| 7 ປະເທດອາຊີ ສະເຫຼີມສະຫຼອງບຸນປີໃໝ່ປະເພນີ ຢູ່ ຮ່າໂນ້ຍ | |
| ການພົບປະແລກປ່ຽນວັດທະນະທຳເຊື່ອມຕໍ່ການຄ້າລະຫວ່າງ ຫວຽດນາມ - ລາວ |
ເຫດການດັ່ງກ່າວ ແມ່ນນອນໃນບັນດາການເຄື່ອນໄຫວປິ່ນອ້ອມເນື່ອງໃນການໄປປະຕິບັດງານຂອງການນຳຄະນະພັກນະ - ຄະນະກຳມະການປະຊາຊົນ ນະຄອນຮ່າໂນ້ຍ ໄປຢ້ຽມຢາມນະຄອນ ປັກກິ່ງ (ພຶດສະພາ 2024) ແລະ ເພື່ອສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນຮ່ວມມືລະຫວ່າງສອງປະເທດ ຢ່າງແທດຈິງ.
ພິເສດ, ການພົບປະເຈລະຈາ “ປັກກິ່ງ - ຮ່າໂນ້ຍ, ເຊື່ອມຕໍ່ເສີມຂະຫຍາຍຄຸນຄ່າມໍລະດົກ” ໄດ້ດຳເນີນໃນຕອນບ່າຍວັນທີ 17 ພຶດສະພາ ຢູ່ຫ້ອງປະຊຸມເລກ 1, ເຂດມໍລະດົກໂລກ ອີ້ເຫວີ-ຍູຫວຽນ ໄດ້ດຶງດູດການເຂົ້າຮ່ວມຂອງບັນດາຜູ້ຄຸ້ມຄອງ, ນັກວິທະຍາສາດ ແລະ ນັກຊ່ຽວຊານ, ພະນັກງານຂອງສອງເຂດມໍລະດົກ ເປັນຈຳນວນຫຼວງຫຼາຍ.
ການພົບປະເຈລະຈາວິທະຍາສາດທີ່ໄດ້ຈັດຂຶ້ນໃນໂອກາດນີ້ ແມ່ນເວທີປາໄສເພື່ອບັນດານັກວິທະຍາສາດ ແລະ ພະນັກງານວິຊາສະເພາະຂອງ 2 ໜ່ວຍງານປຶກສາຫາລືກ່ຽວກັບບັນດາບັນຫາປົກປັກຮັກສາ, ສືບທອດ ແລະ ເສີມຂະຫຍາຍຄຸນຄ່າມໍລະດົກວັດທະນະທຳຢູ່ 2 ນະຄອນ ຮ່າໂນ້ຍ ແລະ ປັກກິ່ງ. ການພົບປະເຈລະຈາ ໄດ້ສຸມໃສ່ປຶກສາຫາລືບັນດາເນື້ອໃນຕົ້ນຕໍຄື: ແນະນຳກ່ຽວກັບແຜນນະໂຍບາຍ, ນະໂຍບາຍປົກປັກຮັກສາ ແລະ ເສີມຂະຫຍາຍບັນດາຄຸນຄ່າຫຼາຍຮູບຫຼາຍແບບຂອງບັນດາມໍລະດົກຢູ່ ປັກກິ່ງ ແລະ ຮ່າໂນ້ຍ; ແບ່ງປັນປະສົບການໃນການຄົ້ນຄວ້າ, ອະນຸລັກຮັກສາ, ຟື້ນຟູບັນດາພະລາຊະວັງ ແລະ ເສີມຂະຫຍາຍບັນດາຄຸນຄ່າຫຼາຍຮູບຫຼາຍແບບຂອງບັນດາມໍລະດົກຢູ່ ປັກກິ່ງ ແລະ ຮ່າໂນ້ຍ; ໃຫ້ຄຳປຶກສາວິທະຍາສາດກ່ຽວກັບການກັບນົດທິດໃຫ້ແກ່ວຽກງານຄົ້ນຄວ້າ, ອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າຂອງສູນມໍລະດົກໂລກເຂດສູນກາງພະລາຊະວັງ ທັງລອງ.
