ຫວຽດນາມ​ເຂົ້າ​ຮ່ວມ​ງານ​ວາງສະ​ແດງ​ການ​ປ້ອງ​ກັນ​ປະ​ເທດ​ໃຫຍ່​ທີ່​ສຸດ​ຂອງ​ອາຊີ
	ນັກ​ທ່ອງ​ທ່ຽວ ຊື່ນຊົມຍິນດີ​ກັບ​ການ​ສຳ​ຜັດ​ກັບ​ເທບ​ໃນ​ໝູ່​ບ້ານ​ທີ່​ມີ​ກິ່ນ​ຫອມ​ຂອງ​ເມືອງ​ເຫ້ວ

ວັນ​ທີ 12 ມີນາ​ນີ້, ສະຖາບັນຄົ້ນຄ້ວາຄຸ້ມ​ຄອງ​ເສດຖະກິດ​ສູນ​ກາງ (CIEM) ສົມທົບ​ກັບ​ອົງການຈັດຕັ້ງ​ຮ່ວມ​ມື​ສາກົນ ​ເຢຍລະ​ມັນ - ໂດຍກະຊວງການຮ່ວມມື​ເສດຖະກິດ ແລະ ພັດທະນາ​ສະຫະພາບ ​ເຢຍລະ​ມັນ (GIZ) ​ໄດ້​ຈັດຕັ້ງການສຳມະນາປຶກສາ​ຫາລື​ກ່ຽວ​ກັບ “ການ​ພັດທະນາ​ເສດຖະກິດ​ທີ່​ສ້າງສັນ: ທ່າ​ອ່ຽງ, ປະສົບ​ການ​ສາກົນ ​ແລະ ຂໍ້​ສະ​ເໜີກັບ ຫວຽດນາມ”.

ຫວຽດນາມ ​ນອນ​ໃນ top 3 ປະ​ເທດ​ທີ່​ມີ​ພື້ນຖານ​ເສດຖະກິດ​​ສົ່ງ​ອອກ​ສິນຄ້າ​​ທີ່​ສ້າງສັນ​ອັນ​ດັບ​ໜຶ່ງ​​ໃນ​ໂລກ

ຕາມ​ຂໍ້​ມູນ​ທີ່​ກອງ​ປະຊຸມ, top 10 ​ພື້ນຖານ​ເສດຖະກິດ​ພັດທະນາ​ທີ່​ສົ່ງ​ອອກ​ສິນຄ້າ​​ທີ່ສ້າງສັນລວມມີ: ອາ​ເມ​ລິ​ກາ, ອີ​ຕາ​ລີ, ​ເຢຍລະ​ມັນ, ຝະລັ່ງ, ອັງກິດ, ສ.​ເກົາຫຼີ, ໂປໂລຍ, ສະ​ວິດ, ​ໂຮນລັງ, ຍີ່ປຸ່ນ ດ້ວຍ​ຍອດ​ຈຳນວນ​ທຶນ 176.704 ລ້ານ USD, ກວມ 33,7% ຂອງ​ການ​ສົ່ງ​ອອກ​ສິນ​ຄ້າທີ່​ສ້າງ​ສັນ​ທັງ​ຫມົດ​ໃນ​ໂລກ​. ໃນ​ຂະນະ​ນັ້ນ, top 10 ພື້ນຖານ​ເສດຖະກິດພວມ​ພັດທະນາ​ທີ່​ສົ່ງ​ອອກ​ສິນຄ້າ​ສ້າງສັນອັນດັບໜຶ່ງຂອງໂລກ​ແມ່ນ ຈີນ, ຮົງ​ກົງ, ຫວຽດນາມ, ອິນ​ເດຍ, ໄຕ້​ຫວັນ, ມາ​ເລ​ເຊຍ, ຕວກກີ, ສະຫະນະຄອນ ເອເມຣັດ ອາຮັບ, ໄທ.

