງທ້ອງຖິ່ນຕາແສງ ກາດແຂ໋ງ(ເມືອງ ຝູກາດ, ແຂວງ ບິງດິ້ງ) ຈັດຕັ້ງການກວດກາ ແລະ ປິ່ນປົວພະຍາດ, ໄດ້ແຈກຢາປົວພະຍາດໂດຍບໍ່ເສຍຄ່າໃຫ້ປະຊາຊົນ 300 ກວ່າຄົນຢູ່ບ້ານ ອານກວາງດົງ ແລະ ອານກວາງໄຕ (ຕາແສງ ກາດແຂ໋ງ) ແລະ ມອບຂອງຂວັນ 300 ພູດ (ແຕ່ລະພູດມີມູນຄ່າ 300 ພັນດົ່ງ). ນີ້ແມ່ນບັນດາຄອບຄົວນະໂຍບາຍ, ຄອບຄົວດ້ອຍໂອກາດ, ຄອບຄົວທຸກຍາກ, ຄອບຄົວໃກ້ລະດັບທຸກຍາກ, ຄົນພິການ, ຜູ້ເຖົ້າຜູ້ແກ່ທີ່ຢູ່ຕົວຄົນດຽວ, ຜູ້ມີຄຸນງາມຄວາມດີຕໍ່ການປະຕິວັດ.
ໃນລາຍການ, ຫຼາຍກວ່າ 300 ຄົນໄດ້ຮັບການກວດກາໂດຍແພດຫມໍ ແລະ ພະຍາບານສໍາລັບພະຍາດທົ່ວໄປ, ໄດ້ເຜີຍແພ່ກ່ຽວກັບນະໂຍບາຍ ແລະ ກົດຫມາຍທີ່ກ່ຽວຂ້ອງກັບການປະກັນໄພສັງຄົມ, ການປະກັນໄພສາທາລະນະສຸກ, ກົດຫມາຍວ່າດ້ວຍການກວດ ແລະ ການປິ່ນປົວທີ່ຫາກລປະກາດໃຊ້ໃຫມ່.
 |
| ການນຳສອງຫົວໜ່ວຍກົໃກອງ ໄດ້ມອບເຮືອນຢູ່ ແລະ ອຸປະກອນການຫາລ້ຽງຊີບໃຫ້ຄອບຄົວຂອງປ້າ ເຈືອງທິແທງເວີນ ຢູ່ບ້ານ ຫຼີຮືງ, ຕາແສງ ເຍີນຫຼີ, ນະຄອນ ກຸ່ຍເຍີນ. ພາບ: ກົງເກືອງ |
ກ່ອນໜ້ານັ້ນ, ວັນທີ 3 ພຶດສະພາ, ກອງບັນຊາການທະຫານຊາຍແດນແຂວງ ບິງດິ້ງ ແລະ ສະຫະພັນແມ່ຍິງແຂວງ ບິງດິ້ງ ໄດ້ສົມທົບກັບຄະນະພັກ, ອຳນາດການປົກຄອງທ້ອງຖິ່ນຂອງຕາແສງ ເຍີນໂຮ້ຍ ແລະ ເຍີນຫຼີ, ນະຄອນ ກຸ່ຍເຍີນ, ແຂວງ ບິງດິ້ງ ເພື່ອມອບ “ເຮືອນແຫ່ງຄວາມຮັກ” ໃຫ້ 2 ຄອບຄົວຂອງປ້າ ຫງວຽນທິມວນ, ຢູ່ບ້ານເຍີນເຟືອກ, ຕາແສງ ເຍີນໂຮ້ຍ ແລະ ປ້າ ເຈືອງທິແທງເວີນ, ຢູ່ໝູ່ບ້ານ ຫຼີຮຶງ, ຕາແສງ ເຍີນຫຼີ, ນະຄອນ ກຸ່ຍເຍີນ. ນີ້ແມ່ນສະມາຊິກແມ່ຍິງ 2 ຄົນທີ່ປະສົບກັບຄວາມຫຍຸ້ງຍາກທີ່ສຸດ, ມີລູກກຳລັງປະຕິບັດການທະຫານຢູ່ໝູ່ເກາະ ເຈືອງຊາ.
