ເວທີສະແດງ ເລຫງອກ "ສຸດໃຈ" ໃນ "ຈົດໝາຍສະບັບທີ 72" ບົນເວທີສະແດງຂອງປະເທດ ລາວ

18:51 | 08/04/2024

ຍສໝ - ເວທີສະແດງ ເລຫງອກ ໄດ້ນຳເອົາບົດລະຄອນເວທີ “ຈົດໝາຍສະບັບທີ 72" ໄປສະແດງຢູ່ປະເທດລາວ ຕາມຄຳເຊີນຂອງທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ.

	ລາວ ໄຂກອງປະຊຸມສະໄໝສາມັນເທື່ອທີ 6 ສະພາແຫ່ງຊາດ ຊຸດທີ IX
	ນັກສຶກສາລາວ ແລະ ກຳປູເຈຍ 72 ຄົນ ລົງຕົວຈິງ ແລະ ຊອກຮູ້ກ່ຽວກັບຊີວິດວັດທະນະທຳຫວຽດນາມ

ເວທີສະແດງ ເລຫງອກ "ລຸກຂຶ້ນ" ໃນ "ໃບຮ້ອງຟ້ອງສະບັບທີ 72" ບົນເວທີສະແດງຂອງປະເທດ ລາວ

ບົດລະຄອນເວທີ “ຈົດໝາຍສະບັບທີ 72" ບົນເວທີສະແດງ ລາວ ໃນການສະແດງຄັ້ງທໍາອິດ

ໃນຕົ້ນປີໃໝ່ 2024, ເວທີສະແດງ ເລຫງອກ ໄດ້ຮັບການ “ເລືອກໜ້າສົ່ງຄຳ” ເມື່ອຈັດຕັ້ງບັນດາເຫດການໃຫຍ່ຢ່າງຕໍ່ເນື່ອງ. ນັ້ນແມ່ນໝູ່ຄະນະອ້າຍເອື້ອຍນ້ອງນັກສິລະປະກອນຂອງຫົວໜ່ວຍທີ່ໄດ້ສະແດງຕ້ອນຮັບທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ; ໄດ້ສະແດງການຕ້ອນຮັບຄະນະຜູ້ແທນ ຍີ່ປຸ່ນ; ຂ່ຳນັບຮັບຕ້ອນທ່ານ Neth Savoeun, ຮອງນາຍົກລັດຖະມົນຕີ ແຫ່ງ ລາຊະອານາຈັກ ກໍາປູເຈຍ ໃນການປະຕິບັດງານຂອງທ່ານຢູ່ ຫວຽດນາມ.

ທ່ານ ສິລະປິນປະຊາຊົນ ນາງ ເລຫງອກ ມອບດອກໄມ້ໃຫ້ ທ່ານ ຈະເລີນ ເຢຍປາວເຮີ, ກໍາມະການສູນກາງພັກ, ຮອງປະທານສະພາແຫ່ງຊາດລາວ ໃນລາຍການສະແດງສິລະປະຄັ້ງທຳອິດ ຢູ່ສູນວັດທະນະທໍາ ຫວຽດນາມ-ລາວ.

ໃນຂອບເຂດກາໄປນປະຕິບັດງານ, ວັນທີ 6 ມັງກອນນີ້, ທ່ານ ຈະເລີນ ເຢຍປາວເຮີ, ກຳມະການສູນກາງພັກ, ຮອງປະທານສະພາແຫ່ງຊາດລາວ ໄດ້ສະຫຼະເວລາມາຕ້ອນຮັບ, ອວຍພອນປີໃໝ່ 2024 ຢູ່ເວທີສະແດງ ເລຫງອກ.

