ທ່ານກ່າວວ່າ: “ຢູ່ຫວຽດນາມ, ມີຫຼາຍອົງການຈັດຕັ້ງປະຊາຊົນທີ່ເຄື່ອນໄຫວໃນຂົງເຂດປົກປັກຮັກສາ ແລະ ຊຸກຍູ້ສິດທິມະນຸດ ເວົ້າລວມ ແລະ ສິດຂອງກຸ່ມຄົນລະອຽດ. ຈຸດແຂງອັນໜຶ່ງຂອງບັນດາອົງການຈັດຕັ້ງປະຊາຊົນແມ່ນມີຫຼາຍຂໍ້ມູນຂ່າວສານກ່ຽວກັບສິດທິມະນຸດຜ່ານການເຄື່ອນໄຫວ, ເປັນຕົ້ນແມ່ນຂໍ້ມູນຂ່າວສານກ່ຽວກັບການປະຕິບັດກົດໝາຍ, ບັນດານະໂຍບາຍຂອງລັດ, ການປະຕິບັດຂອງບັນດາທ້ອງຖິ່ນໃນການປົກປ້ອງ ແລະ ຊຸກຍູ້ສິດທິມະນຸດ”.
 |
| ທ່ານຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ ກ່າວຄຳເຫັນທີ່ກອງປະຊຸມແບ່ງປັນຂໍ້ມູນຂ່າວສານ. |
ທ່ານຮອງປະທານສະຫະພັນບັນດາອົງການມິດຕະພາບຫວຽດນາມ ກໍ່ໃຫ້ຮູ້ວ່າ: ກ່ຽວກັບຂະບວນການ UPR, ໃນ 3 ຮອບວຽນ I, II, III, ສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ບັນດາອົງການສະມາຊິກໄດ້ເຂົ້າຮ່ວມຢ່າງຕັ້ງໜ້າໃນການປະກອບສ່ວນປະກອບຄຳເຫັນໃຫ້ແກ່ບົດລາຍງານແຫ່ງຊາດ ແລະ ມີບົດລາຍງານກ່ຽວກັບສະພາບການສິດທິມະນຸດຂອງຫວຽດນາມ ສົ່ງເຖິງຫ້ອງການຂ້າຫຼວງໃຫຍ່ສິດທິມະນຸດສະຫະປະຊາຊາດ; ພ້ອມທັງແຕ່ງຕັ້ງຜູ້ຕາງໜ້າເຂົ້າຮ່ວມກ່າວຄຳເຫັນທີ່ກອງປະຊຸມຂອງສະພາສິດທິມະນຸດສະຫະປະຊາຊາດ ກ່ຽວກັບບົດລາຍງານ UPR ຂອງຫວຽດນາມ.
ຕາມຜູ້ປະສານງານປະຈຳອົງການສະຫະປະຊາຊາດ ທ່ານ Pauline Tamesis ແລ້ວ, ຂະບວນການ UPR ໄດ້ນຳມາເຊິ່ງໂອກາດໃນການຊຸກຍູ້ການປ່ຽນແປງໃນທາງບວກ ແລະ ຊຸກຍູ້ສິດທິມະນຸດຢູ່ຂັ້ນລະດັບຊາດ. ໂດຍການເຂົ້າຮ່ວມຢ່າງຕັ້ງໜ້າໃນຂະບວນການຮ່າງບົດລາຍງານ, ບັນດາອົງການຈັດຕັ້ງປະຊາຊົນໄດ້ປະກອບສ່ວນເຂົ້າໃນການໂອ້ລົມສົນທະນາທີ່ກວ້າງຂວາງກວ່າ ແລະ ໄດ້ກຳນົດອະນາຄົດຂອງສິດທິມະນຸດ.
ທີ່ເຫດການນີ້, ບັນດາອົງການຈັດຕັ້ງປະຊາຊົນໄດ້ແຈ້ງໃຫ້ຊາບກ່ຽວກັບຂະບວນການສ້າງ UPR, ການເຂົ້າຮ່ວມຂອງຫວຽດນາມ ແລະ ອົງການຈັດຕັ້ງປະຊາຊົນຫວຽດນາມ ໃນ 3 ຮອບວຽນ UPR ທີ່ຜ່ານມາ. ບັນດາຜູ້ແທນຍັງໄດ້ຮັບຄໍາແນະນໍາກ່ຽວກັບທັກສະທີ່ຈໍາເປັນເພື່ອປະກອບສ່ວນຢ່າງມີປະສິດທິຜົນໃນຂະບວນການສະເຫນີຂອງບັນດາຝ່າຍທີ່ກ່ຽວຂ້ອງ UPR.
ດີງເລື້ອງ