ໃນນັ້ນ, ສະຫະພັນແມ່ຍິງແຂວງ ບິງດິ້ງ ໄດ້ໜູນຊ່ວຍແຕ່ລະເຮືອນ ດ້ວຍຈຳນວນເງິນ 50 ລ້ານດົ່ງ ຕາມໂຄງການ “ຮ່ວມເດີນທາງໄປກັບແມ່ຍິງຢູ່ເຂດຊາຍແດນ, ທະເລ, ໝູ່ເກາະ” ໃນປີ 2024 ແລະ ຂອງຂວັນ 2 ພູດໃຫ້ 2 ຄອບຄົວ.
ກ່ອນໜ້ານັ້ນ, ກອງບັນຊາການທະຫານນະຄອນ ກຸ່ຍເຍີນ ກໍໄດ້ໜູນຊ່ວຍ 5 ລ້ານດົ່ງ; ກອງບັນຊາການທະຫານຊາຍແດນແຂວງບິງດິ້ງ ໄດ້ໜູນຊ່ວຍ 2 ຄອບຄົວດ້ວຍວິທີການຫາລ້ຽງຊີບ, ແຕ່ລະຄອບຄົວ 5 ລ້ານດົ່ງ ແລະ ຂອງຂວັນ 2 ພູດ; ສະຫະພັນແມ່ຍິງເມືອງ, ຕາແສງ ແລະ ທ້ອງຖິ່ນໄດ້ມອບພັດລົມ 3 ໜ່ວຍ. ການເຄື່ອນໄຫວທັງໝົດແມ່ນ 118 ລ້ານດົ່ງ). (ກົງເກືອງ)
ໃນວັນທີ 18 ພຶດສະພາ, ຢູ່ຄະນະກໍາມະການປະຊາຊົນຕາແສງ ຫວິງເຊື່ອງ, ເມືອງ ເຕິ່ນເຈົາ, ແຂວງ ອານຢ່າງ, ຄະນະແພດ, ທ່ານໝໍຂອງສູນການແພດເມືອງ ເຕິ່ນເຈົາ ແລະ ນັກສຶກສາອາສາສະໝັກຂອງມະຫາວິທະຍາໄລແພດສາດ-ການຢາ ເກີນເທີ່ ໄດ້ສົມທົບກັບປ້ອມປ້ອງກັນຊາຍແດນທີ່ດ່ານຊາຍແດນສາກົນ ຫວິງເຊື່ອງ ແລະ ທະຫານປ້ອງກັນຊາຍແດນ ອານຢ່າງ ຈັດຕັ້ງວັນແພດໜຸ່ມ ເພື່ອປະຕິບັດຕາມຄຳເວົ້າຂອງ ລຸງໂຮ່ ອາສາສະໝັກເພື່ອສຸຂະພາບຊຸມຊົນ ປີ 2024.
 |
| ບັນດາທ່ານໝໍ, ພະນັກງານແພດໝໍຂອງປ້ອມປ້ອງກັນຊາຍແດນສາກົນ ຫວິງເຊື່ອງ ກວດພະຍາດໃຫ້ແກ່ປະຊາຊົນ. ພາບ: ຕັວນກຽດ |
ຕາມນັ້ນແລ້ວ, ຄະນະໄດ້ຈັດຕັ້ງໄດ້ແຈກຢາຍຢຸກຢາ ແລະ ປິ່ນປົວພະຍາດໃຫ້ປະຊາຊົນໂດຍບໍ່ເສຍຄ່າ ປະມານ 300 ຄົນ (ຕາແສງຫວິງເຊື່ອງ 100 ຄົນ, ຕາແສງ ຝູລົກ 100 ຄົນ) ແລະ ມອບຂອງຂວັນ 300 ພູດ (ນ້ຳຕານ, ເຂົ້າສານ, ແປ້ງນົວ) ແຕ່ລະພູດມີມູນຄ່າ 250.000 ດົ່ງ. ລວມຍອດມູນຄ່າການເຄື່ອນໄຫວແມ່ນ 75 ລ້ານດົ່ງ. ແຫຼ່ງລາຍຈ່າຍແມ່ນໄດ້ຮັບການລະດົມຈາກຮາກຖານປະຕິບັດການກວດ ແລະ ປິ່ນປົວພະຍາດ ແລະ ດຳເນີນທຸລະກິດຜະລິດຢາຢູ່ຕາແສງ ເຕິ່ນເຈົາ. (ຕັວນກຽດ)
ວັນທີ 12 ພຶດສະພາ, ຄະນະກຳມະການແນວໂຮມປະເທດຊາດ ຫວຽດນາມ ເມືອງ ອາເຫຼືອຍ, ແຂວງ ເທື່ອທ່ຽນເຫ໋ວ ສົມທົບກັບປ້ອມທະຫານປ້ອງກັນຊາຍແດນເມືອງ ເຍີມ (ກອງບັນຊາການປ້ອງກັນຊາຍແດນ ເທື່ອທ່ຽນເຫ໋ວ) ໄດ້ຈັດຕັ້ງການມອບຂອງຂວັນໃຫ້ປະຊາຊົນບ້ານ ເຊຊັບ, ເມືອງ ກະລືມ, ແຂວງ ເຊກອງ (ລາວ).