ເມື່ອຊອກຮູ້ກ່ຽວກັບບັນດາບົດລະຄອນ, ບັນດາຜົນສຳເລັດທີ່ຫົວໜ່ວຍບັນລຸໄດ້, ທ່ານຮອງປະທານສະພາແຫ່ງຊາດ ລາວ ໄດ້ສະແດງຄວາມປາດຖະໜາຢາກໃຫ້ບົດລະຄອນເວທີ "ຈົດໝາຍສະບັບທີ 72" ກໍ່ໄດ້ໄປສະແດງຢູ່ ລາວ.

ຕາມນັກຂຽນບົດລະຄອນ ຮວ່າງແທງຢູ ແລ້ວ, "ຈົດໝາຍສະບັບທີ 72" ໄດ້ຮັບການຂຽນຈາກເອກະສານຂອງທ່ານທະນາຍຄວາມ ຈ້ອງຕີ່, ອະດີດຜູ້ພິພາກສາຂອງສານປະຊາຊົນສູງສຸດ - ຜູ້ເຄີຍແກ້ໄຂຫຼາຍຄະດີທີ່ບໍ່ໄດ້ຮັບຄວາມຍຸຕິທຳ ຖືກກ່າວຫາ. ຜູ້ຂຽນ ຮວ່າງແທງຢູ ກໍ່ມີຄວາມປະທັບໃຈຕໍ່ກັບບັນດາຄະດີທີ່ລົງໂທດຜິດຄົນ ກ່ຽວກັບທ່ານ ໂດ້ວັນໂຈຍ, ສະມາຊິກພັກ, ເຄີຍເປັນພະນັກງານພື້ນຖານທີ່ຖືກຕັດສິນລົງໂທດໃນຂໍ້ກ່າວຫາຂ້າຄົນ. ໃນຕະຫຼອດ 8 ປີ, ທ່ານ ໂຈຍ ສືບຕໍ່ສົ່ງຄຳຮ້ອງທຸກ 70 ກວ່າສະບັບເພື່ອຮ້ອງຂໍຄວາມເປັນທຳ. ປີ 1966, ທ່ານປະທານ ໂຮ່ຈີມິນ ໄດ້ໃຫ້ເລຂາ ຫວູກີ ສົ່ງໃບຮ້ອງຂໍຄວາມເປັນທຳສະບັບໜຶ່ງໃຫ້ຫົວໜ້າອົງການໄອຍະການະຊາຊົນສູງສຸດ ເພື່ອຮ້ອງຂໍຄວາມເປັນທຳຂອງທ່ານ ໂດ້ວັນໂຈຍ ດ້ວຍຂໍ້ຄວາມວ່າ: “ທ່ານປະທ່ານ ໂຮ່ຈີມິນ ບໍ່ພໍໃຈຕໍ່ວິທີການເຮັດວຽກທີ່ບ່າຍບ່ຽງໃຫ້ກັນ, ປະຊາຊົນໄດ້ສົ່ງຄຳຮ້ອງຟ້ອງ 70 ສະບັບໂດຍບໍ່ມີອົງການໃດແກ້ໄຂບັນຫານີ້ຢ່າງເດັດຂາດ. ລຸງໂຮ່ ສະເໜີໃຫ້ອົງການໄອຍະການະຊາຊົນສູງສຸດ ຕ້ອງແກ້ໄຂບັນຫານີ້ ແລ້ວລາຍງານຜົນໃຫ້ລຸງໂຮ່". ແລະຄະດີຂອງທ່ານ ໂດ້ວັນໂຈຍ ໄດ້ຖືກເບິ່ງຄືນ...

ຕອນເຊົ້າວັນທີ 4 ເມສາ, ນັກສິລະປະຂອງເວທີສະແດງ ເລຫງອກ ໄດ້ມີການພົບປະແລກປ່ຽນກັບບັນດານັກຮຽນຂອງ ໂຮງຮຽນສອງພາສາ ຫວຽດນາມ - ລາວ ຫງວຽນຢູ. ບັນດານັກສິລະປະໄດ້ກ່າວຄຳປາໄສ, ແນະນຳໃຫ້ເດັກນ້ອຍຮູ້ເຖິງຄວາມໝາຍຂອງບົດລະຄອນ; ຂະບວນການແປງກາຍເປັນເຂົ້າໃນບັນດາຕົວລະຄອນ; ບົດຮຽນທຳມະດາທີ່ມີຄວາມໝາຍອັນໃຫຍ່ຫຼວງຈາກການດຳລົງຊີວິດ ແລະ ການເຮັດວຽກຂອງປະທານ ໂຮ່ຈີມິນ ເພື່ອປະຊາຊົນ ແລະ ປະເທດຊາດ.