 |
| ມໍລະດົກ ຮ່າໂນ້ຍ ໄດ້ແນະນຳຢູ່ງານວາງສະແດງ. (ທີ່ມາ: ໜັງສືພິມວັດທະນະທຳ) |
ບັນດາຜູ້ແທນ ແລະ ນັກວິທະຍາສາດ ໄດ້ນຳສະເໜີບົດລາຍງານແນະນຳສະພາບລວມຂອງມໍລະດົກໂລກພະລາຊະວັງ ທັງລອງ - ຮ່າໂນ້ຍ; ກ່ຽວກັບບັນດາການຄົ້ນຄວ້າການຟື້ນຟູວັງ ກິ໋ງທຽນ ເພື່ອເສີມຂະຫຍາຍຄຸນຄ່າມໍລະດົກພະລາຊະວັງ ທັງລອງ; ແນະນຳ ລອງຈີ - ດ່ານຈີ ໃນໂຄງປະກອບເຂດສູນກາງວັງຕ້ອງຫ້າມ ທັງລອງ - ດົ່ງກິງ ທັງລອງ ໃນສະໄໝລາຊະວົງ ລີ - ເຈີ່ນ - ເລ; ຄົ້ນຄ້ວາພະລາຊະວັງຫຼັກ ກິ໋ງທຽນ ຂອງລາຊະວົງເລ ຢູ່ເຂດມໍລະດົກໂລກກຳແພງພະລາຊະວັງ ທັງລອງ ຜ່ານບັນດາແຫຼ່ງສາລະຄະດີປະຫວັດສາດ ແລະ ການກຳນົດທິດອະນຸລັກຮັກສາ, ຟື້ນຟູ.
ເນື້ອໃນຂອງບັນດາບົດປະກອບຄຳເຫັນ ເພື່ອເນັ້ນໜັກເຖິງເຂດມໍລະດົກໂລກພະລາຊະວັງ ທັງລອງ, ແມ່ນລະບົບຮ່ອງຮອຍແຫ່ງໜຶ່ງທີ່ຕິດພັນກັບປະຫວັດສາດກຳເພງເມືອງ ທັງລອງ - ຮ່າໂນ້ຍ. ກິດຈະການສະຖາປັດຕະຍະກຳໃຫຍ່ໂຕມະໂຫຖານນີ້ ໄດ້ສ້າງຂຶ້ນໂດຍກະສັດຫວຽດນາມ ໃນຫຼາຍຍຸກປະຫວັດສາດ (ແຕ່ສະຕະວັດທີ XI ຫາສະຕະວັດທີ XVIII) ແລະ ໄດ້ກາຍເປັນຮ່ອງຮອຍທີ່ສຳຄັນທີ່ສຸດໃນລະບົບບັນດາຮ່ອງຮອຍປະຫວັດສາດ ຫວຽດນາມ, ໂດຍອົງການ UNESCO ໄດ້ຂຶ້ນທະບຽນເປັນມໍລະດົກໂລກໃນປີ 2010.
ບັນດາບົດປະກອບຄຳເຫັນຂອງນັກວິທະຍາສາດ ປັກກິ່ງ ໄດ້ເຕື້ອງເຖິງເນື້ອໃນດັ່ງນີ້: ສັງເຂບກ່ຽວກັບມໍລະດົກວັດທະນະທຳໂລກ ອີ້ເຫວີ-ຍູຫວຽນ; ຄວາມງາມແບບບູຮານ, ແບບວິທີທີ່ທັນສະໄໝ: ປົກປັກຮັກສາ, ສືບທອດ ແລະ ພັດທະນາບັນດາສວນສາທາລະນະປະຫວັດສາດທີ່ມີຊື່ສຽງຢູ່ ປັກກິ່ງ; ປົກປັກຮັກສາ ແລະ ພັດທະນາມໍລະດົກ ອີ້ເຫວີ-ຍູຫວຽນ ຈາກມູມມອງກ່ຽວກັບສະຕິປັນຍານິເວດ; ມູມມອງກ່ຽວກັບບົດບາດ ແລະ ການຄົ້ນຄ້ວາຢ່າງຕົວຈິງກ່ຽວກັບ ອີ້ເຫວີ-ຍູຫວຽນ - ມໍລະດົກວັດທະນະທໍາໂລກໃນການກໍ່ສ້າງນະຄອນ ປັກກິ່ງ; ຕິດຕາມກວດກາສະພາບແວດລ້ອມທາງດ້ານນິເວດມໍລະດົກວັດທະນະທໍາຈາກແງ່ປົກປ້ອງຄຸນຄ່າມໍລະດົກ; ການປົກປັກຮັກສາລະບົບບັນດານະຄອນປະຫວັດສາດ - ຕົວຢ່າງຈາກ ນະຄອນ ປັກກິ່ງ...