ເຊຊັບ ແມ່ນບ້ານທີ່ມີຊາຍແດນຕິດກັບເມືອງ ອາເຫຼືອຍ, ແຂວງ ເທື່ອທ່ຽນເຫ໋ວ. ທົ່ວບ້ານມີ 47 ຄອບຄົວ, ມີພົນລະເມືອງ 200 ກວ່າຄົນ. ດ້ວຍທິດນຳ “ຊ່ວຍເຫຼືອເພື່ອນຄືຊ່ວຍຕົນເອງ” ໃນຊຸມປີມໍ່ໆມານີ້, ແຂວງເທື່ອທຽນເຫ໋ວ, ທະຫານປ້ອງກັນຊາຍແດນເມືອງ ອາເຫຼືອຍ ເວົ້າລວມ ແລະ ທະຫານປ້ອງກັນຊາຍແດນ ເຍີມ ເວົ້າສະເພາະ ໄດ້ຜັນຂະຫຍາຍຫຼາຍການເຄື່ອນໄຫວໜູນຊ່ວຍ, ຊ່ວຍເຫຼືອປະຊາຊົນຢູ່ໝູ່ບ້ານຕິດຊາຍແດນຂອງປະເທດເພື່ອນລາວ ພັດທະນາເສດຖະກິດ ແລະ ຍົກສູງຄຸນນະພາບຊີວິດ.
ທີ່ປ້ອມປ້ອງກັນຊາຍແດນຮົງຖາຍ, ບັນດາຫົວໜ່ວຍໄດ້ມອບຂອງຂວັນ 60 ພູດ ເຊິ່ງລວມມີ: ເຂົ້າສານ, ໝີ່ ແລະ ເຄື່ອງໃຊ້ຈຳເປັນຈຳນວນໜຶ່ງ, ມີມູນຄ່າ 70 ລ້ານດົ່ງໃຫ້ອຳນາດການປົກຄອງ ແລະ ປະຊາຊົນບ້ານເຊຊັບ.
ໃນວັນດຽວກັນ, ຄະນະກຳມະການແນວໂຮມປະເທດຊາດ ຫວຽດນາມ ເມືອງ ອາເຫຼືອຍ ໄດ້ສົມທົບກັບບັນດາອົງການຈັດຕັ້ງ, ສ່ວນບຸກຄົນ, ຜູ້ໃຈບຸນອຸປະຖຳຂອງຂວັນເກືອບ 200 ພູດໃຫ້ບັນດາຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກຢູ່ຕາແສງ ຮົ່ງເວີນ ແລະ ຕາແສງ ກວາງເຍີມ (ເມືອງ ອາເຫຼືອຍ), ມີມູນຄ່າ 138,2 ລ້ານດົ່ງ.
ງົບປະມານການໃຊ້ຈ່າຍໃຫ້ແກ່ການເຄື່ອນໄຫວນີ້ແມ່ນໄດ້ຮັບການຮຽກຮ້ອງຈາກຄະນະກຳມະການແນວໂຮມປະເທດຊາດ ຫວຽດນາມ ເມືອງ ອາເຫຼືອຍ ສະໜັບສະໜູນ ແລະ ພ້ອມກັບຄະນະການກຸສົນ “ຖ້ຽນຢວຽນ ໄຊງ່ອນ - ກວາງນາມ - ກວາງຈິ”. (ຫວໍຕຽນ)
* ແຕ່ວັນທີ 5 ຫາວັນທີ 7 ພຶດສະພາ, ປ້ອມປ້ອງກັນຊາຍແດນ ຂຶ້ນກັບກອງບັນຊາການທະຫານຊາຍແດນແຂວງ ອານຢ່າງ ໄດ້ຈັດຕັ້ງການເຄື່ອນໄຫວໂຄສະນາ, ກວດກາ ແລະ ປິ່ນປົວພະຍາດ, ແຈກຢາຍຢຸກຢາໂດຍບໍ່ເສຍຄ່າ, ມອບຂອງຂວັນ, ກໍ່ສ້າງເຮືອນໃຫ້ປະຊາຊົນທີ່ທຸກຍາກຢູ່ເຂດຊາຍແດນ.