ໂດຍມີຄວາມຮູ້ສຶກຕື້ນຕັນໃຈເມື່ອເວົ້າເຖິງການສະແດງຢູ່ ລາວ, ທ່ານສິລະປິນປະຊາຊົນ ນາງ ເລຫງອກ ແບ່ງປັນວ່າ: “ຈາກຄຳເຊີນຂອງທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ ເມື່ອຄັ້ງມາຢ້ຽມຢາມ ຫວຽດນາມ, ພວກຂ້າພະເຈົ້າ ໄດ້ປະຕິບັດການດີນທາງໄປເຖິງການນຳຮູບສັນຍະລັກປະທານ ໂຮ່ຈີມິນ ຂອງບົດລະຄອນຈົດໝາຍສະບັບທີ 72 ມາຮອດປະເທດ ລາວ ແລ້ວ. ນີ້ແມ່ນການເດີນທາງຢ່າງລຳບາກຂອງຫຼາຍຄະນະ, ຂະແໜງການທີ່ຮ່ວມມືເພື່ອນຳໂຄງການວັດທະນະທຳໃຫ້ບັນລຸໄຊຊະນະ. ຄວາມມານະພະຍາຍາມທີ່ບໍ່ຫນ້ອຍຂອງຫຼາຍໜ່ວຍງານ, ປະຊາຊົນຫຼາຍຄົນປະກອບສ່ວນເຂົ້າໃນເວທີສະແດງ ເລຫງອກ ເພື່ອສ້າງຄວາມມະຫັດສະຈັນທາງດ້ານວັດທະນະທຳ ແລະ ການທູດລະຫວ່າງຫວຽດນາມ - ລາວ”.

ທ່ານຮອງປະທານສະພາແຫ່ງຊາດ ລາວ ຈະເລີນ ເຢຍປາວເຮີ ຖ່າຍຮູບທີ່ລະນຶກກັບທ່ານ ສິລະປິນປະຊາຊົນ ນາງ ເລຫງອກ

ໃນຄືນນວັນທີ 4 ເມສາ, ບົດລະຄອນເວທີ ຈົດໝາຍສະບັບທີ 72 ສືບຕໍ່ໄດ້ສະແດງຢູ່ ຫໍວັດທະນະທຳລາວ ຮັບໃຊ້ຜູ້ຊົມ 1,200 ຄົນ. ອີກເທື່ອໜຶ່ງ, ທຸກຄົນໃນຄະນະໄດ້ "ສຸດໃຈ" ໃນການສະແດງບົດບາດທີ່ພວກເຂົາສວມ. ຕື່ມອີກເທື່ອໜຶ່ງ, ຜູ້ຊົມ ລາວ ແລະ ຊາວ ຫວຽດນາມ ອາໄສຢູ່ຕ່າງປະເທດ ໄດ້ເຫັນພາບທີ່ຮັກແພງຂອງປະທານ ໂຮ່ຈີມິນ ຜ່ານການສະແດງຂອງສິລະປິນຜູ້ສວມບົດບາດທີ່ເຕັມໄປດ້ວຍຄວາມຮູ້ສຶກຮັກແພງ ນັ້ນແມ່ນ ທ່ານສິລະປິນດີເດັ່ນ ວັນຫາຍ.

ຮູບພາບໃນການສະແດງຄ່ຳຄືນ ວັນທີ 4 ເມສາ