ທ່ານ ຫງວຽນ​ແອງ​ເຢືອງ, ຫົວໜ້າຄະນະ​ຄົ້ນ​ຄ້ວາສັງລວມ, ສະ​ຖາ​ບັນ CIEM ​ໃຫ້​ຮູ້​ວ່າ ບໍລິການສ້າງສັນການ​ສົ່ງ​ອອກ​ໃນ​ປະຈຸ​ບັນ​ລວມມີ: ຫັດຖະກຳ​ສິລະປະ, ອາພອນສະໄໝ ແລະ ການອອກແບບ; ສິລະປະການເຮັດອາຫານ; ສິລະປະການສະແດງ; ສິນລະປະປະຕິມາກຳ; ຮູບເງົາ ແລະ ສື່ມວນຊົນ; ເຕັກໂນໂລຢີຂໍ້ມູນຂ່າວສານ ແລະ ເຕັກນິກຊອບແວ; ການທ່ອງທ່ຽວ ແລະມໍລະດົກວັດທະນະທໍາ; ດົນຕີ ແລະ ການບັນເທີງ; ການພິມເຜີຍແຜ່ ແລະວັນນະຄະດີ; ການສ້າງເນື້ອຫາດິຈິຕອນ; ການສຶກສາແລະເປີດ ກວ້າງຕະຫຼາດ ແລະ ການໂຄສະນາດິຈິຕອນ.

FPT ​ໄດ້​ຮັບ​ຖື​ວ່າ​ເປັນ​ຕົວຢ່າງເປັນແບບຢ່າງ ​ເມື່ອ​ທ້າຍ​ປີ 2023, FPT ​ໄດ້​ປະກາດ​ຈຸດໝາຍ​ບັນລຸ 1 ຕື້ USD ​ໃນ​ການ​ເກັບ​ລາຍ​ຮັບ​ດ້ານ​ເຕັກ​ໂນ​ໂລຢີ​ຂໍ້​ມູນ​ຂ່າວສານ​ຈາກທ້ອງຕະຫຼາດ​ຕ່າງປະ​ເທດ​ກັບ 3 ທ້ອງຕະຫຼາດ​ສຳຄັນ​ຄື: ຍີ່​ປຸ່ນ, ອາ​ເມ​ລິ​ກາ ​ແລະ ອາຊີ - ປາຊີ​ຟິກ. ເຫດການລາຍຮັບນີ້ ກໍຂີດໝາຍເຖິງລະດັບຄວາມໄວການເຕີບໂຕຂອງກຸ່ມບໍລິສັດເພີ່ມເກືອບ 2 ເທົ່າ​ໃນໄລຍະ 3 ປີຜ່ານມາ ທີ່ສະແດງໃຫ້ເຫັນທ່າແຮງຢ່າງຈະແຈ້ງການເຕີບໂຕຂອງບັນດາບໍລິການສ້າງສັນ. ຖ້າ​ ຫວຽດນາມ​ ມີ​ວິ​ສາ​ຫະກິດ​ຄື FPT ​ເພີ່ມ​ຂຶ້ນ, ຈະ​ເປີດ​ປະຕູ​ໃຫຍ່​ໃຫ້​ແກ່ຂະແໜງການນີ້ ຢ່າງແໜ້ນແກ່ນ.

ຕາມ​ທ່ານ ຫງວຽນ​ແອງ​ເຢືອງ ​ແລ້ວ, ເພື່ອ​ເຮັດໄດ້​ສິ່ງ​ດັ່ງກ່າວ, ຫວຽດນາມ ຕ້ອງສຳເລດ ​ບັນດາ​ກົດບັນຢັດນະ​ໂຍບາຍ, ກົດໝາຍເພື່ອ​ສ້າງ​ຂອບ​ເຂດ​ນິຕິ​ກຳ​ທີ່​ເໝາະ​ສົມ​ໃຫ້​ແກ່​ການ​ພັດທະນາ​ເສດຖະກິດສ້າງສັນ, ຂະແໜງການອຸດສາຫະກຳແລະ ວັດທະນະ​ທຳສ້າງສັນ, ທ້ອງຕະຫຼາດວັດທະນະທຳ​ສ້າງສັນ, ເພີ່ມທະວີ​ກຳລັງ​ຄວາມ​ສາມາດກົດບັນຢັດຂອງ​ບັນດາອົງການທ້ອງ​ຖິ່ນ...

