| ວາລະສານ Times ໄດ້ສ້າງເວທີປາໄສທີ່ມີປະໂຫຍດໃຫ້ຊາວຫວຽດນາມ ອາໄສຢູ່ຕ່າງປະເທດ ສະເໜີແຜນການສ້າງສາບ້ານເກີດເມືອງນອນ | |
| ບັນດາວິສາຫະກິດ ໂອຕຣິດ ຊອກຫາກາລະໂອກາດລົງທຶນຢູ່ ຫວຽດນາມ |
ຫວ່າງມໍ່ໆມານີ້, ວາລະສານການທູດຂອງ ໂອຕຣິດ Cercle Diplomatique (CD) ໄດ້ສົມທົບກັບສະຖານທູດ ຫວຽດນາມ ປະຈຳ ໂອຕຣິດ ໄດ້ຈັດຕັ້ງພິທີເປີດຕົວເລກສະບັບລະດູບານໃໝ່ 2024 ວາລະສານສະເພາະກ່ຽວກັບ ຫວຽດນາມ ຢູ່ສະໜາມແຂ່ງມ້າ ແອັດສະປາຍ ໃນພະລາຊະວັງ Vienna.
ໂດຍເຂົ້າຮ່ວມພິທີທີ່ມີທ່ານນາງ Andrea Fürnweger, ຫົວໜ້າບັນນາທິການ CD; ທ່ານ ຫງວຽນຈຸງກຽນ, ເອກອັກຄະລັດຖະທູດ ຫວຽດນາມ ປະຈຳ ສາທາລະນະລັດ ໂອຕຣິດ; ທ່ານ Ernst Woller, ປະທານສະພາແຫ່ງຊາດລັດ Vienna, ບັນດາແຂກຜູ້ມີກຽດ; ທ່ານ Maximilian Hennig, ຫົວໜ້າກົມພິທີການກະຊວງການຕ່າງປະເທດ ໂອຕຣິດ; ທ່ານ Alfred Hudler, ຜູ້ອຳນວຍການຝ່າຍບໍລິຫານສະໜາມແຂ່ງມ້າ ແລະ ແຂກຜູ້ຕາງໜ້າຂອງຄະນະທູຕານຸທູດ, ວົງການເສດຖະກິດ ແລະ ວັດທະນະທຳຢູ່ນະຄອນຫຼວງ Vienna ເກືອບ 200 ທ່ານ.
 |
|
|
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ໂອຕຣິດ ຫງວຽນຈູງກຽນ ໄດ້ສະແດງຄວາມຮູ້ສຶກຕື້ນຕັນໃຈເມື່ອ ຫວຽດນາມ ໄດ້ຮັບການເລືອກເພື່ອແນະນຳໃນສະບັບເລກທີທຳອິດຂອງວາລະສານ CD, ພ້ອມກັນນັ້ນ ກໍຢ້ຳຄືນບາງເຫດການຕົ້ນຕໍໃນປະຫວັດສາດແຫ່ງການພົວພັນທາງການທູດ ຫວຽດນາມ - ໂອຕຣິດ.
ທ່ານປະທານສະພາແຫ່ງຊາດລັດ Vienna ໄດ້ສະແດງຄວາມຊົມເຊີຍ ແລະ ຕີລາຄາສູງການພົວພັນລະຫວ່າງ 2 ປະເທດ ແລະ ເນັ້ນໜັກເຖິງຄວາມຮັກແພງສ່ວນຕົວຂອງຕົນສຳລັບ ຫວຽດນາມ. ບັນດາແຂກລ້ວນແຕ່ສະແດງຄວາມປິຕິຊົມຊື່ນຕໍ່ການພັດທະນາສາຍພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ ຫວຽດນາມ - ໂອຕຣິດ ໃນໄລຍະເຄິ່ງສະຕະວັດທີ່ຜ່ານມາ.
ທີ່ພິທີ, ສະຖານທູດ ຫວຽດນາມ ໄດ້ຈັດຕັ້ງລາຍການວາງສະແດງຮູບຖ່າຍເພື່ອແນະນຳປະເທດຊາດ, ປະຊາຊົນ ແລະ ວັດທະນະທຳ ຫວຽດນາມ ໃຫ້ແກ່ເພື່ອນມິດ ໂອຕຣິດ ແລະ ເພື່ອນມິດສາກົນ.
ນີ້ແມ່ນຄວາມຄິດຂອງທ່ານນາງ ໂງ່ທິຮົ່ງລວານ, ພະນັກງານການທູດ ຫວຽດນາມ ທີ່ບຳນານແລ້ວ ແຕ່ຍັງມີຄວາມກະຕືລືລົ້ນໃນການເຄື່ອນໄຫວວັດທະນະທຳການຕ່າງປະເທດຂອງປະເທດຊາດ.
ທ່ານນາງ ລວານ ໄດ້ລະດົມບັນດາຜູ້ອຸປະຖຳໜູນຊ່ວຍດ້ານການເງິນ ເພື່ອໃຫ້ບັນດານັກສິລະປະກອນຂອງສະມາຄົມຖ່າຍຮູບນະຄອນ ໂຮ່ຈີມິນ ຄື ຮ່ວາງເຖຫງ້ຽມ, ເຈີ່ນກ່າວບ໋າວລອງ, ຫງວຽນຕ໋ຽນກວາງ ແລະ ຫງວຽນວັນເຕີ່ມ ສາມາດແນະນຳບັນດາຜະລິດຕະພັນຂອງຕົນຢູ່ ໂອຕຣິດ. ບັນດາຜະລິດຕະພັນ ກໍໄດ້ຮັບການຕີລາຄາສູງຈາກເພື່ອນມິດສາກົນ.
ຫວຽດນາມ ແລະ ໂອຕຣິດ ໄດ້ສ້າງຕັ້ງການພົວພັນທາງການທູດຢ່າງເປັນທາງການໃນວັນທີ 1 ທັນວາ 1972. ນັບແຕ່ນັ້ນມາຮອດປະຈຸບັນ, ການພົວພັນລະຫວ່າງສອງປະເທດໄດ້ພັດທະນາເປັນຢ່າງດີ ແລະ ບັນລຸໄດ້ບັນດາຜົນງານຫຼາຍດ້ານຄື ການເມືອງ - ການທູດ, ການຄ້າ - ການລົງທຶນ, ວັດທະນະທຳ - ການທ່ອງທ່ຽວ, ການສຶກສາ ແລະ ບຳລຸງສ້າງ.
ໂອຕຣິດ ນອນໃນ Top 10 ບັນດາຄູ່ຮ່ວມມືດ້ານການຄ້າຂອງ ຫວຽດນາມ ໃນສະຫະພາບ ເອີຣົບ, ຫວຽດນາມ ແມ່ນຄູ່ຮ່ວມມືດ້ານການຄ້າຕົ້ນຕໍຂອງ ໂອຕຣິດ ໃນ ອາຊຽນ. ປີ 2023, ວົງເງິນການຄ້າສອງຝ່າຍບັນລຸ 2,93 ຕື້ USD.
ສິ່ງພິມກ່ຽວກັບຫວຽດນາມ ສາມາດອ່ານໄດ້ຢູ່ເວັບໄຊຂອງວາລະສານ Cercle Diplomatique: CERCLE DIPLOMATIQUE - issue 01/2024 (yumpu.com)
ມິງດຶກ