ທີ່ການພົບປະເຈລະຈາ, ບົນພື້ນຖານແນະນຳບັນດາການເຄື່ອນໄຫວລະອຽດທີ່ໄດ້ຮັບການຜັນຂະຫຍາຍຢູ່ມໍລະດົກທີ່ຕົນຄຸ້ມຄອງ, 2 ຝ່າຍມຸ່ງໄປເຖິງເປົ້າໝາຍການແລກປ່ຽນປະສົບການ, ແບ່ງປັນຄວາມຮູ້, ຮຽນຮູ້ເຊິ່ງກັນ ແລະ ກັນ. ໂດຍຜ່ານການພົບປະເຈລະຈາ ສາມາດຍົກອອກບັນດາທິດທາງຄົ້ນຄວ້າ, ປົກປັກຮັກສາ, ເສີມຂະຫຍາຍຄຸນຄ່າມໍລະດົກຂອງທັງ 2 ນະຄອນ ເຊິ່ງມີຫຼາຍຈຸດທີ່ຄ້າຍຄືກັນ.
ກ່ອນໜ້ານັ້ນ, ຢູ່ເຂດມໍລະດົກໂລກ ອີ້ເຫວີ-ຍູຫວຽນ (ປັກກິ່ງ, ປະເທດຈີນ), ເອກະສານ, ຮູບພາບເກືອບ 100 ຢ່າງຂອງນະຄອນ ຮ່າໂນ້ຍ ໄດ້ແນະນຳໃຫ້ຊາວຈີນ ຢູ່ງານວາງສະແດງ “ທັງລອງ - ຮ່າໂນ້ຍ: ມໍລະດົກແຫ່ງການເຊື່ອມໂຍງ ແລະ ເຕົ້າໂຮມ".
ງານວາງສະແດງມີ 2 ຫົວຂໍ້. ທີໜຶ່ງ, ຫົວຂໍ້ “ທັງລອງ - ຮ່າໂນ້ຍ ອະລິຍະທຳພັນປີ” ແນະນຳບັນດາຈຸດວັດທະນະທຳທີ່ເປັນເອກະລັກສະເພາະຂອງນະຄອນຫຼວງ ຮ່າໂນ້ຍ ອະລິຍະທຳພັນປີ - ແມ່ນສະຖານທີ່ທີ່ເຕົ້າໂຮມສິ່ງຍອດຍິ່ງ ແລະ ເຜີຍແຜ່ຄຸນຄ່າວັດທະນະທຳຂອງທຸກຂົງເຂດຂອງປະເທດຊາດ.
ໃນນັ້ນ, ບັນດາຮ່ອງຮອຍລະດັບຊາດພິເສດທີ່ພົ້ນເດັ່ນຄື: ທັງລອງຕື໋ເຈີ່ນ, ເຂດຮ່ອງຮອຍ ໂກລວາ... ກໍໄດ້ປະກອບສ່ວນສ້າງຮູບພາບມໍລະດົກທີ່ເປັນເອກະລັກສະເພາະໃຫ້ “ນະຄອນມໍລະດົກ”.
ທີສອງ, ຫົວຂໍ້ “ມໍລະດົກໂລກເຂດສູນກາງພະລາຊະວັງ ທັງລອງ - ຮ່າໂນ້ຍ” ໄດ້ແນະນຳຮູບພາບມໍລະດົກນະຄອນຫຼວງ ຮ່າໂນ້ຍ. ໃນນັ້ນ, ມໍລະດົກໂລກເຂດສູນກາງພະລາຊະວັງ ທັງລອງ - ຮ່າໂນ້ຍ ແມ່ນສີສັນພິເສດທີ່ສຸດ, ໄດ້ກາຍເປັນຄວາມພາກພູມໃຈອັນໃຫຍ່ຫຼວງຂອງຊາວນະຄອນຫຼວງ ແລະ ທົ່ວປະເທດ.
ຄາດວ່າໃນເດືອນກັນຍາທີ່ຈະມາເຖິງນີ້, ປະຊາຊົນຢູ່ຮ່າໂນ້ຍ ແລະ ທົ່ວປະເທດຈະໄດ້ເຂົ້າໄປສຳຜັດ ແລະ ຮັບຊົມບັນດາມໍລະດົກວັດທະນະທຳທີ່ເປັນເອກະລັກສະເພາະຂອງ ປັກກິ່ງ ຜ່ານບັນດາການເຄື່ອນໄຫວວາງສະແດງຢູ່ ຮ່າໂນ້ຍ.
ມິງດຶກ