ປອ. ທ່ານ ເຈີ່ນທິຮົງມິງ, ຫົວໜ້າສະຖາບັນ CIEM ໃຫ້ຮູ້ວ່າ ຄວາມສຳນຶກຂອງເສດຖະກິດສ້າງສັນ ໄດ້ເກີດ ແລະ ມີການດັດປັບຢ່າງຕໍ່ເນື່ອງໃນໄລຍະ 3 ທົດສະວັດຜ່ານມາ. ດ້ວຍ​ແນວ​ຄິດ​ຊຸກຍູ້​ພື້ນ​ເສດຖະກິດ​ສ້າງສັນ, ​ແຕ່​ລະ​ພື້ນ​ເສດຖະກິດ​ ກໍ​ສາມາດໝູນໃຊ້ສ້າງກອບນະ​ໂຍບາຍຈົນສຸດຄວາມສາມາດ​ ທີ່​ມີ​ຢູ່​ໃນ​ບັນດາ​ຮູບ​ແບບ​ເສດຖະກິດ​ອື່ນໆ. ການບໍລິການທີ່ສ້າງສັນໃນຫຼາຍພື້ນເສດຖະກິດ ໄດ້ຕີລາຄາວ່າ ແມ່ນມີຄວາມຕ້ານ ແລະ ຄວາມສາມາດດີກວ່າໃນໄລຍະໂລກລະບາດ.

“ຈິນຕະນາການ​ກ່ຽວກັບເສດຖະກິດ​ສ້າງສັນ ຊ່ວຍສຳເລດນະ​ໂຍບາຍ​ ​ເພື່ອ​ໃຫ້​ບັນດາ​ຫົວ​ຄິດ​ປະດິດ​ສ້າງ​ມີ​ເງື່ອນ​ໄຂ, ວົງຈອນຈາກ​ການ​ສ້າງ, ຜະລິດ, ການ​ສະໜອງ, ການ​ຈຳໜ່າຍ ​ແລະ ທັງການ​ສົ່ງ​ອອກ. ຈາກ​ນັ້ນ, ຈະນຳມາເຊິ່ງ​ມູນ​ຄ່າ​ເພີ່ມກ່ວາ​ໃຫ້​ແກ່​ເສດຖະກິດ, ກຳໄລສູງກ່ວາໃຫ້​ແກ່​ວິ​ສາ​ຫະກິດ ​ແລະ ລາຍ​ຮັບ​​ຄົນ​ງານ​ສູງ​ຂຶ້ນ”, ປອ. ທ່ານ ເຈີ່ນທິຮົງມິງ ກ່າວ​.

ຕາມທ່ານ ປອ. ນາງ ຫງວຽນທິຮ່ວາງແຫ້ງ, ສູນກາງຄົ້ນຄວ້າການບຳລຸງສ້າງ ແລະ ໜູນຊ່ວຍ, ໃຫ້ຄຳປຶກສາ - ກົມກຳມະສິດພູມປັນຍ, ເພື່ອພັດທະນາເສດຖະກິດສ້າງສັນ ຕ້ອງເອົາໃຈໃສ່ເຖິງກຳມະສິດພູມປັນຍ, ຫຼືເວົ້າອີກຢ່າງໜຶ່ງນີ້ແມ່ນ “ກະດູກສັນຫຼັງ, ສາຍເລືອດ”. ສະ​ນັ້ນ, ບັນດາ​ກະຊວງ, ຂະແໜງການ​ຕ້ອງ​ມີການແກ້ໄຂ ​ຢ່າງ​ສະ​ເພາະກ່ວາ, ກຳນົດ​ບັນດາ​ບັນຫາ​ບຸລິມະສິດ​ໃນ​ແຕ່ລະ​ໄລຍະ. ຜົນປະໂຫຍດ, ຄວາມຕ້ອງການຂອງກຸ່ມອັດຕະພາບ; ກົມກຽວກັນ, ເທົ່າທຽມກັນ ແຕ່ວ່າພຽງແຕ່ສາມາດພໍສົມຄວນ ແລະ ສາມາດປັບຕົວໄດ້ທັນທີຖ້າຈໍາເປັນ.