ລະອຽດ, ວັນທີ 7 ພຶດສະພາ, ປ້ອມປ້ອງກັນຊາຍແດນ ເຍີນຮຶງ ໄດ້ສົມທົບກັບສະຫະພັນແມ່ຍິງ ອານຝູ ຈັດຕັ້ງການໂຄສະນາເຜີຍແພ່ກົດໝາຍວ່າດ້ວຍ ຊາຍແດນ ຫວຽດນາມ ແລະ ບັນດາເອກະສານນິຕິກໍາກ່ຽວກັບຊາຍແດນແຫ່ງຊາດ ໃຫ້ແກ່ບັນດາສະມາຊິກສະຫະພັນແມ່ຍິງທີ່ຄຸ້ມຄອງເອງຢູ່ເຂດຊາຍແດນ, ຫຼັກໝາຍຊາຍແດນຂອງຕາແສງ ອານຝູ, ເມືອງຕິ້ງບ່ຽນ, ແຂວງ ອານຢ່າງ. ພ້ອມກັນນັ້ນ, ໜ່ວຍງານກໍ່ໄດ້ມອບຂອງຂວັນ 40 ພູດໃຫ້ສະມາຊິກແມ່ຍິງທີ່ປະສົບກັບຄວາມຫຍຸ້ງຍາກຢູ່ບໍລິເວນ. ລວມມູນຄ່າການເຄື່ອນໄຫວປະມານ 15 ລ້ານດົ່ງ.
ວັນທີ 5 ພຶດສະພາ, ປ້ອມປ້ອງກັນຊາຍແດນ ຫວິງໂຮ້ຍດົງ ໄດ້ສົມທົບກັບຄະນະກໍາມະການປະຊາຊົນແຂວງ ຫວິງໂຮ້ຍດົງ ແລະ ຄະນະກວດ ແລະ ປິ່ນປົວພະຍາດ ອີຖ້ຽນ (ນະຄອນ ເຈົາດົກ, ແຂວງ ອານຢ່າງ) ຈັດຕັ້ງການກວດ, ປິ່ນປົວພະຍາດ, ແຈກຢາຍຢຸກຢາປິ່ນປົວພະຍາດໃຫ້ປະຊາຊົນ 400 ຄົນທຸກຍາກໂດຍບໍ່ເສຍຄ່າ, ພ້ອມກັນນັ້ນ ກໍໄດ້ມອບຂອງຂວັນ 303 ພູດໃຫ້ແກ່ຄົນທຸກຍາກຢູ່ຕາແສງ ຫວິງໂຮ້ຍດົງ, ເມືອງອານຝູ, ແຂວງອານຢ່າງ. ລວມຍອດມູນຄ່າການເຄື່ອນໄຫວທັງໝົດປະມານ 85 ລ້ານດົ່ງ.
ໃນສອງວັນ ວັນທີ 5, 6 ພຶດສະພາ, ພະນັກງານ, ນັກຮົບປ້ອມປ້ອງກັນຊາຍແດນ ຫວິງຢ່າ ໄດ້ປຸກລະດົມພະນັກງານ, ນັກຮົບຈໍານວນ 40 ຄົນ ໄປຊ່ວຍເຫຼືອບັນດາຄອບຄົວທຸກຍາກຢູ່ຕາແສງ ຫວິງຢ່າ, ເມືອງ ຈີ່ໂຕ່ນ, ແຂວງ ອານຢ່າງ ກໍ່ສ້າງເຮືອນໃໝ່.
ບັນດາການເຄື່ອນໄຫວທີ່ແທດຈິງ ແລະ ມີຄວາມໝາຍຂອງບັນດາ ພະນັກງານ, ທະຫານປ້ອງກັນຊາຍແດນ ອານຢ່າງ ໄດ້ປະກອບສ່ວນແບ່ງປັນຄວາມຫຍຸ້ງຍາກ, ການຂາດເຂີນຂອງປະຊາຊົນທຸກຍາກ, ເບິ່ງແຍງດູແລຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນຢູ່ເຂດຊາຍແດນ, ແນໃສ່ສ້າງກຳລັງແຮງສັງລວມໃນພາລະກິດແຫ່ງການກໍ່ສ້າງ, ຄຸ້ມຄອງ ແລະ ປົກປັກຮັກສາອະທິປະໄຕຜືນແຜ່ນດິນຢ່າງໝັ້ນຄົງ ແລະ ຄວາມປອດໄພຊາຍແດນແຫ່ງຊາດ. (ຈ໋ຽນຄູ່)
* ວັນທີ 9 ພຶດສະພາ, ຢູ່ໝູ່ບ້ານ ຟເຣີຍ ຈອບ B, ຕາແສງ ລາຍຮວ່າ, ເມືອງ ຫວິງເຈົາ, ແຂວງ ຊ໋ອກຈັ່ງ, ທະຫານປ້ອງກັນຊາຍແດນ ລາຍຮວ່າ ໄດ້ສົມທົບກັບອຳນາດການປົກຄອງທ້ອງຖິ່ນ ຈັດຕັ້ງ “ຮ້ານຂາຍເຄື່ອງ 0 ດົ່ງ” ໃຫ້ແກ່ຜູ້ທຸກຍາກຢູ່ບໍລິເວນຕາແສງ ລາຍຮວ່າ.
ຮ້ານດັ່ງກ່າວມີອາຫານທີ່ຫຼາກຫຼາຍ ແລະ ເຄື່ອງໃຊ້ທີ່ຈຳເປັນເຊັ່ນ: ເຂົ້າ, ນ້ຳຕານ, ເກືອ, ນ້ຳປາ, ໄຂ່, ນ້ຳມັນພືດ ແລະ ເຄື່ອງນຸ່ງຫົ່ມທີ່ໜ່ວຍງານໄດ້ຂົນຂວາຍການສະໜັບສະໜູນຈາກບັນດາຜູ້ມີຄວາມເມດຕາ, ສ່ວນພືດຜັກ, ໝາກໄມ້ເປັນສິນຄ້າ ທີ່ຫົວໜ່ວຍເພີ່ມການຜະລິດຕື່ມ. ເນື່ອງໃນໂອກາດນີ້, ບັນດາພະນັກງານດ່ານຊາຍແດນ ລາຍຮ່ວາ ຍັງໄດ້ມາເພື່ອມອບຂອງຂວັນໂດຍກົງໃຫ້ບັນດາຜູ້ປະສົບກັບຄວາມຫຍຸ້ງຍາກພິເສດ, ຜູ້ເຖົ້າຜູ້ແກ່ດຳລົງຊີວິດຢູ່ຄົນດຽວທີ່ມີເງື່ອນໄຂໄປມາຫາສູ່ທີ່ຫຍຸ້ງຍາກ.
ທ່ານຮ້ອຍເອກ ຊ໋ອກດຸ່ງ, ຮອງຫົວໜ້າການເມືອງ, ປ້ອມປ້ອງກັນຊາຍແດນ ລາຍຮວ່າ, ໃຫ້ຮູ້ວ່າ: ຮູບແບບ “ຮ້ານຂາຍເຄື່ອງ 0 ດົ່ງ” ໂດຍກົມກອງປະຕິບັດເກືອບ 2 ປີແລ້ວ, ຈັດເດືອນລະເທື່ອຢູ່ບັນດາໝູ່ບ້ານຂອງເມືອງ ລາຍຮວ່າ ແລະ ຕາແສງ ຫວິງເຕິ່ນ , ເມືອງຫວິງເຈົາ. ນີ້ແມ່ນການເຄື່ອນໄຫວທີ່ມີຄວາມໝາຍ, ປະກອບສ່ວນໃຫ້ຄະນະພັກ, ອຳນາດການປົກຄອງທ້ອງຖິ່ນຢູ່ບັນດາເຂດປະຈຳການປະຕິບັດນະໂຍບາຍຮັບປະກັນຊີວິດສັງຄົມໃຫ້ເປັນຢ່າງດີ, ຮັດແໜ້ນການພົວພັນດ້ານການທະຫານ ແລະ ພົນລະເຮືອນຢູ່ເຂດຊາຍແດນທາງທະເລ ເຊິ່ງບໍລິຫານໂດຍໜ່ວຍງານ. ຜ່ານນັ້ນ, ກໍ່ເຮັດພາບພົດຂອງນາຍພົນທະຫານຍົດສີຟ້າຢູ່ເຂດຊາຍແດນທາງທະເລແຂວງ ຊ໋ອກຈັ່ງ ເຂັ້ມຂຸ້ນກວ່າເກົ່າ. (ວັນລອງ)
ມິງດຶກ
